សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
វៀតណាម ៖ មហាយក្សចិន ត្រូវបានគេចាត់ទុកថាអ្នកនាំមុខគេមួយនៃឧស្សាហកម្មផ្លុវដែករបស់ពិភពលោកតាមរយៈភាពជោគជ័យនៃគម្រោងធំៗជាច្រើនទាំងក្នុង និងក្រៅប្រទេសនាពេលកន្លងមក ហើយប្រាកដណាស់មានប្រទេសជាច្រើនដែលតែងប្រាថ្នាចង់រៀនសូត្ រនិងទទួលយកបទពិសោធទាំងអស់នោះពីចិន។
ជាក់ស្តែងថ្មីៗនេះរដ្ឋាភិបាលទីក្រុងហាណូយបានប្រកាសជាសាធារណៈអំពីបំណងចង់សិក្សារៀនសូត្រពីបទពិសោធន៍នៃការសាងសង់ផ្លូវដែករបស់ចិនដោយសង្ឃឹមថានឹងអាចយកវាមកប្រើប្រាស់ក្នុងការជួយពង្រីងសមត្ថភាពធនធានមនុស្ស និងរៀបចំហេដ្ឋារចនាសម្ព័ន្ធផ្លូវដែកដ៏រឹងម៉ាំមួយសម្រាប់ប្រទេសខ្លួនឯង។
នៅក្នុងសេចក្តីថ្លែងការណ៍ដោយរដ្ឋាភិបាលវៀតណាមកាលពីចុងសប្តាហ៍កន្លងមកនេះបានសរសេរថា ៖ បទពិសោធន៍របស់ចិន ជាពិសេស បច្ចេកទេស ការគ្រប់គ្រងអ្នកជំនាញនិងហិរញ្ញវត្ថុ បានធ្វើឲ្យវៀតណាមពិតជាមានបំណងក្នុងការយកគំរូតាម។ សេចក្តីថ្លែងការណ៍ដែលត្រូវបានធ្វើឡើងនៅក្រោយពេលដែលរដ្ឋមន្ត្រីក្រសួងផែនការ និងវិនិយោគវៀតណាមបានបំពេញទស្សនកិច្ចទៅកាន់ប្រទេសចិន និងបានជួបពិភាក្សាជាមួយក្រុមមន្ត្រីនៅក្រសួងពាណិជ្ជកម្ម និងដឹកជញ្ជូនចិន ព្រមទាំងថ្នាក់គ្រប់គ្រងនៃបណ្តាក្រុមហ៊ុនផ្លូវដែករបស់ចិនផងដែរ។
កាលពីខែធ្នូកន្លងទៅ ចិន និងវៀតណាមធ្លាប់បានចុះហត្ថលេខាទៅលើកិច្ចព្រមព្រៀងដើម្បីពង្រឹងកិច្ចសហប្រតិបត្តិការជាច្រើនរួចមកហើយទៅលើវិស័យដឹកជញ្ជូនតាមផ្លូវដែកក្នុងអំឡុងពេលដែលប្រធានាធិបតីចិន លោក Xi Jinping បានបំពេញទស្សនកិច្ចទៅកាន់ទីក្រុងហាណូយ។ លើសពីនេះ ក្នុងពេលវេលាជាមួយគ្នានេះ រដ្ឋាភិបាលវៀតណាមក៏បានស្នើសុំទៅរដ្ឋាភិបាលជប៉ុនដើម្បីសុំការគាំទ្រផ្នែកបច្ចេកទេសក្នុងការសាងសង់ផ្លូវរថភ្លើងល្បឿនលឿនដែរ។
មហិច្ឆតារបស់វៀតណាមក្នុងការរៀនសូត្រតាមបទពិសោធន៍របស់ចិននេះធ្វើឡើងនៅចំពេលដែលប្រទេសនេះបានប្រកាសអំពីផែនការយក្សដែលមានតម្លៃរហូតទៅដល់៧២ពាន់លានដុល្លារក្នុងការសាងសង់ផ្លូវរថភ្លើងល្បឿនលឿន ឬ high-speed rail មួយខ្សែដែលមានប្រវែងដល់ទៅ ១ ៥៤៥គីឡូម៉ែត្រ ជាទំហំវិនិយោគដែលមានទំហំស្មើទៅនឹង១៧ភាគរយនៃផលិតផលក្នុងស្រុកសរុបរបស់ខ្លួន។
សម្រាប់គម្រោងផ្លូវរថភ្លើងល្បឿនលឿនរបស់វៀតណាមខាងលើនេះ ត្រូវបានសារព័ត៌មានក្នុងស្រុកអះអាងថា នៅមិនទាន់បានប្រកាសជាផ្លូវការនៅឡើយ ប៉ុន្តែផែនការនេះ
នឹងត្រូវដាក់ស្នើទៅសភាជាតិក្នុងការអនុម័តនៅក្នុងឆ្នាំ២០២៤នេះ៕
Account
Security
Favourite Content