សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ គិតត្រឹមឆ្នាំ ២០២៥ ក្រសួងរៀបចំដែនដី នគរូបនីយកម្មនិងសំណង់ បានចេញបណ្ណកម្មសិទ្ធិដីធ្លីជូនបានចំនួន ៨ ៨៩២ ០០៧បណ្ណ ក្នុងនោះបានបញ្ចប់ការចេញបណ្ណជំហានទី១ ចំនួន៧លានក្បាលដី ស្មើនឹង១០០ភាគរយ នៃផែនការ និងបាននិងកំពុងអនុវត្តការចេញបណ្ណជំហានទី២ បានចំនួន ១ ៨៩២ ០០៧បណ្ណបន្តទៀត ។ នេះបើតាមរបាយការណ៍របស់ក្រសួងរៀបចំដែនដី នគរូបនីយកម្មនិងសំណង់ ។
នៅក្នុងរបាយការណ៍ដដែលនេះ បានបញ្ជាក់ថា ក្នុងឆ្នាំ២០២៥ ក្រុមការងាររបស់ក្រសួងដែនដី នគរូបនីយកម្មនិងសំណង់ បានវាសវែងដីបានចំនួន ១ ៣៦០ ៤២៥ក្បាលដី ហើយបើសរុបចាប់ពីពេលចាប់ផ្ដើមវាស់វែងរួចបាន ១៣ ៦៩៦ ៥៩៣ ក្បាលដី ក្នុងនោះ ខេត្តចំនួន២១ បានបញ្ចប់ការវាស់វែង និងសល់ប្រមាណតែ៥៣ ៦៨៥ក្បាលដី ។
ក្នុងឆ្នាំ ២០២៥នេះដែរ ក្រសួងក៏បានចេញបណ្ណកម្មសិទ្ធិដីធ្លី បានចំនួន ៦៨០ ៤៦៣បណ្ណ ក្នុងនោះ ការចុះបញញជីធ្លីមានលក្ខណៈជាប្រព័ន្ធ មានចំនួន ៦៧៨ ០៨៨បណ្ណ ហើយដីវត្តមានចំនួន ១៦៨បណ្ណ និងដីរដ្ឋតូចៗគ្រប់ប្រភេទនៅតាមភូមិ ឃុំ នៃតំបន់វិនិច្ឆ័យចំនួន ១ ៨១៦បណ្ណ ដីជាព្រះរាជទ្រព្យចំនួន ១២បណ្ណ ទំហំ ១២៥,៤៤២៣ ហិកតា នៅភ្នំពេញ មណ្ឌលគិរី រតនគិរី និងខេត្តព្រះសីហនុ ។
ក្រសួងរៀបចំដែនដីក៏បានកំណត់យកការចុះបញ្ជីដីបង្ហើយ ដើម្បីបញ្ចប់ការវាស់វែងដីធ្លីនៅកម្ពុជា កែសម្រួលភាពមិនច្បាស់លាស់ កាត់បន្ថយជម្លោះលើព្រំដី ដើម្បីផ្ដល់សុវត្ថភាពផ្លូវច្បាប់ និងសន្តិភាពផ្លូវចិត្តក្នុងការកាន់កាប់អចលនវត្ថុរបស់ប្រជាពលរដ្ឋ លើកកម្ពស់តម្លៃសេដ្ឋកិច្ចនៃអចលនទ្រព្យ បង្កើតនូវបរិយាកាសគ្មានវិវាទ ឈានទៅកសាងសង្គមកម្ពុជាភូមិឋានក្សេមក្សាន្ត ។
ទន្ទឹងមនឹងនេះ ក្រសួងក៏បាននិងកំពុងបន្តអភិវឌ្ឍប្រព័ន្ធព័ត៌មានសុរិយោដីទំនើប ដើម្បីគ្រប់គ្រងនិងផ្ដល់សេវាសុរិយោដីតាមប្រព័ន្ធអេឡិចត្រូនិក ជាពិសេសការចុះបញ្ជីបន្ត ដើម្បីឈានទៅសម្រេចបាននូវទស្សនទាន សេវាគាប់ចិត្ត ជូនពលរដ្ឋ និងពង្រីកបាននូវមូលដ្ឋានពន្ធពាក់ព័ន្ធនឹងអចលនទ្រព្យកាន់តែធំជាងមុន ។
នៅក្នុងសន្និបាតបូកសរុបការងាររបស់ក្រសួងរៀបចំដែនដី នគរូបនីយកម្មនិងសំណង់កាលពីថ្ងៃទី ០១ ខែធ្នូ ឆ្នាំ២០២៥ ឯកឧត្តមសាយ សំអាល់ ឧបនាយករដ្ឋមន្ត្រី ក្រសួងរៀបចំដែនដី នគរូបនីយកម្មនិងសំណង់បានថ្លែងថា៖ ការចុះបញ្ជីដីធ្លីនៅកម្ពុជា គឺជាយុទ្ធសាស្ត្រមួយ ក្នុងការបញ្ចប់ភាពចម្រូងចម្រាស់ក្នុងសង្គមជាតិយើង ដើម្បីអនុញ្ញាតឱ្យពលរដ្ឋយើងអាចមានពេលវេលាមកធ្វើការងារផ្សេង អាចជួយជំរុញសេដ្ឋកិច្ចកម្ពុជាយើងបន្ថែម ។
ឯកឧត្តមបន្តថា ការបញ្ចប់ការវាស់វែង ចុះបញ្ជី និងចេញបណ្ណកម្មសិទ្ធិដីធ្លីជូនពលរដ្ឋនៅពេលនេះ គឺមិនត្រឹមតែបញ្ចប់បញ្ហានៅពេលនេះទេ តែអាចនឹងបញ្ចប់បញ្ហាតកូនតចៅរបស់ពួកគាត់ទៀត ដូច្នេះហើយនៅពេលអនាគត ពលរដ្ឋកម្ពុជាយើងនឹងលែងមានបញ្ហាទំនាស់ដីធ្លីតទៅទៀតហើយ ។ ម្យ៉ាងទៀត ការចុះបញ្ជីដីបង្ហើយនេះដែរ ក៏បានផ្ដល់នូវផែនទីឯកភាពមួយ ដែលអនុញ្ញាតឱ្យអគ្គនាយកដ្ឋានរៀបចំដែនដី នគរូបនីយកម្ម អាចកំណត់និងរៀបចំក្រុងបានកាន់តែងាយស្រួលនិងល្អប្រសើរ ។
យោងតាមសកម្មភាពរបស់រដ្ឋបាលខេត្តនានាដែលបានបញ្ចប់ការវាស់វែងដី និងចុះបញ្ជីដីធ្លីមានលក្ខណៈជាប្រព័ន្ធ បានឃើញថាដីធ្លីដែលបានចុះបញ្ជី និងបិទផ្សាយជាសាធារណៈរួចរាល់ បានប្រគល់បណ្ណកម្មសិទិ្ធដីធ្លីជូនពលរដ្ឋជាបន្តបន្ទាប់និងបន្តប្រគល់ជូនពលរដ្ឋជាម្ចាស់កម្មសិទ្ធិឱ្យបានគ្រប់ៗគ្នា ៕
Account
Security
Favourite Content