សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពីរ៉យទ័របានរាយការណ៍ថា យន្តហោះដឹកអ្នកដំណើរដំបូងគេបង្អស់របស់ចិនដែលផលិតក្នុងស្រុក C919 បានចាប់ផ្តើមហោះហើរសាកល្បងប្រកបដោយភាពជោគជ័យជាលើកដំបូងកាលពីថ្ងៃអាទិត្យកន្លងទៅនេះ។
កាលពីថ្ងៃអាទិត្យកន្លងទៅនេះ ក្រុមហ៊ុនអាកាសចរណ៍ China Eastern Airlines បានបើកសម្ពោធការហោះហើរយន្តហោះដឹកអ្នកដំណើរ Made in China ជាលើកទីមួយរបស់ខ្លួន។ យន្តហោះដឹកអ្នកដំណើរ C919 បានហោះចេញពីអាកាសយានដ្ឋានក្រុងសៀងហៃឆ្ពោះទៅកាន់អាកាសយានដ្ឋានក្រុងប៉េកាំង ក្រោយការផលិតដោយក្រុមហ៊ុនចិនឈ្មោះ Comac ដែលជាក្រុមហ៊ុនរដ្ឋ និងដើម្បីបោះជំហានទៅមុខរបស់វិស័យអាកាសចរណ៍ចិនប្រឈមនឹងគូប្រជែងលើពិភពលោក។ នៅក្នុងយន្តហោះដឹកអ្នកដំណើរ C919 មានកៅអីចំនួន ១៦៤ មានការកំណត់រចនាសម្ព័ន្ធកាប៊ីនពីរថ្នាក់ដែលមានកៅអី Economy និង Business ។ យន្តហោះនេះត្រូវបានគេរំពឹងថា វាមានសមត្ថភាពអាចប្រកួតប្រជែងជាមួយនឹងយន្តហោះដែលផលិតដោយក្រុមហ៊ុន Airbus និង Boeing។
ស្របពេលនេះដែរ នាយកទីផ្សារក្រុមហ៊ុន Comac លោក Zhang Xiaoguang បានប្រាប់ទៅខាងព័ត៌មានស៊ីនហួរថា ការហោះហើរជាលើកដំបូងនៃយន្តហោះដឹកដំណើរមួយនេះ គឺជាការអបអរសារទរដល់វិស័យអាកាសចរណ៍នៅក្នុងយុគសម័យថ្មី ហើយយន្តហោះ C919 នឹងកាន់តែប្រសើរឡើង ប្រសិនបើវាឈរនៅលើទីផ្សារបាន។ កាលពីឆ្នាំ ២០២១ កន្លងទៅនេះ ក្រុមហ៊ុនអាកាសចរណ៍របស់រដ្ឋ China Eastern Airlines បានបញ្ជាទិញយន្តហោះនេះចំនួន ៥ គ្រឿងរួចទៅហើយ។
គួរឲ្យបញ្ជាក់ផងដែរថា ទីក្រុងប៉េកាំងបានបញ្ចេញគម្រោងផលិតយន្តហោះ C919 នេះតាំងពី ១៥ ឆ្នាំមុនមកម្ល៉េះ។ ការផលិតយន្តហោះនេះបានចាប់ផ្តើមនៅឆ្នាំ២០១១ ហើយគំរូដំបូងត្រូវបានសម្រេចរួចរាល់នៅក្នុងឆ្នាំ២០១៥ និងបានហើរសាកល្បងលើកដំបូងនៅឆ្នាំ២០១៧ ចាប់តាំងពីពេលនោះមក។ ទោះជាយ៉ាងណាក្តី ដំណើរការយន្តហោះនេះមិនទទួលបានការជោគជ័យទេ ពីព្រោះគម្រោងនេះបានប្រឈមនឹងបទប្បញ្ញត្តិ និងបញ្ហាបច្ចេកទេស រួមទាំងការគ្រប់គ្រងការនាំចេញរបស់សហរដ្ឋអាមេរិកផងដែរ។ យ៉ាងណាមិញ ការផលិតយន្តហោះនេះក្នុងប្រទេសចិន គឺវាពឹងផ្អែកយ៉ាងខ្លាំងលើគ្រឿងបន្លាស់សំខាន់ៗ ដែលនាំចូលពីបរទេសដូចជា ម៉ូទ័រ គ្រឿងអេឡិចត្រូនិករបស់លោកខាងលិច ដើម្បីសម្រាប់ការគ្រប់គ្រងការហោះហើរ និងម៉ាស៊ីនយន្តហោះជាដើម។ យោងតាមក្រុមហ៊ុន Comac បានបង្ហាញថា ពួកគេទទួលបានការកម្ម៉ង់ទិញច្រើនជាង ១ ២០០ គ្រឿងពីក្រុមហ៊ុនជាង ៣០ ហើយក៏សង្ឃឹមថាខ្លួននឹងផលិតយន្តហោះនេះចំនួន ១៥០ គ្រឿងក្នុងមួយឆ្នាំក្នុងរយៈពេល ៥ ឆ្នាំខាងមុខ៕
Account
Security
Favourite Content