Borneo Eco Tours នៅម៉ាឡេស៊ី ជំរុញអ្នករស់នៅតាមភូមិតូចៗឱ្យចូលរួមក្នុងវិស័យទេសចរណ៍

បរទេស៖ យោងតាមប្រភពពី Inclusivebusiness.Net បានរាយការណ៍ថា​ ប្រទេសជាសមាជិកអាស៊ានកំពុងរៀបចំវិស័យទេសចរណ៍ដែលមានប្រព័ន្ធអេកូធម្មជាតិចម្រុះបំផុត និងអាជីវកម្មដែលលើកកម្ពស់ទេសចរណ៍ប្រកបដោយនិរន្តរភាព។ ទន្ទឹមនឹងនេះ Borneo Eco Tours (BET) គឺជាអាជីវកម្មមួយដែលគាំទ្រយ៉ាងរឹងមាំចំពោះការចូលរួមពីអ្នកចំណូលទាប ឬអ្នកក្រីក្រ ដោយការយកចិត្តទុកដាក់ទៅលើកិច្ចការពារបរិស្ថាន។

ក្រុមហ៊ុនទេសចរណ៍ធម្មជាតិ Borneo Eco Tours (BET) ត្រូវបានបង្កើតឡើងក្នុងឆ្នាំ១៩៩១ ដែលមានប្រតិបត្តិការនៅ Sabah និង Sarawak នៃប្រទេសម៉ាឡេស៊ី។ BET បានអនុវត្តគំរូអាជីវកម្មបរិយាបន្នដោយផ្ទះសំណាក់ Sukau Rainforest Lodge (SRL) គឺជាជួរមុខនៃអាជីវកម្មរបស់ពួកគេ។ នៅឆ្នាំ១៩៩៦ Borneo Ecotourism Solutions and Technologies (BEST) ត្រូវបានបង្កើតឡើងក្នុងគោលបំណងមិនរកប្រាក់ចំណេញដែលទទួលបន្ទុកគ្រប់គ្រងគម្រោងសង្គម និងបរិស្ថាន។ វាគឺជាគម្រោងរួមបញ្ចូលគ្នារវាង BET និង SRL ផ្តោតលើការអភិវឌ្ឍន៍សហគមន៍ ការដាំដើមឈើឡើងវិញ ការកសាងសមត្ថភាព ការបំប្លែងដី និងកិច្ចការពារបរិស្ថាន។ មិនត្រឹមតែប៉ុណ្ណោះ អ្នក​ស្រុក​ភូមិនៅទីនោះបានធ្វើការជាមួយ​ BET ក្នុងនាម​ជា​មន្ត្រី​ទេសចរណ៍ ចុងភៅ និងម្ចាស់ផ្ទះសំណាក់។ ទន្ទឹមនឹងនេះ ពួកគេរំពឹងថានឹងធ្វើការជាមួយអ្នកភូមិ Sakau រហូតដល់ ១ ០០០ នាក់នៅត្រឹមឆ្នាំ ២០២៤នេះ ។

ស្របពេលជាមួយគ្នានេះ ទាំង BET និង BEST Society បានចូលរួមយ៉ាងសកម្មក្នុងគំនិតផ្តួចផ្តើមអភិវឌ្ឍន៍សហគមន៍ជាមួយសហគមន៍មូលដ្ឋាន សង្គមស៊ីវិល និងដៃគូក្នុងវិស័យទេសចរណ៍។ ជាមួយនឹងការប្រើប្រាស់វិស័យទេសចរណ៍ជាចំណុចស្នូលសម្រាប់ពង្រឹងសហគមន៍ BEST បានដឹកនាំកម្មវិធីកសាងសមត្ថភាពសម្រាប់អ្នកភូមិផ្សេងៗទៀតដូចជា Mesilou, Kundasang, Libaran Island, Kiulu, Kiau និង Sukau លើវិស័យទេសចរណ៍ និងការគ្រប់គ្រងបដិសណ្ឋារកិច្ច ដែលជាប្រភពការងារ និងប្រាក់ចំណូល។ ជាឧទាហរណ៍ ប្រជាជនដែលរស់នៅក្នុងភូមិ Libaran មានសមត្ថភាពពន្យល់ពីវប្បធម៌ ឬរឿងផ្សេងៗសម្រាប់ភ្ញៀវទេសចរនៅពេលពួកគេធ្វើសកម្មភាពដូចជាត្បាញស្លឹកតយ ចម្អិនអាហារសម្រន់បែបប្រពៃណី និងការកែច្នៃដបប្លាស្ទិកជាដើម។

