សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានគាំទ្រយ៉ាងពេញទំហឹង និងបានសហការលើកកម្ពស់សេវាចុះបញ្ជីកម្មសិទ្ធិបញ្ញាតាមប្រព័ន្ធអេឡិចត្រូនិក ដើម្បីលើកកម្ពស់ដល់ការប្រកួតប្រជែងស្របច្បាប់។ កិច្ចគាំទ្រនេះត្រូវបានធ្វើឡើងនៅថ្ងៃទី៥ ខែឧសភា ឆ្នាំ២០២៥ ក្នុងឱកាសបានទទួលជួបពិភាក្សាទ្វេភាគីជាមួយតំណាងអង្គការកម្មសិទ្ធិបញ្ញាពិភពលោក (WIPO) ដឹកនាំដោយលោក Ken Natsume ដើម្បីជំរុញកិច្ចសហការលើការពង្រឹងប្រព័ន្ធកម្មសិទ្ធិបញ្ញារបស់កម្ពុជា នាខេត្តសៀមរាប។
កិច្ចពិភាក្សាខាងលើនេះក៏បានផ្តោតលើអាទិភាពសំខាន់ៗ រួមមានការលើកកម្ពស់សេវាចុះបញ្ជីកម្មសិទ្ធិបញ្ញាតាមប្រព័ន្ធអេឡិចត្រូនិក (E-Filing) និងការធ្វើទំនើបកម្មប្រព័ន្ធស្វ័យប្រវត្តិកម្មកម្មសិទ្ធិបញ្ញា (IPAS) ដើម្បីសម្រួលដល់ការចុះបញ្ជីកម្មសិទ្ធិបញ្ញា និងជំរុញការធ្វើបរិវត្តកម្មឌីជីថលក្នុងវិស័យនេះ។ ភាគីទាំងពីរក៏បានពិភាក្សាអំពីច្បាប់ស្តីពីតក្កកម្ម និងគំនូរឧស្សាហកម្ម ដើម្បីឱ្យត្រូវនឹងនិន្នាការសកលលោក ការកសាងសមត្ថភាពក្នុងការអនុវត្តសន្ធិសញ្ញា, ជំនួយបច្ចេកទេសលើការរៀបចំច្បាប់ និងគោលការណ៍ណែនាំស្តីពីតក្កកម្ម និងគំនូរឧស្សាហកម្ម។
ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យានិងនវានុវត្តន៍ បានកោតសរសើរចំពោះការគាំទ្ររបស់ WIPO ដែលបាននាំមកនូវសមិទ្ធផលសំខាន់ៗសម្រាប់កម្ពុជា ដូចជាការចូលជាសមាជិកនៃសន្ធិសញ្ញាអន្តរជាតិនានា ការធ្វើឱ្យប្រសើរឡើងនូវប្រព័ន្ធឌីជីថលថ្មីៗជាបន្តបន្ទាប់ និងការដាក់ឱ្យដំណើរការសេវាចុះបញ្ជីកម្មសិទ្ធិបញ្ញាតាមប្រព័ន្ធអេឡិចត្រូនិកជាដើម។
WIPO ជាអង្គការពិភពលោកមួយដែលមានជំនាញ និងធនធានជាច្រើនអាចជួយពង្រឹងហេដ្ឋារចនាសម្ព័ន្ធទាក់ទងនឹងកម្មសិទ្ធិបញ្ញានៅកម្ពុជា រួមទាំងជំនួយផ្នែកច្បាប់ ការបង្កើតគោលនយោបាយ និង ប្រព័ន្ធរដ្ឋបាល។ កម្ពុជាបានក្លាយជាសមាជិកអង្គការមួយនេះនៅក្នុងឆ្នាំ ១៩៩៥។
អង្គការ WIPO តែងតែជួយគាំទ្រ និងជ្រោមជ្រែងការអភិវឌ្ឍវិស័យកម្មសិទ្ធិបញ្ញានៅក្នុងតំបន់អាស៊ានជារួម និងពិសេសវឌ្ឍនភាពលើវិស័យកម្មសិទ្ធិបញ្ញានៅកម្ពុជា តាមរយៈការចូលរួមគាំទ្រ និងការផ្តល់ជំនួយបច្ចេកទេសជាច្រើន ក្នុងនោះរួមមាន៖ការដាក់ឱ្យដំណើរការ IPAS4, គម្រោង Branding Project ការកសាងសមត្ថភាពមន្ត្រីជំនាញ,ការចុះបញ្ជីទំនិញសម្គាល់ភូមិសាស្រ្ត(ក្រូចថ្លុងកោះទ្រង់និងអំបិល-ផ្កាអំបិលកំពត) ការចុះបញ្ជីម៉ាកសមូហភាព (គុយទាវភ្នំពេញ) ព្រមទាំងជួយកសាងនិងកែលម្អបរិយាកាសគតិយុត្តិលើវិស័យកម្មសិទ្ធិបញ្ញាកម្ពុជា ជាដើម៕
Account
Security
Favourite Content