សុវត្ថិភាពម្ហូបអាហារ និងការអនុវត្តល្អក្នុងផលិតកម្ម ជាចំណុចសំខាន់ដែលម្ចាស់សគ្រាសត្រូវយកចិត្តទុកដាក់ 

នៅក្នុងវិស័យម្ហូបអាហារ ការរក្សាបាននូវអនាម័យ រសជាតិ សុវត្ថិភាព ឱ្យត្រូវតាមស្តង់ដារ ជាចំណុចសំខាន់ណាស់សម្រាប់សហគ្រិនភាព មិនថាខ្នាតតូច មធ្យម ឬខ្នាតធំនោះទេ។ ជាមួយគ្នានេះ ដើម្បីជាការពង្រឹងស្មារតី និងចែករំលែកនូវចំណេះដឹងបន្ថែមដល់ម្ចាស់សហគ្រាសមួយចំនួនក្នុងការរក្សាសុវត្ថិភាពចំណីអាហារ សិក្ខាសាលាមួយត្រូវបានរៀបចំឡើងក្រោមប្រធានបទ «សុវត្ថិភាពម្ហូបអាហារ និងការអនុវត្តល្អក្នុងផលិតកម្ម»។ 

នៅក្នុងសិក្ខាសាលា ដែលត្រូវបានធ្វើឡើងនៅមណ្ឌល CAMKPI កាលពីថ្ងៃទី១៣-១៤ ខែឧសភា ឆ្នាំ២០២៣ ក្រោមប្រធានបទ«សុវត្ថិភាពម្ហូបអាហារ និងការអនុវត្តល្អក្នុងផលិតកម្ម» មានការណែនាំស្តង់ដារសុវត្ថិភាពម្ហូបអាហារ និងស្តង់ដាររៀបចំហេដ្ឋារចនាសម្ព័ន្ធសម្រាប់សហគ្រាសធុនមីក្រូ តូច និងមធ្យម ដោយមានការចូលរួមពីសំណាក់គ្រូបង្វឹកដ៏មានជំនាញចំនួន២នាក់ ភ្ញៀវកិត្តិយសក្នុងការពិភាក្សាចំនួន ៧នាក់ ដោយក្នុងនោះមាន២នាក់មកពី FQMS និងអ្នកចូលរួមដែលជាម្ចាស់សហគ្រាសចំណីអាហារចំនួន ៣០នាក់។

ឆ្លៀតក្នុងឱកាសនេះដែរ អ្នកស្រី សែម ស្រីតូច ជាសហស្ថាបនិក អ៊ី ភី អិល ផូលីនែត (E P L Pollinate) និងជាអ្នកតំណាងរបស់សិក្ខាសាលានេះ បានមានប្រសាសន៍ឱ្យដឹងថា សម្រាប់សិក្ខាសាលានេះ បានរៀបចំឡើងដោយផ្ដោតទៅលើផ្នែកម្ហូបអាហារ ដោយសារតែសង្កេតឃើញថា អាជីវកម្មដែលផ្ដោតទៅលើផ្នែកនេះមានច្រើននៅប្រទេសកម្ពុជា តែផ្នែកស្តង់ដារ អនាម័យ គឺនៅមានកម្រិតនៅឡើយ ដូច្នេះហើយទើបមានការបង្កើតវគ្គនេះឡើងដើម្បីផ្ដល់ជាចំណេះដឹង ក៏ដូចជាដាស់តឿនដល់ម្ចាស់សហគ្រាស មិនថាធុនមីក្រូ តូច ឬមធ្យមនោះទេ ឱ្យមានការយកចិត្តទុកដាក់ទៅលើការរក្សាអនាម័យបានគ្រប់ជ្រុងជ្រោយ ឬផ្ដល់ចំណេះដឹងបន្ថែមទាក់ទងនឹងស្តង់ដារអនាម័យដើម្បីរៀបចំ និងត្រៀមខ្លួនក្នុងការអភិវឌ្ឍសហគ្រាសបន្តបន្ទាប់ទៀត។

