សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ នៅដើមសប្តាហ៍នេះ ក្រុមហ៊ុនលក់ទំនិញតាមអនឡាញលំដាប់កំពូលរបស់អាម៉េរិក Amazon បានអះអាងថា នៅលើគេហទំព័រលក់ទំនិញរបស់ខ្លួនបានជួយគាំទ្រដល់ការលក់ទំនិញរបស់ក្រុមអាជីវកម្មខ្នាតតូចរបស់ប្រទេសឥណ្ឌាក្នុងទំហំទៅដល់ ២០ពាន់លានដុល្លាររួចមកហើយសម្រាប់ការនាំចេញទៅកាន់ទីផ្សារក្រៅប្រទេស។
Amazon បានបង្ហាញទិន្នន័យទៀតថា គិតត្រឹមឆ្នាំ២០២៥នេះប៉ុណ្ណោះ អាជីវករឥណ្ឌាអាចនាំចេញទំនិញរបស់ខ្លួនបានប្រមាណ ៧ពាន់លានដុល្លារទាំងដែលបច្ចុប្បន្នពួកគេកំពុងជួបប្រទះបញ្ហារាំងស្ទះដោយសារការតម្លើងពន្ធគយរបស់អាម៉េរិកមកលើផលិតផលរបស់ប្រទេសឥណ្ឌា។ យ៉ាងណាក្តី ទោះមានឧបសគ្គបែបនេះក៏ដោយ Amazon នៅតែមានជំនឿចិត្តថា ក្នុងរយៈពេលវែងជាងនេះ សន្ទុះនៃកំណើនលក់លើផ្ទាំងគេហទំព័ររបស់ខ្លួននឹងនៅតែអាចរុញឲ្យទំនិញរបស់ឥណ្ឌាទៅកាន់ទីផ្សារអន្តរជាតិកើនឡើងទៅដល់ ៨០ពាន់លានដុល្លារត្រឹមឆ្នាំ២០៣០ខាងមុខ ជាពិសេសសម្រាប់ប្រភេទមុខទំនិញដែលកំពុងពេញនិយមខ្លាំង ដូចជា គ្រឿងសំអាង សម្ភារក្មេងលេង ក៏ដូចជាផលិតផលវាយនភណ្ឌផងដែរ។
ថ្លែងនៅក្នុងបទសម្ភាសន៍ជាមួយភ្នាក់ងារព័ត៌មាន ប្រធានផ្នែកលក់នៃទីផ្សារសកលរបស់ឥណ្ឌាប្រចាំក្រុមហ៊ុន Amazon លោក Srinidhi Kalvapudi បានលើកឡើងថា៖ ផលប៉ះពាល់លើការនាំចេញរបស់ឥណ្ឌា តាមរយៈគេហទំព័រ Amazon នៅពេលនេះនៅមានកម្រិតនៅឡើយ។ អាជីវករបានផ្តោតសំខាន់តែទៅលើអ្វីដែលអាចគ្រប់គ្រងលើការលក់ និងមានកំណើន ជាជាងការព្រួយបារម្ភអំពីកំដៅពាណិជ្ជកម្មដែលអាចផ្ទុះឡើងក្នុងរយៈពេលខ្លី។ ការងារដែលបណ្តាអាជីវករធ្វើជាយូរមកហើយនោះគឺមានរចនាសម្ព័ន្ធដ៏ត្រឹមត្រូវ ដែលមិនត្រឹមតែជាប្រព័ន្ធវិលជុំធម្មតានោះទេ ហើយចំពោះការកំណត់អត្រាពន្ធពីសហរដ្ឋអាម៉េរិកនាពេលបច្ចុប្បន្នេះ គឺគ្រាន់តែជាពេលវេលានៃការចាប់ផ្តើមប៉ុណ្ណោះ។
គួរឲ្យដឹងដែរថា កម្មវិធីលក់ផលិតផល និងទំនិញរបស់ឥណ្ឌាទៅទីផ្សារសកល ឬ Global Selling Programme របស់ Amazon ត្រូវបានដាក់ឲ្យដំណើរការតាំងតែពីឆ្នាំ២០១៥មកម្ល៉េះ។ កម្មវិធីនេះ អនុញ្ញាតឲ្យផលិតផលរបស់ឥណ្ឌាអាចនាំចេញទៅដល់ប្រទេសចំនួន១៨ ដែលក្នុងនោះរួមមានទាំងអាម៉េរិក ចក្រភពអង់គ្លេស អាម្លឺម៉ង់ កាណាដា និងអារ៉ាប់រួម ហើយបច្ចុប្បន្ននេះ គោលដៅនៃការលក់ផលិតផលឥណ្ឌានៅលើទីផ្សារសហរដ្ឋអាមេរិក បានស្ថិតនៅកំពូលតារាងនៃការនាំចេញតាមរយៈគេហទំព័រ Amazon ហើយរត់តាមពីក្រោយដោយចក្រភពអង់គ្លេស អាល្លឺម៉ង់ និងកាណាដា៕
Account
Security
Favourite Content