សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ ក្រុមហ៊ុនផលិតរថយន្តម៉ាឡេស៊ី Perodua បានដាក់បង្ហាញរថយន្តអគ្គិសនីដំបូងបង្អស់របស់ខ្លួនម៉ូដែល QV-E ដែលជាផ្នែកមួយនៃផែនការអភិវឌ្ឍប្រព័ន្ធអេកូឡូស៊ីប្រកបដោយនិរន្តរភាព។ នេះបើយោងតាមការរាយការណ៍ពី The Straits Times។
QV-E តំណាងឱ្យពាក្យពេញថា “Quest for Visionary Electric Vehicle ឬ ដំណើរស្វែងរកយានជំនិះអគ្គិសនីតាមចក្ខុវិស័យ” ដែលវាមានតម្លៃ ៨ ម៉ឺនរឺងហ្គីត (ជិត ២ ម៉ឺនដុល្លារអាម៉េរិក) មិនគិតបញ្ចូលការធានារ៉ាប់រង និងថ្ម)។ រថយន្ត QV-E នឹងប្រើអាគុយលីចូមដែកផូស្វាត ដែលអាចជិះបានចម្ងាយផ្លូវដល់ទៅ ៤៤៥ គីឡូម៉ែត្រ។ ក្រុមហ៊ុននឹងផ្តល់សេវាកម្មជួលថ្មថាមពលជាជាងការលក់ និង រួមបញ្ចូលស្រាប់។ នាយកប្រតិបត្តិក្រុមហ៊ុន លោក Zainal Abidin Ahmad បង្ហើបថា គំនិតនេះគឺជាដំណោះស្រាយសម្រាប់ការកាត់បន្ថយការថប់បារម្ភនៅពេលប្រើប្រាស់រថយន្តអគ្គិសនីប្រើថ្ម។ បន្ថែមពីនេះ ក្រុមហ៊ុននឹងបញ្ចេញទិន្នផលដំបូងចំនួន ៥០០ គ្រឿងក្នុងមួយខែ ដោយមានគោលបំណងបង្កើនផលិតកម្មដល់ ៣ ០០០ ក្នុងមួយខែចាប់ពីត្រីមាសទីបីនៃឆ្នាំ ២០២៦។
នៅក្នុងពិធីសម្ពោធរូបរាងរថយន្ត EV មួយនេះ វត្តមាននាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម បង្ហាញពីការរំភើបចិត្ត និង មោទនភាពចំពោះការរីកចម្រើនយ៉ាងឆាប់រហ័សនៃគម្រោងរអភិវឌ្ឍប្រព័ន្ធអេកូឡូស៊ីប្រកបដោយនិរន្តរភាព។ លោក អាន់វ៉ា លើកឡើងថា វាមិនត្រឹមតែបង្ហាញពីការបើកដំណើរការ EV ប៉ុណ្ណោះទេ ប៉ុន្តែវាបង្ហាញពីភាពវៃឆ្លាត និងការខិតខំប្រឹងប្រែងរបស់ទេពកោសល្យម៉ាឡេស៊ី។
គួរឲ្យបញ្ជាក់ដែរថា Perodua ជាក្រុមហ៊ុនផលិតរថយន្តម៉ាឡេស៊ីទីពីរដែលបញ្ចេញរថយន្តអគ្គិសនី EV បន្ទាប់ពីក្រុមហ៊ុន Proton ដែលប្រកាសម៉ាករថយន្ត EV កាលពីខែ មិថុនា ឆ្នាំ ២០២៤។ ក្រុមហ៊ុន Proton មានភាគហ៊ុន ៤៩,៩% ជាកម្មសិទ្ធិរបស់ក្រុមហ៊ុនចិន Geely Automobile Holdings។ e.MAS 5 របស់ Proton គឺជាម៉ូដែលរថយន្តអគ្គិសនី EV ថោកបំផុតនៅក្នុងប្រទេសម៉ាឡេស៊ី ជាមួយនឹងតម្លៃចាប់ពី ៥៦ ៨០០ រឺងហ្គីត (ជាង ១៣ ៧០០ ដុល្លារអាម៉េរិក)។ ទន្ទឹមនឹងនេះ ការជ្រៀតចូលរថយន្ត EV នៅក្នុងម៉ាឡេស៊ីកំពុងកើនឡើង ជាមួយនឹងការចុះបញ្ជីរថយន្តក្នុងរយៈពេល ១០ ខែដំបូងនៃឆ្នាំនេះ មានចំនួន ៤០ ៦៧៩ គ្រឿង ធៀបនឹង ២៨ ០៤៨ គ្រឿងក្នុងឆ្នាំ ២០២៤។ មិនត្រឹមតែប៉ុណ្ណោះ ម៉ាឡេស៊ីមានគោលបំណងឱ្យរថយន្តអគ្គិសនីបង្កើតបានចំណែល ១៥% នៃការលក់សរុបនៅឆ្នាំ ២០៣០ ដើម្បីសម្រេចបាននូវកាបូនសូន្យ៕
Account
Security
Favourite Content