សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ព្រះសីហនុ ៖ នាព្រឹកថ្ងៃទី២២ ខែឧសភា ឆ្នាំ២០២៣នេះ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអញ្ជើញសំណេះសំណាលជាមួយកម្មករនិយោជិតជាង ២ម៉ឺននាក់ និងទស្សនាសមិទ្ធផលក្នុងតំបន់សេដ្ឋកិច្ចពិសេសក្រុងព្រះសីហនុ ព្រមទាំងសម្ពោធដាក់ឱ្យដំណើរការរោងចក្រផលិតសំបកកង់លើកដំបូងនៅខេត្តពញរះសីហនុ ដោយសម្ដេចបានលើកឡើងអំពីគោលនយោបាយឧស្សាហកម្មសំខាន់ៗរបស់កម្ពុជាចំនួន២។
សម្ដេចតេជោ បានមានប្រសាសន៍យ៉ាងដូច្នេះថា ៖
“គោលនយោបាយឧស្សាហកម្មរបស់កម្ពុជាមានគោលដៅ២សំខាន់ ទី១ គឺកែច្នៃផលិតផលដែលកម្ពុជាមានវត្ថុធាតុដើម អីចឹងទេអស់លោកមកធ្វើរោងចក្រកែច្នៃធ្វើជាកង់ឡានក្នុងពេលដែលកម្ពុជាមានជ័រកៅស៊ូ គឺត្រឹមត្រូវណាស់។”
ក្នុងន័យនេះគឺ កម្ពុជាចង់បានឧស្សាហកម្មកែច្នៃវត្ថុធាតុដើមដែលកម្ពុជាមានស្រាប់ទៅលើដំណាំជាច្រើនប្រភេទរួមមាន ៖ កៅស៊ូ ស្វាយចន្ទី ស្រូវអង្ក និងផលិតផល ដទៃទៀតដែលកម្ពុជាមានសក្កានុពល មានវត្ថុធាតុដើម ដើម្បីជាការបង្កើននូវតម្លៃបន្ថែមសម្រាប់សេដ្ឋកិច្ចជាតិ និងប្រាក់ចំណូលរបស់ប្រជាជនកម្ពុជាទាំងមូល។
សម្ដេចបន្តមានប្រសាសន៍ថា៖
“ទី២គឺ ការវិនិយោគបច្ចេកវិទ្យាជាន់ខ្ពស់មកកាន់កម្ពុជា… សុំទាក់ទាញអ្នកដែលមានការវិនិយោគទាំងពីរច្រក ហ្នឹង កែច្នៃវត្ថុធាតុដើមដែលកម្ពុជាមានស្រាប់ និងបច្ចេកវិទ្យាថ្មីៗចូលមកតំបន់ឧស្សាហកម្ម។”
ត្រង់ចំណុចនេះដែរ សម្ដេចតេជោសង្ឃឹមថានឹងទទួលបានការគាំទ្របន្ថែមទៀតពីសំណាក់ឯកអគ្គរដ្ឋទូតចិនប្រចាំកម្ពុជា ហើយប្រសិនបើប្រការនេះបានសម្រេចតាមការគ្រោងទុក វានឹងធានានូវការបណ្ដុះបណ្ដាលធនធានមនុស្សកម្ពុជាលើផ្នែកបច្ចេកវិទ្យាកាន់តែទំនើបទៅថ្ងៃអនាគត។ យ៉ាងណាមិញ សម្ដេចក៏បានរំលេចផងដែរអំពីរោងចក្រផលិតសំបកកង់ឡានដែលមានវត្តមានឡើងដំបូងគេបង្អស់នៅក្នុងខេត្តព្រះសីហនុ ដោយសម្ដេចបានផ្ដល់ជាយោបល់ថា គ្រាន់តែនៅក្នុងស្រុកមានរដយន្ត១លានគ្រឿងទៅហើយ ដូច្នេះផលិតផលដែលចេញពីរោងចក្រមួយនេះ អាចមានទីផ្សារលក់នៅកម្ពុជាផងដែរ៕
Account
Security
Favourite Content