សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បច្ចុប្បន្ន អង្គការ Rikolto ដែលមានការិយាល័យកណ្តាលនៅប្រទេសប៊ែលហ្ស៊ិក ត្រូវបានគេទទួលស្គាល់ថាមានបទពិសោធន៍អស់រយៈពេលជាង៥០ឆ្នាំមកហើយក្នុងប្រតិបត្តិការការងារដែលផ្តល់អាទិភាពទៅលើការចាប់ដៃគូ និងផ្តល់អត្ថប្រយោជន៍ឲ្យគ្នាទៅវិញទៅមករវាងក្រុមកសិករ និងក្រុមភាគីដែលពាក់ព័ន្ធផ្សេងទៀតនៅក្នុងខ្សែសង្វាក់ផ្គត់ផ្គង់ចំណីអាហារនៅតាមបណ្តាប្រទេសជាច្រើនដែលស្ថិតនៅទ្វីបអាហ្វ្រិក អាស៊ី អឺរ៉ុប និងអាមេរិកឡាទីន។
Rikolto ត្រូវបានគេចាត់ទុកថា ជាធុរកិច្ចបរិយាបន្ន ឬ Inclusive Business ដោយសារតែគោលការស្នូលរបស់ខ្លួនក្នុងការជួយដោះស្រាយបញ្ហាទីផ្សារជូនកសិករព្រមទាំងការផ្តល់ការផ្គត់ផ្គង់ផលិតផលកសិផលដែលមានតម្លៃទាបចូលទៅក្នុងទីផ្សារចំណីអាហារនៃពលរដ្ឋដែលមានជីវភាពក្រីក្រ និងមធ្យមនៅតាមទីក្រុងនានាដែលជាគោលដៅ។
ការអនុវត្តនូវកម្មវិធីចំនួន៣បានធ្វើឲ្យ Rikolto បានទទួលភាពជោគជ័យ និងទទួលស្គាល់យ៉ាងខ្លាំងពីសំណាក់រដ្ឋាភិបាល និងក្រុមកសិករទាំងឡាយដែលក្នុងនោះមានដូចជា
កម្មវិធី Sustainable Rice កម្មវិធី Good Food for Cities និងកម្មវិធី Sustainable cocoa and coffee ដែលកន្លងមក Rikolto បានវិនិយោគទឹកប្រាក់ជាច្រើនលានអឺរ៉ូជារៀងរាល់ឆ្នាំដើម្បីប្រតិបត្តិការការងារទាំងនេះ។
ជាមួយគ្នានេះ ទាំងនៅអាហ្វ្រិកផង នៅអាស៊ីអាគ្នេយ៍ផង ក៏ដូចជានៅអាមេរិកឡាទីនផងដែរ Rikolto បានវិនិយោគជាទឹកប្រាក់ប្រមាណជា ៤,៩លានអឺរ៉ូក្នុងមួយឆ្នាំដើម្បីជួយដល់វិស័យផលិតកាកាវ និងកាហ្វេ ឲ្យមាននិរន្តភាព និងភាពធន់ ហើយជាលទ្ធផលមកទល់ពេលនេះ កសិករដល់ទៅ ៤៧ ០០០នាក់ បានចាប់ដៃគ្នាព្រមទាំងក្រុមដៃគូពាក់ព័ន្ធផ្សេងទៀតផង។
ដោយឡែក សម្រាប់កម្មវិធី Good Food for Cities វិញ Rikolto បានវិនិយោគប្រាក់ប្រមាណជា ៥,២លានអឺរ៉ូ ជារៀងរាល់ឆ្នាំផងដែរនៅតាមទីក្រុងចំនួន ៣៣ នៅ ១៤ប្រទេសដោយសង្ឃឹមថានៅត្រឹមឆ្នាំ២០២៦ខាងមុខនេះ ការធ្វើកសិកម្មបែបបច្ចេកវិទ្យានឹងអាចចូលរួមចំណែកក្នុងការបង្កើនគុណភាពដល់ប្រព័ន្ធចំណីអាហារ និងធ្វើឲ្យសុខមាលភាពអ្នកប្រើប្រាស់កាន់តែល្អឡើង។
ក្នុងនោះផងដែរ Rikolto ក៏បានវិនិយោគជាទឹកប្រាក់ប្រមាណជា ៣,៧លានអឺរ៉ូរៀងរាល់ឆ្នាំ នៅក្នុងកម្មវិធី Sustainable Rice ដោយអាចធ្វើការផ្ទាល់ជាមួយនឹងកសិករធ្វើស្រែស្រូវចំនួន ២៤ ០០០នាក់ ហើយគិតត្រឹមឆ្នាំ២០២២ ពួកគេអាចផលិតស្រូវបានរហូតទៅដល់ ២៨ ០៥៨លានតោន។
Rikolto ជឿជាក់ថា សព្វថ្ងៃប្រព័ន្ធស្បៀងអាហារត្រូវបានរងផលប៉ះពាល់ដោយបញ្ហាប្រឈមនៃការប្រែប្រួលអាកាសធាតុ និងវិសមភាពទៅលើបញ្ហាមួយចំនួន និងនៅតាមតំបន់នានា ដូច្នេះការចូលរួមកម្លាំងជាមួយភាគីពាក់ព័ន្ធផ្សេងៗគឺមានសារៈសំខាន់ណាស់ក្នុងការដោះស្រាយបញ្ហាសំខាន់ៗមួយចំនួននៅសម័យកាលដែលយើងកំពុងរស់នៅនេះ។
គួរឲ្យដឹងដែរថា ធុរកិច្ចបរិយាប័ន្ន គឺជាអាជីវកម្មឈរលើគោលការណ៍ធុរកិច្ច ដែលបង្កើតដំណោះស្រាយជាប្រព័ន្ធ មានភាពច្នៃប្រតិដ្ឋ និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈមពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប (BoP និង B40)។ បន្ទាត់អាជីវកម្មបរិយាប័ន្ន ត្រូវបានបង្កើតឡើងក្នុងគោលបំណងផ្តល់ប្រាក់ចំណូលខ្ពស់គួរសម និងបង្កើននូវស្តង់ដារជីវភាពរស់នៅប្រសើរជាងមុនដល់ក្រុមមនុស្សដែលមានចំណូលទាបនៅបាតពីរ៉ាមីត ៤០% និងក្រុមមនុស្សដែលងាយរងគ្រោះ៕
Account
Security
Favourite Content