សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពីរ៉យទ័របានរាយការណ៍ថា ម្ចាស់ក្រុមហ៊ុន Twitter ថ្មី លោក Elon Musk កំពុងស្វែងរកនាយកប្រតិបត្តិថ្មី ដើម្បីដឹកនាំក្រុមហ៊ុនបន្ទាប់ពីអ្នកប្រើប្រាស់វេទិកានេះបានបោះឆ្នោតឱ្យគាត់លាលែងពីតំណែង។
កាលពីថ្ងៃអាទិត្យកន្លងទៅនេះ កំពូលមហាសេដ្ឋី លោក Elon Musk បានបង្ហោះការស្ទង់មតិក្រៅផ្លូវការមួយដោយសួរអ្នកប្រើប្រាស់ Twitter ថា តើគាត់គួរចុះចេញពីតំណែងជាប្រធានក្រុមហ៊ុនដែរឬទេ? គាត់បានបន្ថែមទៀតដែរថា គាត់នឹងគោរពតាមលទ្ធផលនៃការបោះឆ្នោត ប៉ុន្តែមនុស្សជាច្រើនគិតថា គាត់រកមិនទាន់ឃើញអ្នកណាមកជំនួសគាត់នៅឡើយទេ។
តាមរយៈតាមអ្នកឆ្លើយតប ១៧ លាននាក់ ភាគច្រើនបានបោះឆ្នោតឱ្យលោក Elon Musk ចុះចេញពីមុខតំណែងរបស់គាត់។ ទោះជាយ៉ាងណាក៏ដោយ កាលពីថ្ងៃចន្ទកន្លងទៅនេះ បន្ទាប់ពីចេញលទ្ធផលមកលោក Musk បាននិយាយថា ចាប់ពីពេលនេះតទៅមានតែអតិថិជន Twitter Blue ប៉ុណ្ណោះដែលនឹងអាចបញ្ចេញមតិរបស់ពួកគេនៅក្នុងការស្ទង់មតិអំពីការផ្លាស់ប្តូរគោលនយោបាយនៅលើវេទិកាមួយនេះ។
គួរឱ្យបញ្ជាក់ផងដែរថា Twitter Blue គឺជាប្រតិបត្តិការប្រចាំខែដែលតម្រូវឱ្យអ្នកប្រើប្រាស់បង់ប្រាក់ ដែលមានបន្ថែមសញ្ញាធីកពណ៌ខៀវដាច់ដោយឡែកពីអ្នកប្រើប្រាស់ធម្មតា និង ផ្តល់នូវការចូលប្រើដំបូងចំពោះមុខងារថ្មីៗមួយចំនួនរបស់វេទិកា ហើយវាមានតម្លៃចាប់ផ្តើមពី ៨ ដុល្លារក្នុងមួយខែ។
ភាពចម្រូងចម្រាស់នៅក្នុងវេទិកាមួយនេះ បានធ្វើឱ្យភាគហ៊ុននៅក្នុងក្រុមហ៊ុនផលិតរថយន្តអគ្គិសនី Tesla របស់លោក Elon Musk បានធ្លាក់ចុះដល់កម្រិតទាបថ្មីរយៈពេល ៥២ សប្តាហ៍ ដោយមានតម្លៃត្រឹម ១៣៨ ដុល្លារក្នុងមួយហ៊ុន ឬ ទាបជាង ៨ ភាគរយពីថ្ងៃទូទៅធម្មតា ប៉ុន្តែនាយកប្រតិបត្តិ Elon Musk បានបន្ទោសថា តម្លៃធ្លាក់ចុះនេះ គឺដោយសារលើកត្តាម៉ាក្រូសេដ្ឋកិច្ចទៅវិញ។
ទោះជាយ៉ាងណាក្តី ចាប់តាំងពីខែមេសានៅពេលដែលគាត់បានប្រកាសពីផែនការក្នុងការទិញ Twitter គឺបានធ្វើឱ្យភាគហ៊ុនរបស់ក្រុមហ៊ុន Tesla ចាប់ផ្តើមធ្លាក់ចុះច្រើនជាងក្រុមហ៊ុនផលិតរថយន្តធំៗផ្សេងផ្សេងទៀត។ ចាប់តាំងពីពេលនោះមក ភាគហ៊ុន Tesla បានធ្លាក់ចុះដល់ ៥៩ ភាគរយ បើធៀបនឹងក្រុមហ៊ុន Ford ធ្លាក់ចុះត្រឹម ២៦ ភាគរយ GM ធ្លាក់ចុះ ១២ ភាគរយ និងS&P 500 ធ្លាក់ចុះ ១៤ ភាគរយ។ បញ្ហាមួយនេះ បានធ្វើឱ្យអ្នកមានភាគហ៊ុនជាច្រើននៅក្នុងក្រុមហ៊ុន Tesla មានការមិនពេញចិត្តជាខ្លាំង និង បានតវ៉ាទៅកាន់លោក Elon Musk ដោយសារពួកគេត្រូវខាតបង់ជាច្រើនដូចគ្នា។
កាលពីដើមខែធ្នូកន្លងទៅនេះ លោក Elon Musk បានលក់ភាគហ៊ុន Tesla របស់គាត់រាប់ពាន់លានដុល្លារ ដើម្បីផ្តល់ហិរញ្ញប្បទានដល់កិច្ចព្រមព្រៀង Twitter។ គាត់បានប្រកាសប្រាប់បុគ្គលិក Twitter ថា គាត់បានលក់ភាគហ៊ុន Tesla ដើម្បីទប់ទល់នឹងអាជីវកម្មនៃវេទិកាTwitter ខណៈពេលដែលបានកាត់បន្ថយបុគ្គលិកជាងពាក់កណ្តាលនៅក្នុងក្រុមហ៊ុន និង បានផ្លាស់ប្តូរគោលនយោបាយមួយចំនួនថែមទៀតផង។ កាលពីខែតុលាកន្លងទៅនេះ លោក Elon Musk បានក្លាយជាម្ចាស់ក្រុមហ៊ុន Twitter បន្ទាប់ពីបានបញ្ចប់កិច្ចព្រមព្រៀងទិញយកតម្លៃ ៤៤ ពាន់លានដុល្លារ។ ក្នុងប៉ុន្មានសប្តាហ៍ថ្មីៗនេះ នាយកប្រតិបត្តិការថ្មីរូបនេះបានបង្ហាញពីការផ្លាស់ប្តូរដ៏ចម្រូងចម្រាសជាច្រើន ដែលបណ្តាលឱ្យមានការរិះគន់ជាសាធារណៈ៕
Account
Security
Favourite Content