អ្នកស្រីបានបញ្ជាក់ថា ៖

“យើងបានចូលរួមចំណែកក្នុងការបណ្ដុះគំនិត ណែនាំដល់ម្ចាស់សហគ្រាសម្ហូបអាហារទាំង ៣០រូប អំពីគុណភាព ស្តង់ដារអនាម័យ និងការត្រួតពិនិត្យសំខាន់ៗទៅលើសុវត្ថិភាពម្ហូបអាហារ ដោយសារវិស័យនេះត្រូវយកចិត្តទុកខ្លាំង ចៀសវាងផ្ដល់ផលប៉ះពាល់ និងមានហានិភ័យចំពោះសុខភាពអ្នកទទួលទានផ្ទាល់តែម្ដង។”

អ្នកស្រីបន្តថា ៖

“សម្រាប់សិក្ខាសាលានេះក៏មានចែករំលែកអំពី FQMS (Food Quality Management Solution) ដែលក្រុមអ្នករៀបចំចំនួន ៨នាក់ ធ្លាប់ទទួលបានការបណ្ដុះបណ្ដាលវគ្គសុវត្ថិភាពចំណីអាហារពីប្រទេសជិតខាង ហើយយល់ថាកម្មវិធីនេះល្អ និងគួរចែករំលែកបន្តដល់សហគ្រាសក្នុងស្រុកយើងឱ្យបានដឹង និងចាប់ផ្ដើមអនុវត្តធ្វើជាគំរូដល់ម្ចាស់សហគ្រាសដទៃទៀត។”

ត្បិតថា ការរៀបចំសិក្ខាសាលានេះលើកដំបូង ប៉ុន្តែអ្នកស្រី សែម ស្រីតូច បានបញ្ជាក់ថា ហាក់ទទួលបានជោគជ័យ និងលទ្ធផលល្អច្រើន ដោយសារមានអ្នកចុះឈ្មោះចូលរៀនច្រើនលើសចំនួនកំណត់ ជាពិសេសបងប្អូនដែលពាក់ព័ន្ធនឹងវិស័យម្ហូបអាហារ បដិសណ្ឋារកិច្ច និងនិស្សិតផ្នែកចំណីអាហារ ប៉ុន្តែអាចជ្រើសរើសបានត្រឹមតែចំនួនកំណត់ ៣០នាក់ប៉ុណ្ណោះ។

បន្ថែមលើនេះ សម្រាប់អ្នកចូលរួមទាំងពីរថ្ងៃនេះ ឃើញថាម្ចាស់សហគ្រាសនីមួយៗមានភាពរីករាយក្នុងការចូលរួមចែករំលែកបទពិសោធ ពិភាក្សា ប្ដូរយោបល់គ្នា និងអំពីការអនុវត្ត ត្រួតពិនិត្យ និងបញ្ហាប្រឈមក្នុងប្រតិបត្តិការគ្រប់គ្រងសុវត្ថិភាពម្ហូបអាហារនៅក្នុងសហគ្រាសរបស់ខ្លួន។ កម្មវិធីសិក្ខាសាលានេះ ត្រូវបានរៀបចំឡើងក្រោមកិច្ចសហការឧបត្ថម្ភពី NEW ZEALAND Foreign Affaires and Trade Aid Program តាមរយៈ MI (Mekong Institute) ៕  


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

បច្ចេកវិទ្យាទំនើបមនុស្សយន្ត Da vinci xi ជួយគ្រូពេទ្យវះកាត់កន្លែងស្មុគស្មាញ ចំគោលដៅ និងមានប្រសិទ្ធភាពខ្ពស់បំផុត

ព្រឹត្តិការណ៍, អាជីវកម្មថ្មី និងនវានុវត្ត

• 21/06/2024

បច្ចេកវិទ្យាទំនើបមនុស្សយន្ត Da vinci xi ជួយគ្រូពេទ្យវះកាត់កន្លែងស្មុគស្មាញ ចំគោលដៅ និងមានប្រសិទ្ធិភាពខ្ពស់បំផុត ។

