សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ វិស័យអចលនវត្ថុនៅក្នុងប្រទេសកម្ពុជា បាន និងកំពុងវិវត្តន៍ជាវិជ្ជមានជាបន្តបន្ទាប់បើទោះជាមានការរំខានពីវិបត្តិកូវីដ និងបញ្ហាសង្គ្រាមរវាងរុស្ស៊ី និងអ៊ុយក្រែនក៏ដោយ។ នេះបើតាមការអះអាងរបស់អ្នកជំនាញវាយតម្លៃអចលនទ្រព្យ ក្រោយពេលវិស័យនេះបានពើបប្រទះនឹងការស្ទះដំណើរការនៅក្នុងកាលៈទេសៈកើតមានបញ្ហាជាសកល។
លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) បានកត់សម្គាល់ថា ស្ថានភាពវិស័យអចលនទ្រព្យនៅក្នុងប្រទេសកម្ពុជា ជាពិសេសក្នុងរយៈពេល១០ឆ្នាំចុងក្រោយនេះ នៅតែបន្តដំណើរការទៅមុខបន្តិចម្តងៗដដែល ដោយមិនមានផលរាំងស្ទះទៅដល់វិបត្តិធ្ងន់ធ្ងរខ្លាំងនោះទេ។
អ្នកជំនាញផ្នែកអចលទ្រព្យនៅកម្ពុជារូបនេះបានអះអាងថា នេះគឺជាយន្តការនៃការវិវត្តន៍ជាវិជ្ជមាននៃវិស័យអចលនទ្រព្យក្នុងប្រទេសកម្ពុជានាពេលបច្ចុប្បន្ន ប៉ុន្តែទោះជាយ៉ាងណាក្តី វិស័យមួយនេះ ក៏បាន និងកំពុងប្រឈមបញ្ហាតិចតួចដែលត្រូវដោះស្រាយដែលបណ្តាលមកពីវិបត្តិជាសកល។
លោក ច្រឹក សុខនីម ថា ៖
“ការទិញ លក់ អចលនទ្រព្យមួយចំនួនមានការធ្លាក់ចុះ ដោយសារតែស្ថានភាពសេដ្ឋកិច្ចសកល រងផលជះជាអវិជ្ជមានដោយសារតែកូវីដ១៩។ នៅចំពោះមុខដំណោះស្រាយក្នុងការស្តារឡើងវិញនៃវិស័យអចលនទ្រព្យក្នុងប្រទេសមានកត្តា៣ចំណុច ដែលតម្រូវឲ្យមានការជួយជ្រោមជ្រែងឡើងវិញ”
លោកថា ៖
“វិស័យនេះអាចបន្តសកម្មភាពរបស់ខ្លួនឡើងវិញ ដោយសារមានយន្តការ ៣ ជាអាទិភាពសំខាន់ ដោយទី១ ការគាំទ្រគោលនយោបាយពង្រីកការប្រើប្រាស់ដីធ្លីរបស់រាជរដ្ឋាភិបាល , ទី២ ការគាំទ្រដោយហិរញ្ញប្បទានពីធនាគារ ស្ថាប័នធនាគារ នៅតែជាអទិភាពដើម្បីភាពរីកចម្រើន និង ទី៣ គឺតម្រូវការក្នុងការប្រើប្រាស់ដី សម្រាប់ជាលក្ខណៈលំនៅឋាន ឬការផ្លាស់ប្តូរលំនៅឋានចូលមកក្នុងរាជធានីភ្នំពេញ ឬតាមបណ្តាខេត្ត ឬតំបន់ប្រជុំជន”
តាមអ្នកជំនាញរូបនេះ កត្តាទាំង ៣ នឹងអាចឲ្យវិស័យអចលនទ្រព្យបន្តសកម្មភាពដោះដូរ ហើយមួយផ្នែកវិញទៀត គឺរំហូរវិនិយោគរបស់ជនបរទេស។ នេះជាចំណុចសំខាន់ និងជាអាទិភាព ដែលជួយឲ្យមានកំណើន និងទ្រទ្រង់វិស័យសេដ្ឋកិច្ចឲ្យមានការរីកចម្រើន។
