សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ នាដើមខែមករា ឆ្នាំ២០២៦ នេះ មន្ទីរប៉ង់តាហ្គោន បានបង្ហាញរបាយការណ៍ស៊ើបអង្កេតមួយដែលបានដាក់ការសង្ស័យថា ប្រទេសចិន បានដាក់ឲ្យប្រតិបត្តិការមីស៊ីលឆ្លងទ្វីប DF-27 ទៅក្នុងជួរកងទ័ពរបស់ខ្លួនជាផ្លូវការ។
កាសែត The Business Insider ដែលបានដកស្រង់របាយការណ៍ខាងលើយកមកចេញផ្សាយបានបញ្ជាក់ថា មីស៊ីល ដែលមានបំពាក់បច្ចេកវិទ្យាខ្ពស់ និងមានប្រសិទ្ធភាពទៅដល់ចំណុចគោលដៅ ( conventional role) នេះ អាចធ្វើការវាយប្រហារបានចម្ងាយឆ្ងាយណាស់ ពោលគឺរហូតទៅដល់សមុទ្រប៉ាស៊ីហ្វិក និងគ្រប់ជ្រុងទាំងអស់របស់សហរដ្ឋអាម៉េរិក។ មិនត្រឹមតែប៉ុណ្ណោះ DF-27 ថែមទាំងអាចវាយប្រហារទាំងនៅលើដី និងវាយប្រហារប្រឆាំងនាវាចម្បាំងនានាផងដែរ។
យ៉ាងណាក៏ដោយ បើទោះបីជាមិនទាន់មានព័ត៌មានលំអិតអំពី DF-27 ច្រើនជាងនេះក្តី ប៉ុន្តែក្រុងវ៉ាស៊ិនតោនបានរកឃើញថា មីស៊ីលនេះអាចចាត់ចូលជាប្រភេទមីស៊ីលឆ្លងទ្វីប ឬ ICBM ដោយសារតែវាអាចធ្វើការវាយប្រហារបានប្រមាណជាង ៥០០០ ទៅ ៨០០០គីឡូម៉ែត្រ ពោលគឺអាចទៅដល់ទាំងកោះហាវ៉ៃ និងរដ្ឋអាឡាស្កាទៀតផង។
គួរឲ្យដឹងដែរថា មីស៊ីល DF-27 នេះធ្លាប់ត្រូវបានមន្ទីរប៉ង់តាហ្គោនរំលឹកឈ្មោះកាលពីដំបូងតាំងតែពីឆ្នាំ២០២១មកម្ល៉េះ ប៉ុន្តែគ្រានោះ អាម៉េរិក មិនទាន់អាចកំណត់បានច្បាស់អំពីសមត្ថភាព និងរូបរាងរបស់វានៅឡើយទេ។ ដោយឡែក នៅក្នុងការកំណត់ពីមុខងារបច្ចេកទេសបែបយោធា (conventional role) ដែលបានបំពាក់ជាមួយនឹង DF-27 ឬហៅម្យ៉ាងទៀតបានថា Conventional Prompt Strike (CPS) ឬ Prompt Global Strike (PGS)។ មុខងារនេះ ជាទូទៅអាចប្រតិបត្តិការជាមួយនឹងមីស៊ីលដែលបញ្ជាក្នុងរយៈចម្ងាយឆ្ងាយ ប៉ុន្តែមិនអាចបំពាក់ក្បាលគ្រាប់នុយក្លេអ៊ែរដូចប្រភេទមីស៊ីល ICBM បាននោះទេ ហើយអាចធ្វើដំណើររាប់ពាន់គីឡូម៉ែត្រ គ្រប់ទីកន្លែងទាំងអស់នៅគ្រប់ជ្រុងនៃភពផែនដីនេះដោយចំណាយពេលខ្លីជាងម៉ីស៊ីលទូទៅដែលធ្លាប់មាន៕
Account
Security
Favourite Content