កម្ពុជាអាចជាទីផ្សារយានយន្ដអគ្គិសនីដ៏សំខាន់មួយសម្រាប់ចិន

ព្រឹត្តិការណ៍, សេដ្ឋកិច្ច

• 21/06/2024

ប្រទេសកម្ពុជាកំពុងឈានទៅកាន់តំណែងជាប្រទេសដែលមានប្រាក់ចំណូលខ្ពស់នៅឆ្នាំ២០៥០ ខណៈដែលទាំងធនធានមនុស្ស ភាពរីកចម្រើន និងការអភិវឌ្ឍ ស្របនឹងនិន្នាការនៃតម្រូវការរថយន្តអគ្គិសនីត្រូវបានព្យាករណ៍​ថានឹងកើនឡើង

ជីធម្មជាតិអាចម៍ជន្លេន មានផលប្រយោជន៍ច្រើនលើការដាំដុះ ដែលកសិករគួរយល់ដឹង

ជំនួញ, ព្រឹត្តិការណ៍

• 21/06/2024

សត្វជន្លេន គេអាចទាញយកប្រយោជន៍បានច្រើនសម្រាប់អនុគ្រោះដល់ការដាំដុះតាមរយៈការចិញ្ចឹម និងទាញយកអាចម៍របស់វាមកកែច្នៃធ្វើជាជីធម្មជាតិដែលមានជីជាតិសម្រាប់ដំណាំយ៉ាងល្អប្រសើរ។

ស្វែង​យល់ពី​នីតិវិធី​នៃការ​ចុះបញ្ជី​ដីធ្លីមានលក្ខណៈជា​ប្រព័ន្ធ

ព្រឹត្តិការណ៍, អចលនទ្រព្យ

• 21/06/2024

ការ​ចុះបញ្ជីដីធ្លី​មានលក្ខណៈជា​ប្រព័ន្ធមានដំណាក់​សំខាន់ៗ៥ដំណាក់កាល ដែល​ប្រជាពលរដ្ឋ​និង​ម្ចាស់ដីធ្លីទាំងអស់​គួរ​ស្វែង​យល់​

ធនាគារពិភពលោក​អនុម័តកញ្ចប់​ឥណទាន​​ ២៧៥​ លានដុល្លារ ដើម្បីជួយទ្រទ្រង់ដល់កំណើន និងភាពធន់នៃសេដ្ឋកិច្ចកម្ពុជា

ព្រឹត្តិការណ៍, ហិរញ្ញវត្ថុ

• 21/06/2024

ក្រុមប្រឹក្សានាយកនៃធនាគារពិភពលោក នៅថ្ងៃទី២១ ខែមិថុនា ឆ្នាំ២០២៤ បានសម្រេចអនុម័តលើកញ្ចប់ឥណទានតម្លៃ ២៧៥ លានដុល្លារអាមេរិក សម្រាប់ជួយទ្រទ្រង់ដល់កិច្ចខិតខំប្រឹងប្រែងរបស់កម្ពុជា ក្នុងការជំរុញកំណើន និងភាពធន់របស់សេដ្ឋកិច្ច ក្នុងរយៈពេលវែងឆ្ងាយទៅមុខ

តម្លៃមាសបានបន្តឡើងថ្លៃ ១,៤ ភាគរយ ឬ ២ ៣៥៨ ដុល្លារក្នុងមួយអោន

ព្រឹត្តិការណ៍, សេដ្ឋកិច្ច

• 21/06/2024

តម្លៃមាសឡើងថ្លៃ ១,៤ ភាគរយ ឬ ២ ៣៥៨ ដុល្លារក្នុងមួយអោន ដែលជាកម្រិតខ្ពស់បំផុតក្នុងរយៈពេលពីរសប្តាហ៍ បន្ទាប់ពីរបាយការណ៍បង្ហាញថា ការលក់រាយរបស់សហរដ្ឋអាមេរិកចុះខ្សោយ