គួរជម្រាបថា ក្នុងបរិការណ៍នៃជំងឺកូវីដ១៩ សេដ្ឋកិច្ចកម្ពុជាបានធ្លាក់ចុះជាអវិជ្ជមានក្នុងរង្វង់ -៣ភាគរយ ខណៈដែលការទិញលក់អចលនទ្រព្យ ក៏មានភាពជាប់គាំង ដ្បិតមិនមានការវិនិយោគគួរឲ្យកត់សម្គាល់ ក៏ប៉ុន្តែក្រោយការដាក់ផែនការស្តារសេដ្ឋកិច្ចឡើងវិញ ជាបន្តបន្ទាប់ សេដ្ឋកិច្ចកម្ពុជាបានងើបមកវិជ្ជមានវិញក្នុងឆ្នាំ២០២១។
ដោយឡែក វិស័យសំណង់ និងអចលនវត្ថុ ត្រូវបានក្រសួងសេដ្ឋកិច្ចដាក់ក្តីរំពឹងថានឹងងើបឡើងវិញក្នុងរង្វង់ ៤.៨% ដោយសម្អាងលើការវិនិយោគក្នុងស្រុក និងតម្រូវការលំនៅដ្ឋាននៅតែបន្តមានសន្ទុះ។ នេះបើតាមលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ថ្លែងនៅក្នុងសមាជលើកទី២៣របស់សមាគមអ្នកវាយតម្លៃអចលនវត្ថុអាស៊ានតាមប្រព័ន្ធអនឡាញកាលពីខែវិច្ឆិកា ឆ្នាំ២០២១៕ អត្ថបទដោយ ៖ សេក ប្រាក់
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រដ្ឋមន្ត្រីពាណិជ្ជកម្ម ៖ កិច្ចព្រមព្រៀង DEFA រំពឹងជួយជំរុញទំហំសេដ្ឋកិច្ចឌីជីថលអាស៊ានកើនឡើង ២ទ្រីលានដុល្លារអាម៉េរិក ក្នុងឆ្នាំ២០៣០
ជំនួញ, ព្រឹត្តិការណ៍, សេដ្ឋកិច្ច
• 14/09/2026
ភ្នំពេញ ៖ កិច្ចព្រមព្រៀង DEFA ( Digital Economy Framework Agreement ) ជាកិច្ចព្រមព្រៀងកម្រិតតំបន់អាស៊ានដំបូងគេបង្អស់លើពិភពលោក ដែលផ្ដោតជាពិសេសទៅលើការជួយសម្រួល និងពង្រឹងពាណិជ្ជកម្មតាមប្រព័ន្ធឌីជីថល និងសេដ្ឋកិច្ចឌីជីថលរវាងប្រទេសសមាជិកអាស៊ានទាំង១០ ។ កិច្ចព្រមព្រៀងនេះ គ្រោងនឹងចុះហត្ថលេខានៅអំឡុងខែវិច្ឆិកាខាងមុខនេះក្នុងកិច្ចប្រជុំកំពូលអាស៊ាននៅប្រទេសហ្វីលីពីន ដោយរំពឹងថា វានឹងជំរុញការធ្វើសេដ្ឋកិច្ចអនឡាញកើនឡើងទ្វេដង។ លោកជំទាវ
ក្រសួងរៀបចំដែនដីបង្ហាញទិសដៅថ្មីក្នុងការគ្រប់គ្រងតំបន់អង្គរ ដើម្បីពលរដ្ឋងាយស្រួលរស់នៅ និងប្រកបរបរចិញ្ចឹមជីវិត
Top News, ព្រឹត្តិការណ៍, សេដ្ឋកិច្ច
• 14/09/2026
សៀមរាប ៖ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានបង្ហាញទិសដៅថ្មីក្នុងការគ្រប់គ្រង និងអភិវឌ្ឍតំបន់អង្គរ ដើម្បីធានាកិច្ចការពារប្រាសាទ និងផ្តល់ភាពកក់ក្តៅដល់ពលរដ្ឋក្នុងការរស់នៅ និងប្រកបមុខរបរចិញ្ចឹមជីវិតឱ្យប្រសើរ។ ក្រសួងរៀបចំដែនដី នគរូបនីយកម្ម និងសំណង់ បានដាក់ចេញនូវទស្សនទាន និងយុទ្ធសាស្ត្រគន្លឹះថ្មីក្នុងការគ្រប់គ្រង និងអភិវឌ្ឍតំបន់អង្គរ តាមរយៈការថ្លឹងថ្លែងឱ្យមានតុល្យភាពរវាង «ការអភិរក្សមរតកដូនតា» និង «សុខុមាលភាព
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content