មិនត្រឹមតែប៉ុណ្ណោះ BEST ក៏បានរៀបចំកម្មវិធីផ្សេងៗដូចជា ការទស្សនាតាមកសិដ្ឋាន វិធីសាស្រ្តព្យាបាលដើមឬស្សី និងកម្មវិធីចំណេះដឹងផ្នែកហិរញ្ញវត្ថុសម្រាប់អ្នកស្រុក Kiulu ផងដែរ។ លើសពីនេះ គម្រោងទេសចរណ៍តាមសហគមន៍ដូចជា Kiulu Farmstay បានផ្តល់ជូនភ្ញៀវទេសចរនូវការជិះម៉ូតូកង់បួន quad, ការបោះជំរុំ, និងសកម្មភាពផ្សេងៗនៅក្នុងភូមិដូចជាដំណើរទេសចរណ៍ជាដើម ដែលជួយរកចំណូលដល់​អ្នក​ភូមិ​ជាង ៨០​នាក់។

Borneo Eco Tours (BET) ក៏បានយកចិត្តទុកដាក់លើបរិស្ថានផងដែរ ដោយគ្រប់បន្ទប់ស្នាក់របស់ SRL គឺគ្មានប្លាស្ទិកនោះទេ ដោយប្រអប់​អាហារ និង​ចាន​បាយ​ទាំងអស់​ត្រូវ​បាន​ប្តូរ​ទៅ​ជា​វត្ថុគ្មាន​ប្លាស្ទិក។ ជាមួយគ្នានេះ ដើម្បីសន្សំសំចៃថាមពល គ្រឿងបរិក្ខាររបស់ផ្ទះសំណាក់ SRL និងបន្ទប់ស្នាក់នៅទាំងនោះបានប្រើប្រាស់អំពូល LED ដែលសន្សំសំចៃថាមពល។ លើសពីនេះ កាកសំណល់ផ្ទះសំណាក់សរុបជាង ២០ ០០០គីឡូក្រាមត្រូវបានកែច្នៃឡើងវិញ។ បន្ថែមពីនេះ គំនិតផ្តួចផ្តើមការអភិរក្សសត្វព្រៃ និងការសម្អាតទន្លេត្រូវបានរៀបចំជាទៀងទាត់នៅក្នុងភូមិ Sukau ដោយការសម្អាតទន្លេប្រចាំខែរបស់ពួកគេក្នុងឆ្នាំ ២០១៩ ប្រមូលសំរាមបាន ១ ១០១ គីឡូក្រាម។

ក្រៅពីនេះ Borneo Ecotourism Solutions and Technologies (BEST) បានទិញដីព្រៃចំនួន ៧,៧ ហិកតា ហើយបានបង្កើតក្រុមហ៊ុនអភិរក្សដី Borneo និងមជ្ឈមណ្ឌលស្រាវជ្រាវអេកូទេសចរណ៍ Sukau ដើម្បីចូលរួមជាមួយស្ថាប័នសិក្សាទាំងក្នុងស្រុក និងក្រៅស្រុក ក្នុងកិច្ចខិតខំប្រឹងប្រែងលើកកម្ពស់បន្ថែមទៀតនូវសង្គម សេដ្ឋកិច្ច និងសុខុមាលភាពបរិស្ថាននៃភូមិ Sukau។ ផ្ទះសំណាក់ SRL ក៏បានជួយអ្នកភូមិ Mursalin ដើម្បីអភិរក្សដីទំហំ ៥,៦ ហិកតារប់ពួកគេ ដោយផ្តល់ជូននូវការបណ្តុះបណ្តាលក្នុងការប្រើប្រាស់ដីជាជាងការលក់ដីសម្រាប់ការដាំដូងប្រេង ខណៈដែល BET កំពុងលើកកម្ពស់ការអភិរក្សរបស់ខ្លួនតាមរយៈសកម្មភាពទេសចរណ៍។