ឯកឧត្តមបណ្ឌិត ធន់ វឌ្ឍនា ៖ ច្បាប់ស្តីពីការវិនិយោគរបស់កម្ពុជាមានភាពអំណោយផលសម្រាប់ដៃគូវិនិយោគ

ព្រឹត្តិការណ៍, សេដ្ឋកិច្ច

• 21/06/2024

ឯកឧត្តមបណ្ឌិត ធន់ វឌ្ឍនា មានប្រសាសន៍បញ្ជាក់ថា គោលនយោបាយរបស់កម្ពុជាទាក់ទងនឹងការវិនិយោគផ្ទាល់ពីបរទេស (FDI) ជាពិសេសច្បាប់ស្តីពីវិនិយោគនៃព្រះរាជាណាចក្រកម្ពុជា គឺមានភាពអំណោយផលសម្រាប់ដៃគូវិនិយោគ

តម្លៃប្រេងធ្លាក់ចុះបន្តិច បន្ទាប់ពីឡើងដល់កម្រិតខ្ពស់ក្នុងរយៈពេល ៧ សប្តាហ៍ជាប់ៗគ្នា

ព្រឹត្តិការណ៍, សេដ្ឋកិច្ច

• 21/06/2024

ទន្ទឹមនឹងនេះ តម្លៃប្រេងឆៅម៉ាកធ្លាក់ចុះ ០,៦២ ភាគរយ ឬ ៨៥,៦០ ដុល្លារក្នុងមួយបារ៉ែល ខណៈតម្លៃប្រេងឆៅម៉ាក West Texas Intermediate (WTI) ធ្លាក់ចុះ ០,៧១ ភាគរយ ឬ ៨១,១៥ ដុល្លារក្នុងមួយបារ៉ែល

វិភាគ ៖ បេសកកម្មមេដឹកនាំរុស្ស៊ីសប្តាហ៍នេះអាចជាការទាក់ម៉ូយចាស់វៀតណាមយកលុយទិញគ្រាប់ពីកូរ៉េខាងជើង

ព្រឹត្តិការណ៍, អាជីវកម្មថ្មី និងនវានុវត្ត

• 21/06/2024

កាលពីឆ្នាំ២០២៣ វៀតណាមមិនមានធ្វើការបញ្ជាទិញអាវុធថ្មីបន្ថែមណាមួយគួរឲ្យកត់សំគាល់ឡើយ ហើយកំពុងសម្លឹងមើលដៃគូមួយចំនួនសម្រាប់បំពេញផែនការអាវុធ

ចំណេះដឹងហិរញ្ញវត្ថុជាបំណិនជីវិតមួយជួយឱ្យប្រជាពលរដ្ឋសម្រេចចិត្តផ្នែកហិរញ្ញវត្ថុហិរញ្ញវបានត្រឹមត្រូវ

ព្រឹត្តិការណ៍, ហិរញ្ញវត្ថុ

• 20/06/2024

ស្របពេលចំណេះដឹងហិរញ្ញវត្ថុក្លាយជាកម្លាំងចលករមួយដ៏សំខាន់ក្នុងការជួយជំរុញឱ្យមានការប្រើប្រាស់សេវាហិរញ្ញវត្ថុផ្លូវការក្នុងចំណោមប្រជាពលរដ្ឋកម្ពុជា ដែលជាប្រភពទុនដ៏សមស្រប មានតម្លៃទាប ហានិភ័យទាបសម្រាប់យកទៅប្រើប្រាស់ក្នុងគោលដៅផ្សេងៗ ធនាគារជាតិនៃកម្ពុជា ក៏ដូចជាសមាគមហិរញ្ញវត្ថុនៅកម្ពុជាបាននិងកំពុងយកចិត្តទុកដាក់លើការលើកកម្ពស់ចំណេះដឹងហិរញ្ញវត្ថុ ដល់ក្រុមគោលដៅ និងសាធារណៈជនទូទៅ។