តម្លៃសាំងឡើងថ្លៃខ្លាំងមិនធ្លាប់មាននៅអាមេរិក ខណៈអតិផរណាកើនឡើងខ្ពស់បំផុតនៅអាល្លឺម៉ង់

ទណ្ឌកម្មប្រឆាំងរុស្ស៊ីពីសំណាក់លោកខាងលិច មិនត្រឹមតែកំពុងធ្វើឲ្យប៉ះពាល់ដល់ស្ថិរភាពនៃវិស័យថាមពលប៉ុណ្ណោះទេ ប៉ុន្តែវាក៏កំពុងបង្កជាផលប៉ះពាល់កាន់តែខ្លាំងទៅដល់កំណើនសេដ្ឋកិច្ចសកលលោកទាំងមូល និងកំពុងឈានទៅដល់វិបត្តិស្បៀងអាហារថែមមួយកម្រិតទៀតបន្ថែមពីលើវិបត្តិថាមពល។

លោកខាងលិចមិនតិចប្រទេសនោះទេដែលបានប្រឈមមុខទៅនឹងផលវិបាកជាបន្តបន្ទាប់ ជាក់ស្តែងអាល្លឺម៉ង់គិតត្រឹមសប្តាហ៍នេះបាន ទទួលរងបញ្ហាអតិផរណាដល់ចំណុចខ្ពស់បំផុតក្នុងអត្រាដល់ទៅ ៧,៩ភាគរយគិតត្រឹមខែឧសភាដែលផ្អែកទៅលើទិន្នន័យចុងក្រោយដោយការិយាល័យស្ថិតិជាតិ Destatis។

តួលេខនេះមានន័យថា បញ្ហាអតិផរណាដែលបានកើតឡើងទៅលើប្រទេសមហាអំណាចសេដ្ឋកិច្ចធំបំផុតជាងគេនៅអឺរ៉ុបមួយនេះគឺជាអត្រាអតិផរណាមិនធ្លាប់កើតមានឡើយក្នុងរយៈពេលជាង៥០ឆ្នាំចុងក្រោយ។

ទោះបីជាយ៉ាងណាក្តីក្រុមអ្នកវិភាគសេដ្ឋកិច្ចរំពឹងទុកអតិផរណានឹងថមថយបន្តិចក្នុងរយៈពេលប៉ុន្មានខែខាងមុខដោយក្នុងនោះធនាគារ អាល្លឺម៉ង់ Bundesbank បានធ្វើការព្យាករណ៍ថាអត្រាអតិផរណានឹងបញ្ចប់ទៅត្រឹមកម្រិត៧,១ភាគរយនៅត្រឹមចុងឆ្នាំ២០២២នេះ។

ដោយឡែកនៅអាមេរិកឯណោះវិញ គិតត្រឹមថ្ងៃអង្គារម្សិលមិញនេះតម្លៃប្រេងសាំងធម្មតានៅទូទាំងសហរដ្ឋអាមេរិកបានកើនឡើងដល់តម្លៃ ៥,០១៦ដុល្លារក្នុងមួយហ្គាឡុងជាលើកដំបូង។ នេះបើយោងតាមសមាគមរថយន្តអាមេរិក AAA ដែលវាគឺជាតម្លៃមធ្យមលើស៥ដុល្លារក្នុងមួយហ្គាឡុងមិនធ្លាប់កើតមានឡើយនៅក្នុងប្រវត្តិសាស្ត្ររបស់អាមេរិក។

តម្លៃជាមធ្យមដែលកំណត់បាននេះត្រូវបានគេប្រមូលទិន្នន័យចេញពីស្ថានីយចាក់សាំងប្រមាណជា ៦០ ០០០កន្លែងនៅទូទាំងប្រទេសខណៈដែលតម្លៃសាំងនៅរដ្ឋកាឡីហ្វ័រញ៉ាមានតម្លៃខ្ពស់ជាងគេដល់ទៅ ៦,៤៤ដុល្លារក្នុងមួយហ្គាឡុង និងតម្លៃសាំងដែលធូរថ្លៃជាងគេគឺនៅរដ្ឋហ្សកហ្ស៊ីមានតម្លៃ ៤,៤៩ដុល្លារក្នុងមួយហ្គាឡុង។