យ៉ាងណាមិញ វិស័យទេសចរណ៍នៅតាមភូមិតូចៗមិនទាន់មានសមត្ថភាពអភិវឌ្ឍន៍ពេញលេញនោះទេ និងមិនទាន់ទទួលបានការគាំទ្រគ្រប់គ្រាន់ពីរដ្ឋាភិបាល។ ដូច្នោះហើយ ការគាំទ្រពីរដ្ឋាភិបាលម៉ាឡេស៊ី គឺជាមធ្យោបាយមួយក្នុងការពង្រីកការអភិរក្សបរិស្ថាន និងបង្កើនការចូលរួមពីសហគមន៍ក្នុងការធ្វើការក្នុងវិស័យទេសចរណ៍ប្រកបដោយនិរន្តរភាព៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្តេចធិបតី ៖ ការគ្រប់គ្រងធនធានទឹកបានកាន់តែល្អ អាចជួយដល់ការអភិវឌ្ឍសង្គម និងសេដ្ឋកិច្ច

ព្រឹត្តិការណ៍, សេដ្ឋកិច្ច

• 11/04/2024

ទឹកគឺជាធនធានដ៏មានសារៈសំខាន់សម្រាប់ការអភិវឌ្ឍសង្គម និងសេដ្ឋកិច្ច ហើយការប្រើប្រាស់ធន​ធានទឹកប្រកបដោយប្រសិទ្ធភាព និងស័ក្ដិសិទ្ធិភាព គឺពិតជារបៀបវារៈសំខាន់ខ្លាំងបំផុត។

ស្លឹកទ្រាំង មានប្រយោជន៍ច្រើន និងធ្វើកាបូបបានស្អាតប្លែក និងប្រើបានយូរ

ជំនួញ, ព្រឹត្តិការណ៍

• 11/04/2024

ទ្រាំង ជាដំណាំមួយប្រភេទដែលមានអត្ថប្រយោជន៍ច្រើន សូម្បីស្លឹកក៏អាចយកទៅវិញកែច្នៃជាសម្ភារប្រើប្រាស់ ជាពិសេសធ្វើជាការបូបដ៏មានសោភ័ណភាពស្រស់ស្អាត។

វិស័យកម្មន្តសាល និងការងើបឡើងវិញ ជួយជំរុញកំណើនសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 11/04/2024

ADB ព្យាករថាសេដ្ឋកិច្ចកម្ពុជានឹងកើនឡើងក្នុងអត្រា ៥,៨% ក្នុងឆ្នាំ២០២៤និង៦,០%ក្នុងឆ្នាំ២០២៥ ដោយសារកំណើនក្នុងវិស័យកម្មន្តសាល និង វិស័យទេសចរណ៍ ។

ភាពរីកចម្រើននៃប្រព័ន្ធធនាគារនៅកម្ពុជាបង្ហាញយ៉ាងច្បាស់នូវជំនឿទុកចិត្តរបស់សាធារណជន និងវិនិយោគិនមកលើវិស័យនេះ

ព្រឹត្តិការណ៍, ហិរញ្ញវត្ថុ

• 11/04/2024

ក្នុងរយៈពេល ៣០ឆ្នាំនេះ ប្រព័ន្ធធនាគារនៅកម្ពុជារក្សាបានភាពរីកចម្រើឥតឈប់ឈរ ដោយបន្តរក្សាបាននូវភាពធន់ និងបោះជំហានទៅមុខជាលំដាប់ ក្នុងការរួមចំណែកជំរុញសកម្មភាពសេដ្ឋកិច្ច

តម្លៃប្រេងឡើងថ្លៃ ១​ ដុល្លារបន្ថែមក្នុងមួយបារ៉ែល បន្ទាប់ពីមានការវាយប្រហារនៅតំបន់ហ្គហ្សា

