សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បញ្ហាវិបត្តិជាសកលកំពុងកើតឡើងនៅតាមតំបន់ជាច្រើនលើពិភពលោកដោយសារវិរុសកូវីដទើបតែបញ្ចប់តែវិបត្តិថ្មីៗក៏កើតឡើងជាបន្តបន្ទាប់ ជាពិសេសជម្លោះរវាងរុស្ស៊ី និងអ៊ុយក្រែនតាំងតែពីខែកុម្ភៈឆ្នាំ២០២២។ ក្នុងស្ថានភាពបច្ចុប្បន្ននេះ គេអាចមើលឃើញគ្រប់គ្នារួចទៅហើយថាមិនត្រឹមតែវិបត្តិថាមពលមួយមុខនោះទេដែលកំពុងរុករានសេដ្ឋកិច្ចសកលដោយក្នុងនោះក៏មានទាំងវិបត្តិអតិផរណា ព្រមទាំងវិបត្តិស្បៀងអាហារ និងបម្រែបម្រួលអាកាសធាតុធ្ងន់ធ្ងរផងដែរ។
WEFORUM សហការជាមួយនឹងដៃគូអ្នកជំនាញរបស់ខ្លួនបាននាំគ្នាធ្វើការសិក្សាស្រាវជ្រាវមួយដើម្បីអាចព្យាករណ៍ស្ថានភាពរបស់សកលលោកនាពេលខាងមុខដែលជាលទ្ធផលក្រុមការងារបានរកឃើញថាបញ្ហាប្រឈមធំៗចំនួន៥នឹងធ្វើឲ្យប៉ះពាល់ធ្ងន់ធ្ងរដល់ពិភពលោកយើងក្នុងពេល២ឆ្នាំខាងមុខនេះ។
របាយការណ៍ស្រាវជ្រាវបែបសេដ្ឋកិច្ចនេះរកឃើញថា ក្នុងចំណោមនោះបញ្ហាភូមិសាស្ត្រសេដ្ឋកិច្ចគឺជាបញ្ហាដ៏ធ្ងន់ធ្ងរមួយដែលមិនអាចជៀសផុតពីព្រោះថានៅក្រោយជម្លោះរវាងអ៊ុយក្រែន និងរុស្ស៊ីហើយនោះពិភពលោកនឹងអាចមើលឃើញបញ្ហាប៉ះទង្គិចគ្នារវាងប្រទេសជាតិមួយនឹងប្រទេសជាតិមួយទៀតតាមរយៈជម្លោះសេដ្ឋកិច្ចកាន់តែញឹកញាប់ឡើង។
អ្នកជំនាញពន្យល់ទៀតថាបញ្ហាជម្លោះសេដ្ឋកិច្ចរវាងប្រទេសនឹងប្រទេសបែបនេះនឹងអាចរុញច្រានឲ្យតម្លៃនៃទំនិញក្នុងការប្រើប្រាស់របស់ពលរដ្ឋមានការកើនឡើងខ្លាំងហើយនឹងបណ្តាលឲ្យការទុកចិត្តគ្នារវាងប្រទេសនីមួយៗកាន់តែធ្លាក់ចុះផងដែរ។ ក្រៅពីនោះបញ្ហាផ្សេងទៀតដែលពិភពលោកនឹងត្រូវប្រឈមមុខខ្លាំងក្នុងរយៈពេល២ឆ្នាំខាងមុខទៀតនោះមានដូចជាវិបត្តិកើនឡើងនៃតម្លៃចាយវាយបញ្ហាគ្រោះថ្នាក់ធម្មជាតិនិងអាកាសធាតុខុសប្រក្រតីខ្លាំងបញ្ហាបរាជ័យក្នុងការទប់ទល់នឹងបម្រែបម្រួលអាកាសធាតុនិងចុងក្រោយនោះបញ្ហាធ្លាក់ចុះនៃសេវាសង្គម។
គួរឲ្យដឹងដែរថា ភូមិសាស្ត្រសេដ្ឋកិច្ច ឬ Geo-economics ត្រូវបានគេដាក់និយមន័យថាជាការអនុវត្តនយោបាយអំណាចដោយមធ្យោបាយសេដ្ឋកិច្ច និងជាការប្រកួតប្រជែងដែលធ្វើឡើងតាមរយៈពាណិជ្ជកម្ម និងការវិនិយោគសកល ជាជាងនៅលើសមរភូមិប្រកួតប្រជែងបែបបុរាណ។
គេសង្កេតឃើញថា ប្រទេសនានាបាន និងកំពុងចូលរួមកាន់តែខ្លាំងឡើងនៅក្នុងទម្រង់នៃការធ្វើអន្តរាគមន៍សេដ្ឋកិច្ចយ៉ាងសកម្មនេះ ដែលមានដូចជាការអនុវត្តទណ្ឌកម្ម ការត្រួតពិនិត្យការនាំចេញ និងការឧបត្ថម្ភធន ខណៈពេលដែលកំពុងបង្កើតយន្តការត្រួតពិនិត្យការវិនិយោគ និងវិធានការធ្វើមូលដ្ឋានីយកម្មលើប្រព័ន្ធទិន្នន័យជាដើម៕
Account
Security
Favourite Content