គួរឲ្យដឹងដែរថា យោងតាមការអះអាងដោយទីភ្នាក់ងារថាមពលរបស់អាមេរិក EIA បានបង្ហាញថា តម្រូវការប្រេងសាំងនៅទូទាំងប្រទេសបានកើនទៅដល់ ៩,២លានបារ៉ែលក្នុងមួយថ្ងៃកាលពីសប្តាហ៍មុន ខណៈដែលស្តុកប្រេងសាំងសរុបរបស់អាមេរិកបានធ្លាក់ចុះ៨០ម៉ឺនបារ៉ែលបន្ថែមទៀតមកនៅត្រឹមតែ ២១៨,២លានបារ៉ែលគិតត្រឹមសប្តាហ៍កន្លងទៅនេះ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រុមហ៊ុន លីហ៊្វូដ សឺវីស ចាប់ដៃជាមួយក្រុមហ៊ុន យូនីលឹវើ ខេមបូឌា ដើម្បីលើកកម្ពស់ការផ្តល់ជូនផលិតផលនៅកម្ពុជា

ព្រឹត្តិការណ៍, អត្ថបទពាណិជ្ជកម្ម

• 28/03/2024

ក្រុមហ៊ុន លីហ៊្វូដ សឺវីស ចាប់ដៃជាមួយក្រុមហ៊ុន យូនីលឹវើ ខេមបូឌា ដើម្បីលើកកម្ពស់ការផ្តល់ជូនផលិតផលនៅកម្ពុជា

ទោះបីជាខ្លាំងទាំងការអភិវឌ្ឍ ខ្លាំងទាំងសេដ្ឋកិច្ច-នយោបាយ តែអាមេរិកមិនមើលរំលងទីផ្សារចិញ្ចឹមគោយកសាច់ឡើយ

ព្រឹត្តិការណ៍, សេដ្ឋកិច្ច

• 28/03/2024

ការចិញ្ចឹមសត្វគោនិងឧស្សាហកម្មផលិតសាច់គោប៉ុណ្ណោះសហរដ្ឋអាមេរិកអាចទាញរកចំណូលបានទៅដល់រាប់ពាន់លានដុល្លារជារៀងរាល់ឆ្នាំនិងថែមទាំងមានឈ្មោះជា អ្នកផលិតសាច់គោច្រើនជាងគេបំផុតរបស់ពិភពលោក

វិស័យធនាគារ និងមីក្រូហិរញ្ញវត្ថុនៅកម្ពុជា រួមគ្នាអនុវត្ត និងអភិវឌ្ឍកម្មវិធីចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 28/03/2024

សមាគមធនាគារនៅកម្ពុជា និងសមាគមមីក្រូហិរញ្ញវត្ថុកម្ពុជា បានរៀបចំសិក្ខាសាលាពិគ្រោះយោបល់ជាមួយភាគីពាក់ព័ន្ធស្តីពី «វឌ្ឍនភាព និងទិសដៅអភិវឌ្ឍកម្មវិធីចំណេះដឹងហិរញ្ញវត្ថុ»

ប្រើជំនាញកសិកម្មបើកកសិដ្ឋានចិញ្ចឹមឃ្មុំទទួលបានផលជោគជ័យគួរឱ្យជាទីមោទនៈ

ជំនួញ, ព្រឹត្តិការណ៍

• 28/03/2024

បារាយណ៍ហាន់នី ជាកសិដ្ឋានចិញ្ចឹមឃ្មុំមួយត្រូវបានបង្កើតឡើងដោយនិស្សិតជំនាញវិទ្យាសាស្ត្រព្រៃឈើ ហើយប្រើប្រាស់ជំនាញនេះមកចិញ្ចឹមឃ្មុំអាចប្រមូលផលបាន ១តោនក្នុងមួយរដូវកាល

ច្បាប់​វិនិយោគថ្មី ៖ រាជរដ្ឋាភិបាល​លើកទឹកចិត្ត ​និងអនុគ្រោះ​លើ​សកម្មភាព​វិនិយោគ​តាមវិស័យ​ចំនួន​១៩

