សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ស្ថានភាពសេដ្ឋកិច្ចអាមេរិកនៅតែមិនទាន់មានភាពល្អប្រសើរនៅឡើយ ហើយអត្រានៃការចាយវាយក្នុងស្រុកចាប់ផ្តើមធ្លាក់ចុះជាបន្តបន្ទាប់ក្នុងរយៈពេលប៉ុន្មានខែចុងក្រោយនេះ ខណៈដែលអ្នកសេដ្ឋកិច្ចជាច្រើនបានបង្ហាញពីការព្រួយបារម្ភថា បញ្ហាប្រឈមនឹងការធ្លាក់ចុះសេដ្ឋកិច្ចនេះអាចបន្តរហូតទៅដល់ចុងឆ្នាំ២០២៤នេះ។
នៅក្នុងស្ថានភាពសេដ្ឋកិច្ចមិនប្រាកដប្រជានេះ បណ្តាអាជីវកម្មជាច្រើនបានទទួលរងឥទ្ធិពលអវិជ្ជមាន ហើយក្នុងនោះសូម្បីតែអាជីវកម្មបែបអាហារ Fast Food ក៏មានផលលំបាកក្នុងដំណើរការអាជីវកម្មរបស់ខ្លួនដែរ ។ ជាក់ស្ដែង ក្រុមហ៊ុនយក្សអាមេរិក McDonald’s បានប្រតិកម្មទៅនឹងផលប៉ះពាល់នេះមុនគេ ដោយសារតែវាបានធ្វើឲ្យតួលេខលក់របស់ខ្លួនធ្លាក់ចុះយ៉ាងខ្លាំងក្នុងរយៈពេលប៉ុន្មានខែចុងក្រោយនេះ។
ជាយុទ្ធសាស្ត្រក្នុងការទប់ទល់នឹងស្ថានភាពដ៏អាក្រក់នេះ កាលពីខែមុន McDonald បានរៀបចំកញ្ចប់អាហារដែលមានតម្លៃត្រឹមតែ៥ដុល្លារប៉ុណ្ណោះចូលទៅក្នុងទីផ្សាររបស់ខ្លួនក្នុងគ្រាដែលជាងពាក់កណ្តាលឆ្នាំកន្លងមកនេះ ក្រុមហ៊ុនបានមើលឃើញអត្រាលក់បានកើនឡើងតិចតួចបំផុត ពោលគឺមិនដល់២ភាគរយផងធៀបទៅនឹងតួលេខកាលពីឆ្នាំកន្លងទៅ។
បុគ្គលិកជាន់ខ្ពស់របស់ McDonald’s បាននិយាយថា ក្នុងពេលនេះអ្វីដែលអតិថិជនកំពុងស្វែងរកនោះគឺជាទំនិញដែលមានគុណតម្លៃសម្រាប់សេដ្ឋកិច្ច ដែលនេះជាហេតុធ្វើឲ្យប្រមូសិនកញ្ចប់អាហារតម្លៃ៥ដុល្លាររបស់ខ្លួនបានទទួលជោគជ័យ ហើយបណ្តាហាងទាំងអស់របស់ក្រុមហ៊ុនជាង៩៣ភាគរយបាននាំគ្នាទាមទារសុំឲ្យមានការបន្តផ្តល់ប្រមូសិននេះបន្ថែមទៀត។
CNBC បានរកឃើញថា McDonald’s មិនមែនជាក្រុមហ៊ុនអាហារ Fast Food តែម្នាក់ឯងនោះទេដែលបានទទួលស្គាល់អំពីស្ថានភាពម៉ាក្រូសេដ្ឋកិច្ចរបស់អាមេរិកនៅពេលនេះដោយក្រៅពីនោះក៏មានក្រុមហ៊ុន Pepsi និងក្រុមហ៊ុន Coca Cola ផងដែរ។
កាលពីថ្ងៃទី២៣ ខែកក្កដា ឆ្នាំ២០២៤ ក្រុមហ៊ុន Coca Cola បានបង្ហាញអំពីតួលេខកើនឡើងយឺតយ៉ាវបំផុតដែលខ្លួនទទួលបាននៅក្នុងត្រីមាសទី២កន្លងទៅ ថ្វីត្បិតតែតម្លៃនៃផលិតផលរបស់ក្រុមហ៊ុនបានកើនឡើង ប៉ុន្តែវាបានធ្វើឲ្យចំនួននៃការទិញមានការធ្លាក់ចុះគួរឲ្យកត់សំគាល់។
នាយកប្រតិបត្តិក្រុមហ៊ុន Pepsi លោក Ramon Laguarta បាននិយាយថា ទីផ្សារអាមេរិក ពេលនេះមានអ្នកប្រើប្រាស់ដែលចង់ឲ្យក្រុមហ៊ុនគិតគូរអំពីតម្លៃឡើងវិញដើម្បីបន្តប្រើប្រាស់ម៉ាកយីហោរបស់ខ្លួន ខណៈដែលការទាមទារឱ្យមានការបញ្ចុះតម្លៃលើមុខទំនិញជាតម្រូវការចំពោះមុខស្ទើរគ្រប់គ្រួសារនៅសហរដ្ឋអាមេរិក៕
Account
Security
Favourite Content