ព្រឹត្តិការណ៍, សេដ្ឋកិច្ច

• 11/04/2024

តម្លៃប្រេងឆៅម៉ាក Brent ឡើងថ្លៃ ១,២ ភាគរយ ឬ ៩០,៤៨ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ១,២ ភាគរយ ឬ ៨៦,២១ ដុល្លារក្នុងមួយបារ៉ែល

កម្ពុជា និងតំបន់ឈូងសមុទ្រពិសេស ចុះអនុស្សរណៈនៃការយោគយល់គ្នាជំរុញកិច្ចសហប្រតិបត្តិការសេដ្ឋកិច្ច

ព្រឹត្តិការណ៍, សេដ្ឋកិច្ច

• 11/04/2024

ក្រសួងឧស្សាហកម្ម វិទ្យាសាស្ត្រ បច្ចេកវិទ្យានិងនវានុវត្តន៍និងតំបន់ឈូងសមុទ្រពិសេសចុះអនុស្សរណៈយោគយល់គ្នាជំរុញកិច្ចសហប្រតិបត្តិការសេដ្ឋកិច្ច

តួកគីកំពុងមានជម្លោះពាណិជ្ជកម្មជាមួយនឹងអ៊ីស្រាអែល ទាក់ទងទៅនឹងសង្រ្គាមនៅតំបន់ហ្គាហ្សា

ព្រឹត្តិការណ៍, សេដ្ឋកិច្ច

• 11/04/2024

ទីក្រុងអង់ការ៉ាបានដាក់ការរឹតបន្តឹងលើពាណិជ្ជកម្មសម្រាប់ការនាំចេញផលិតផល ៥៤​ ប្រភេទទៅកាន់អ៊ីស្រាអែល ​បន្ទាប់​ពី​រដ្ឋាភិបាល​អ៊ីស្រាអែល​បដិសេធ​មិន​អនុញ្ញាត​ឲ្យ​ជំនួយ​តួកគី​ទម្លាក់​ចូល​ក្នុង​តំបន់​ហ្គាហ្សា

សម្ដេច​ធិបតី ៖ គម្រោង​ព្រែកជីកហ្វូណន​តេជោ​ ជីកថ្មីតែ​៧គីឡូម៉ែត្រ​ប៉ុណ្ណោះ

ព្រឹត្តិការណ៍, អចលនទ្រព្យ

• 11/04/2024

គម្រោងព្រែកជីកហ្វូណនតេជោ​​ គ្រោង​នឹង​បើក​ការដ្ឋាន​នៅ​ពាក់​កណ្ដាល​ឆ្នាំ ២០២៤​នេះ ហើយគម្រោងនេះ មានប្រវែង​ប្រមាណ១៨០គ.ម ប៉ុន្តែជីក​ថ្មីតែ៧គ.មប៉ុណ្ណោះ

សម្តេចធិបតី ៖ តម្លៃទីផ្សារកសិផលប្រែប្រួលមិនទៀងទាត់ ខណៈរាជរដ្ឋាភិបាលប្រឹងប្រែងរក្សាលំនឹងទីផ្សារ​

ព្រឹត្តិការណ៍, សេដ្ឋកិច្ច

• 11/04/2024

សម្តេចធិបតីបានគូសបញ្ជាក់ថា វិស័យកសិកម្មនៅតែដើរតួនាទីយ៉ាងសំខាន់ក្នុងសេដ្ឋកិច្ចកម្ពុជា ហេតុនេះហើយរាជរដ្ឋាភិបាលនៅតែបន្តយកចិត្តទុកដាក់ជំរុញ និងលើកកម្ពស់

ចង្ក្រានបរិស្ថាន ៖ ជួយពលរដ្ឋជាច្រើនគ្រួសារឱ្យសន្សំសំចៃថវិកាបានច្រើនជាងមុន

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 11/04/2024

តាមរយៈចង្ក្រាននេះ គេអាចប្រើអុសតិចជាងមុន អាចតម្លើង ឬបន្ថយកម្ដៅបាន និងអាចកាត់បន្ថយផ្សែងរហូតទៅដល់ ៩៥% ដែលជាការគិតគូដល់សុខមាលភាពអ្នកប្រើប្រាស់