ព្រឹត្តិការណ៍, អចលនទ្រព្យ

• 28/03/2024

ច្បាប់វិនិយោគថ្មីនៃព្រះរាជាណាចក្រកម្ពុជា​កំពុង​ទទួលបាន​កា​រចាប់អារម្មណ៍​ និងទាក់ទាញ​វិនិ​យោ​គិនមកពីក្រៅប្រទេស​ជាបន្តបន្ទាប់​ឱ្យចូលមកវិនិយោគ ​និងពង្រីក​ការ​វិនិ​យោគ​បន្ថែមនៅក្នុងប្រទេស​កម្ពុជា

World Bank ៖ កម្ពុជាអាចសម្រេចគោលដៅដ៏មានមហិច្ឆតារបស់ខ្លួនក្នុងការបង្កើនចំនួន​យានយន្ត​​អគ្គិសនីនៅលើដងផ្លូវ

ព្រឹត្តិការណ៍, សេដ្ឋកិច្ច

• 28/03/2024

World Bank បានឱ្យដឹងថា ប្រទេសកម្ពុជាអាចសម្រេចគោលដៅដ៏មានមហិច្ឆតារបស់ខ្លួន ក្នុងការបង្កើនចំនួនយានយន្តអគ្គិសនីនៅលើដងផ្លូវ

យុវជនសម័យថ្មីមានទំនោរគាំទ្រអាជីវកម្មបែបទំនើប

ព្រឹត្តិការណ៍, សេដ្ឋកិច្ច

• 28/03/2024

ជាការពិត ការហូរចូលមកនូវប្រព័ន្ធឌីជីថល បានធ្វើឱ្យមានការប្រែប្រួលយ៉ាងខ្លាំងនៅក្នុងស្ថានភាពរស់នៅប្រចាំថ្ងៃរបស់ប្រជាជនកម្ពុជាដែលកាន់តែមានភាពទំនើបកម្មជាងមុន ជាពិសេសបណ្តាមិត្តយុវវ័យកាន់តែមានទំនោរគាំទ្រទៅលើអ្វីដែលថ្មី ប្លែក និងទំនើប...

អាជីវកម្មបរិយាបន្នចំនួន ៤ ដែលជួយដល់កសិករខ្នាតតូចនៅប្រទេសឥណ្ឌា

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 28/03/2024

ស្របពេលដែលអាជីវកម្មបរិយាបន្នបន្តរីកចម្រើន និងច្នៃប្រឌិត ពួកគេមិនត្រឹមតែលើកកំពស់កសិករប៉ុណ្ណោះទេ ប៉ុន្តែថែមទាំងអាចជួយត្រួសត្រាយសម្រាប់កសិកម្មឥណ្ឌាផងដែរ

ពិព័រណ៍ទេសចរណ៍ និងពាណិជ្ជកម្មឆ្នាំ២០២៤ នៅក្រុងព្រះសីហនុ ជំរុញការវិនិយោគ និងបង្កើតផលិតផលទេសចរណ៍ថ្មីៗ

ព្រឹត្តិការណ៍, សេដ្ឋកិច្ច

• 28/03/2024

«ទេសចរណ៍ផ្តល់ឱកាសសម្រាប់ទាំងអស់គ្នា» ជាប្រធានបទនៅក្នុងព្រឹត្តិការណ៍តាំងពិព័រណ៍ទេសចរណ៍ និងពាណិជ្ជកម្មឆ្នាំ២០២៤ ដែលធ្វើឡើងនៅក្រុងព្រះសីហនុ ចាប់ពីថ្ងៃទី២៦-៣០ ខែមីនា ឆ្នាំ២០២៤

ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍លើកទី២ បិទបញ្ចប់ជាមួយនឹងក្តីសង្ឃឹមសម្រាប់អនាគតផ្នែកវិទ្យាសាស្ត្ររបស់កម្ពុជា

ព្រឹត្តិការណ៍, សេដ្ឋកិច្ច

• 27/03/2024

ទិវាជាតិវិទ្យាសាស្ត្រ បច្ចេកវិទ្យា នវានុវត្តន៍លើកទី២ បានបញ្ចប់ទៅយ៉ាងជោគជ័យ ជាមួយនឹងការអបអរសាទរយ៉ាងក្លៀវក្លានៃកិច្ចសហប្រតិបត្តិការភាពច្នៃប្រតិដ្ឋ