សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ក្រុមហ៊ុនអ្នកផលិតរថយន្តប្រណិត Denza ឬឈ្មោះជាផ្លូវការ Shenzhen BYD New Energy Company គឺជាក្រុមហ៊ុនបណ្តាក់ទុនរួមគ្នា ( Joint Venture) វិនិយោពាក់កណ្តាលម្នាក់រវាងក្រុមហ៊ុនអ្នកផលិតរថយន្តចិន BYD និងក្រុមហ៊ុនផលិតរថយន្តអាល្លឺម៉ង់ Mercedes-Benz តាំងតែពីឆ្នាំ២០១១។
គិតមកត្រឹមប៉ុន្មានឆ្នាំចុងក្រោយនេះ BYD បានទិញយកភាគហ៊ុនភាគច្រើនរបស់ Mercedez-Benz បន្ថែមរហូតមកទល់បច្ចុប្បន្នដែលនៅសេសសល់ត្រឹមតែ១០ភាគរយប៉ុណ្ណោះ។ យ៉ាងណាក្តី ក្នុងសប្តាហ៍នេះ តាមរយៈការប្រកាសជាផ្លូវការ BYD បានចំណាយលុយទិញយកហ៊ុនទាំងអស់ដែលនៅសេសសល់របស់ក្រុមហ៊ុនអាល្លឺម៉ង់ដើម្បីយកយីហោរថយន្តប្រណិត Denza មកធ្វើគ្រប់គ្រង និងធ្វើទីផ្សារដោយខ្លួនទាំងអស់តែម្តង។
ការសម្រេចចិត្តនេះមានន័យថា ភាពជាដៃគូរយៈពេល១៣ឆ្នាំត្រូវបានបញ្ចប់ ហើយវាក៏ត្រូវបានគេមើលឃើញដែរថា បានកើតឡើងនៅចំពេលដែលមានភាពតានតឹងដាក់គ្នាខ្លាំងរវាងរដ្ឋាភិបាលទីក្រុងប៉េកាំង និងបណ្តាប្រទេសលោកខាងលិច ជាពិសេសអាមេរិក និងអឺរ៉ុប ជុំវិញការបង្កើនពន្ធនាំចូលរថយន្តចិនដែលពេលនេះមានអត្រារហូតទៅដល់ ៣៦,៣ភាគរយទៅហើយ។
ការផ្លាស់ប្តូរជាយុទ្ធសាស្ត្រត្រូវបានធ្វើឡើងម្តងហើយកាលពីឆ្នាំ២០២១ នៅពេលដែល BYD បានទិញយកហ៊ុនមួយភាគធំ និងទទួលយកការងារជាអ្នកធ្វើទីផ្សារជំនួសវិញ ខណៈដែលប៉ុន្មានឆ្នាំកន្លងមកនេះប្រតិបត្តិការលក់របស់ Denza មិនទទួលលទ្ធផលល្អនោះឡើយ។
ជាលទ្ធផលនៅឆ្នាំ២០២៣ ម៉ូដេល D9 minivan របស់ Denza បានក្លាយទៅជារថយន្តម៉ូដេលគ្រួសារដែលលក់ដាច់ជាងគេបំផុតក្នុងទីផ្សារប្រទេសចិន ហើយតាមផែនការនៅក្នុងសប្តាហ៍នេះ Denza ក៏នឹងដាក់តាំងបង្ហាញម៉ូដេលថ្មីជាផ្លូវការដោយមានឈ្មោះថា Z9GT ជាមួយនឹងតម្លៃបញ្ជាទិញជាមុនប្រមាណជា ៣៣៩ ៨០០យ័ន ឬត្រូវជា ៤៧ ៩០០ដុល្លារក្នុងមួយគ្រឿង។
គួរឲ្យដឹងដែរថា BYD កាលពីឆ្នាំ២០២៣បានជាប់ឈ្មោះជាក្រុមហ៊ុនល្អបំផុតក្នុងប្រតិបត្តិការលក់រថយន្តដែលពឹងផ្អែកលើថាមពលថ្មី (The Global New Energy Vehicle (NEV)) ដែលអាចលក់រថយន្តបានរហូតទៅដល់ ៣លានគ្រឿង និងផ្ទួនៗ២ឆ្នាំជាប់គ្នា។
ដោយឡែក សម្រាប់ឆ្នាំ២០២៤នេះគេជឿជាក់ថា BYD នឹងស្ថិតនៅក្នុងចំណោមបញ្ជីក្រុមហ៊ុនសកលលោកទាំង១០ដែលលក់រថយន្តបានច្រើនជាងគេបំផុតជាលើកដំបូង និងបន្តមានឈ្មោះជាយីហោក្រុមហ៊ុនលក់ និងផលិតរថយន្តល្អបំផុតដាច់គេនៅក្នុងប្រទេសចិនផងដែរ៕
Account
Security
Favourite Content