សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ឈើ គឺជាវត្ថុធាតុដើមបុរាណ និងមានអាយុកាលចាស់បំផុតក្នុងការប្រើប្រាស់នៅក្នុងវិស័យសាងសង់ លំនៅដ្ឋាន និងអគាររបស់មនុស្សជាតិអស់រយៈពេលរាប់ពាន់ឆ្នាំមកហើយ ប៉ុន្តែដោយសារតែបច្ចេកវិទ្យាកាន់តែទំនើប វត្ថុធាតុដើមមួយនេះមិនសូវត្រូវបានគេបន្តប្រើប្រាស់ទៀតឡើយ។
ថ្វីត្យិតតែការសាងសង់លំនៅដ្ឋាន និងអគារបច្ចុប្បន្នមិនសូវមានការប្រើប្រាស់ឈើ ប៉ុន្តែក្នុងនោះគេនៅតែសង្កេតឃើញមានការប្រើប្រាស់ឈើមកសាងសង់សំណង់ធំៗមួយចំនួនរបស់ពិភពលោកផងដែរ ដូចជាអគារកប់ពពកនៅទីក្រុងប៊ែរឡាំង ដែលមានកំពស់ ៩៨ម៉ែត្រ និងសំណង់ប្រាសាទសង់ពីឈើនៅប្រទេសថៃ ដែលមានកំពស់ខ្ពស់ជាងគេលើពិភពលោក ដែលចាប់ផ្តើមសាងសង់តាំងតែពីឆ្នាំ១៩៨១ និងបន្តការងារមកដល់បច្ចុប្បន្ននៅឡើយមានកំពស់១០៥ម៉ែត្រ។
ថ្មីៗនេះ គេក៏ទើបតែទទួលបានដំណឹងដែរថា មានអគារកប់ពពកថ្មីមួយទៀតដែលកំពុងស្ថិតនៅក្នុងផែនការសាងសង់ពីឈើដែលមានកំពស់ដល់ទៅ៩៦ម៉ែត្រ ឬត្រូវជា ២៨ជាន់ដែលស្ថិតនៅក្នុងខេត្ត Zanzibar ប្រទេស Tanzania នៅទ្វីបអាហ្វ្រិក និងជាអគារសាងសង់ពីឈើដំបូងគេនៅអាហ្វ្រិក។ អគារនេះត្រូវបានគេដាក់ឈ្មោះថា Burj Zanzibar ដោយរចនាឡើងមានរូបរាងជាសំបុកឃ្មុំ ហើយបើទោះបីជាសាងសង់ពីឈើក្តី ប៉ុន្តែវាត្រូវបានស្រោបពីក្រៅដោយសារធាតុដែលមិនងាយនឹងឆាបឆេះឡើយ។
សំណង់អគារដែលនឹងត្រូវសាងសង់ឡើងមានលក្ខណៈពិសេសសមស្របទៅនឹងស្តង់ដាបៃតង១០០ភាគរយ ហើយមានទាំងសេវាកម្មជាច្រើនបញ្ចូលគ្នា រួមទាំងអាងហែលទឹកបន្ទប់ហាត់ប្រាណផងដែរ ដែលតាមផែនការវាទាមទារពេលវេលាដល់ទៅ៣ឆ្នាំក្នុងសាងសង់។
បញ្ហានៃបម្រែបម្រួលអាកាសធាតុនាពេលបច្ចុប្បន្ន វិស័យសំណង់ដែលប្រើប្រាស់ស៊ីម៉ង់ត៍បាន និងកំពុងជួយជំរុញវិបត្តិនេះកាន់តែអាក្រក់ឡើងដោយសារតែស៊ីម៉ង់ត៍ជាទូទៅគឺជាអ្នកបញ្ចេញឧស្ម័នកាបូនអុកស៊ីតដល់ទៅ៨ភាគរយចូលទៅក្នុងបរិយាកាស។ ខុសគ្នាពីស៊ីម៉ង់ត៍ ប្រសិនបើការសាងសង់ធ្វើពីឈើវាបែរជាបានជួយកាត់បន្ថយការបញ្ចេញឧស្ម័នកាបូនអុកស៊ីតដោយសាច់ឈើមួយម៉ែត្រគូបអាចស្រូបទាញយកឧស្ម័នពុលនេះដល់ទៅមួយតោនជំនួសវិញ៕
Account
Security
Favourite Content