សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពី BBC បានរាយការណ៍ថា ក្រុមហ៊ុនបច្ចេកវិទ្យាយក្ស Samsung បានបង្ហាញពីការធ្លាក់ចុះ ៣២ ភាគរយនៃប្រាក់ចំណេញរបស់ខ្លួន គឺប្រហែល ៧ ពាន់លានដុល្លារ ដែលបណ្តាលមកពីបញ្ហាសង្វាក់ផលិតកម្មគ្រឿងអេឡិចត្រូនិក និងបន្ទះឈីបរបស់ពួកគេធ្លាក់ចុះ ក្រោមហេតុផលនៃការធ្លាក់ចុះនៃសេដ្ឋកិច្ចពិភពលោក។
ប្រាក់ចំណេញរបស់ក្រុមហ៊ុន Samsung ពីអាជីវកម្មបន្ទះឈីបរបស់ខ្លួនបានរងទុក្ខ ដោយសារតម្លៃទីផ្សារនៃការផ្គត់ផ្គង់បន្ទះឈីបបានធ្លាក់ចុះ រួមទាំងការចុះខ្សោយនៃតម្រូវការប្រើប្រាស់ឧបករណ៍អេឡិចត្រូនិក។ ការប៉ាន់ប្រមាណដែលមានរយៈពេល៣ខែចុងក្រោយនេះ បានបង្ហាញពីការធ្លាក់ចុះប្រាក់ចំណេញប្រចាំត្រីមាសជាលើកដំបូងរបស់ក្រុមហ៊ុន Samsung ក្នុងរយៈពេលជិត៣ឆ្នាំ។
កាលពីថ្ងៃព្រហស្បត៍ សប្ដាហ៍កន្លងទៅនេះ ក្រុមហ៊ុនផលិតបន្ទះឈីបរបស់អាមេរិក Advanced Micro Devices (AMD) បានរាយការណ៍ថា ទីផ្សាររបស់ខ្លួនបានធ្លាក់ចុះដោយសារតែកង្វះតម្រូវការកុំព្យូទ័រ ពីព្រោះមូលហេតុមកពីការចំណាយចាំបាច់ប្រចាំថ្ងៃមានការកើនឡើង ដែលធ្វើឲ្យមនុស្សកាត់បន្ថយការចំណាយ។ AMD បានប៉ាន់ប្រមាណប្រាក់ចំណូលសម្រាប់ត្រីមាសទី៣ គឺមានប្រហែល ១ ពាន់លានដុល្លារ ដែលមានចំនួនតិចជាងការព្យាករណ៍ពីមុនៗមក ដែលនេះជាសញ្ញាបង្ហាញថា ជាការធ្លាក់ចុះដ៏អាក្រក់មួយលើសពីការរំពឹងទុកនៃតម្រូវការបន្ទះឈីប។
គួរបញ្ជាក់ផងដែរថា ស្របពេលដែលពិភពលោកកំពុងប្រឈមមុខនឹងបញ្ហាសេដ្ធកិច្ច ទីផ្សារឧបករណ៍អេឡិចត្រូនិកក៏ត្រូវបានរងផលប៉ះពាល់ដោយសារអតិផរណាកើនឡើង អត្រាការប្រាក់កាន់តែខ្ពស់ និងឥទ្ធិពលនៃជម្លោះរវាងរុស្ស៊ី-អ៊ុយក្រែន។ ដូចនេះ វាបានធ្វើឲ្យក្រុមហ៊ុនដែលទិញបន្ទះឈីប ដូចជាក្រុមហ៊ុនផលិតស្មាតហ្វូន និងកុំព្យូទ័រ បានកាត់បន្ថយការទិញរបស់ពួកគេ ហើយពួកគេនឹងប្រើប្រាស់ ឬ លក់រហូតដល់អស់ពីស្តុកដែលមានស្រាប់។
អ្នកវិភាគឧស្សាហកម្មបច្ចេកវិទ្យា ក៏បានព្យាករណ៍ថា តម្លៃបន្ទះឈីបនឹងបន្តធ្លាក់ចុះក្នុងរយៈពេល ៣ ខែខាងមុខទៀត ដោយសារការលក់ស្មាតហ្វូននឹងនៅតែបន្តធ្លាក់ចុះ ដោយមិនរំពឹងថា អត្រានៃតម្រូវការនឹងងើបឡើងវិញ ឬ ក៏អត់រហូតដល់ដើមឆ្នាំក្រោយ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
មោទនភាព ៖ កម្ពុជា ជាប់ចំណាត់ថ្នាក់១លេខលើពិភពលោកជាប្រទេសដែលនិរន្តរភាពដីធ្លី និងមានធនធានល្អជាងគេ
Top News, ព្រឹត្តិការណ៍, អចលនទ្រព្យ
• 22/05/2026
កម្ពុជា ជាប្រទេសជាប់ចំណាត់ថ្នាក់លេខ១ ក្នុងតំបន់អាស៊ីអាគ្នេយ៍ និងនៅលើពិភពលោកជាប្រទេសដែលមាននិរន្តរភាពដីធ្លី និងធនធានធម្មជាតិល្អបំផុត ។
សហរដ្ឋអាម៉េរិក ប្រើមីស៊ីលទំនើបអស់ច្រើនជាង អ៊ីស្រាអែល ក្នុងប្រតិបត្តិការនៅអ៊ីរ៉ង់
ព្រឹត្តិការណ៍, អាជីវកម្មថ្មី និងនវានុវត្ត
• 22/05/2026
នៅក្នុងអំឡុងពេលមានជម្លោះយោធាជាមួយប្រទេសអ៊ីរ៉ង់ សហរដ្ឋអាម៉េរិកបានទទួលរងនូវបន្ទុកមួយចំណែកធំនៃបេសកកម្មការពារដែនអាកាសសម្ព័ន្ធមិត្ត ដោយបានប្រើប្រាស់យ៉ាងច្រើននូវគ្រាប់មីស៊ីលស្ទាក់ចាប់កម្រិតខ្ពស់របស់ខ្លួន
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content