សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជាមួយនឹងភាពរីកចម្រើននៃវិស័យបច្ចេកវិទ្យាក្នុងដំណាក់កាលបដិវត្តន៍ឧស្សាហកម្ម ៤.០ កម្ពុជា បាន និងកំពុងពង្រឹង និងពង្រីកសមត្ថភាពដូចគ្នាទៅនឹងបណ្តាប្រទេសជិតខាងមួយចំនួនបានយ៉ាងល្អប្រសើរ។ ជាក់ស្ដែងថ្មីៗនេះ តាមរយៈវិស័យឯកជន កម្ពុជាបានទទួលយកសេវាកម្មថ្មីនៃបច្ចេកវិទ្យាទំនើបចុងក្រោយដោយការប្រើម៉ាស៊ីនស្វ័យប្រវត្តិ (RoBot) ជាជំនួយនៅក្នុងវិស័យការងារប្រចាំថ្ងៃបំពេញបន្ថែមពីលើកម្លាំងពលកម្មរបស់មនុស្ស ទាំងនៅក្នុងវិស័យឧស្សាហកម្ម សេវាកម្មក្នុងភោជនីយដ្ឋាន ក៏ដូចជានៅក្នុងវិស័យបដិសណ្ឋារកិច្ចផងដែរ។
លោក ខូយ តារា ជំនួយការក្រុមហ៊ុន AZ Group ដែលបាននាំយកបច្ចេកវិទ្យាដ៏ទំនើបចុងក្រោយនៃម៉ាស៊ីនស្វ័យប្រវត្តិ (Robot) សម្រាប់បំពេញការងារបន្ថែមលើកម្លាំងពលកម្មប្រចាំថ្ងៃរបស់មនុស្សនៅកម្ពុជាបានមានប្រសាសន៍ឱ្យដឹងកាលពីថ្ងៃចុងសប្ដាហ៍កន្លងទៅថា ការនាំចូលនេះក្រោយកិច្ចសហការជាមួយក្រុមហ៊ុនសាជីវកម្ម TKK Corporation មកពីប្រទេសថៃ ដើម្បីផ្សព្វផ្សាយទៅកាន់ទីផ្សារគោលដៅនានានៅទូទាំងព្រះរាជណាចក្រកម្ពុជាដែលស្ថិតនៅក្នុងវិស័យឧស្សាហកម្ម រោងចក្រ សហគ្រាស ភោជនីយដ្ឋាន និងសណ្ឋាគារជាដើម។
លោកបានបញ្ជាក់ថា ៖
“សេវាកម្មបែបមនុស្សយន្ត Technology បច្ចេកវិទ្យាឌីជីថល ដែលជាផលិតផលថ្មីមួយនេះ អាចជួយសម្រួលដល់ការធ្វើប្រតិបត្តិការនៅក្នុងក្រុមហ៊ុន រោងចក្រ សហគ្រាស និងភោជនីយដ្ឋាននៅព្រះរាជាណាចក្រកម្ពុជា។ នេះជាបច្ចេកទេសថ្មីដែលយើងមានម៉ាស៊ីនស្វ័យប្រវត្តិ បែបសេវាកម្មរោងចក្រ និងអាចបម្រើសេវាកម្មនៅក្នុងភោជនីយដ្ឋានលើកដំបូងនៅកម្ពុជា ហើយមានទាំងតិចណូឡូជី ឌីជីថលមកជាមួយផងដែរ ដែលសេវាកម្មបែបមនុស្សយន្ត technology នេះនឹងនាំឱ្យយើងមានភាពងាយស្រួលក្នុងការអភិវឌ្ឍអាជីវកម្មទៅថ្ងៃអនាគត”
លោកបានបន្តថា ៖
“ចំណុចមួយទៀត បើពិចារណាទៅលើតម្លៃ គឺមានភាពសមរម្យ យើងមិនលក់ក្នុងតម្លៃខ្ពស់ពេកនោះទេ មានទាំងលក់ មានទាំងការជួល គឺយើងផ្តល់លទ្ធភាពដើម្បីម្ចាស់អាជីវកម្ម ម្ចាស់រោងចក្រសហគ្រាសឱ្យគាត់មានលទ្ធភាពក្នុងការទិញយកទៅប្រើប្រាស់ ឬជួលយកទៅប្រើប្រាស់ប្រចាំថ្ងៃផ្សេងៗ”
យ៉ាងណាក៏ដោយ ពាក់ព័ន្ធទៅនឹងការទទួលយក ឬនាំចូលនូវបច្ចេកវិទ្យាថ្មីដោយការប្រើមនុស្សយន្តជំនួសកម្លាំងពលកម្មរបស់មនុស្សនៅពេលនេះ ក៏ដូចជានៅថ្ងៃអនាគត ត្រូវបានអ្នកតំណាងក្រុមហ៊ុន AZ Group រូបនេះអះអាងថា មិនមានផលប៉ះពាល់ណាមួយទៅលើចំណែក ទីកន្លែងការងាររបស់មនុស្សដែលជាកម្មករជំនាញដែលកំពុងបម្រើការងារប្រចាំថ្ងៃនោះទេ ដោយសារតែ មនុស្សយន្ត (Robot) មិនមែនជាកម្លាំងជំនាញដែលត្រូវបានគេយកទៅជំនួសមនុស្សនៅក្នុងដំណើរការសង្វាក់ផលិតកម្មទាំងស្រុងនោះទេ ប៉ុន្តែវាបានបង្ហាញពីរបត់ថ្មីនៃការទទួលយកបច្ចេកវិទ្យាថ្មី និងការបង្ហាញពីភាពរីកចម្រើនរបស់ប្រទេសកម្ពុជាដូចគ្នាទៅនឹងបណ្តាប្រទេសជិតខាងផងដែរ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កងទ័ពជើងទឹកចិន បង្ហាញរ៉ូបូតជាសត្វត្រីអាចស៊ើបការណ៍នៅក្រោមបាតសមុទ្របានយ៉ាងលម្អិត
ព្រឹត្តិការណ៍, អាជីវកម្មថ្មី និងនវានុវត្ត
• 17/06/2026
កងទ័ពជើងទឹកចិន បានបង្ហាញជាផ្លូវការនូវបច្ចេកវិទ្យាយោធាថ្មីមួយទៀតរបស់ខ្លួនគឺត្រីរ៉ូបូតសម្រាប់បម្រើដល់បេសកកម្មឈ្លបយកការណ៍ (Bionic Robotic Fish)
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content