សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ថ្វីត្បិតតែធុរកិច្ចបរិយាបន្នហាក់មិនទាន់មានការទទួលស្គាល់ទូលំទូលាយនៅឡើយដោយសារតែវាជាវិស័យធ្វើអាជីវកម្មបែបថ្មីមួយសម្រាប់គ្រប់គ្នា ជាពិសេសនៅតំបន់អាស៊ី ប៉ុន្តែទោះបីជាយ៉ាងណាក្តី កម្ពុជាត្រូវបានគេកត់សំគាល់ឃើញថាជាអ្នកនាំមុខគេ និងមានសកម្មភាពជាងគេធៀបទៅនឹងបណ្តាប្រទេសផ្សេងទៀត។
គិតមកដល់ពេលនេះ ធុរកិច្ចបរិយាបន្នចំនួន១៨ហើយដែលត្រូវបានចាត់បញ្ចូលទៅក្នុងបញ្ជីរបស់ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ (MISTI) ដែលជាអង្គភាពទទួលបន្ទុកកិច្ចការងារដ៏សំខាន់មួយនេះនាពេលបច្ចុប្បន្ន និងសង្ឃឹមថាចំនួននេះនឹងមានការកើនឡើងខ្លាំងបន្ថែមទៀតដើម្បីចូលរួមចំណែកអភវិឌ្ឍសង្គមជាតិប្រកបដោយចីរភាពតាមរយៈការអនុវត្តតាមគោលការណ៍ស្តង់ដាដ៏ត្រឹមត្រូវមួយ។
Okra ជាអាជីវកម្មគំរូមួយដែលគេអាចសិក្សារៀនសូត្រពីរបៀបដែលពួកគេបានក្លាយទៅជាធុរកិច្ចបរិយាបន្ននៅកម្ពុជាតាមរយៈការជួយគាំទ្រ និងផ្គត់ផ្គង់ថាមពលស្អាត ឬ clean energy ទៅដល់សហគមន៍រស់នៅដែលមានជីវភាពក្រីក្រ ហើយជាលទ្ធផលមានបណ្តាខេត្តចំនួន៤ហើយដែលទទួលបាននូវអត្ថប្រយោជន៍ទាំងនោះ រួមមានដូចជា ខេត្តកំពង់ឆ្នាំង, ស្វាយរៀង,កំពង់ស្ពឺ និងខេត្តតាកែវ។
បច្ចុប្បន្ន ពលរដ្ឋរស់នៅតាមតំបន់ដែលមានវត្តមាន Okra ជួយគាំទ្រទាំងនោះអាចទទួលបាននូវសេវាកម្មតម្លើង និងផ្ទាំងសូឡា ដើម្បីអាចទាញយកថាមពលអគ្គិសនីមកប្រើប្រាស់ជាមួនឹងតម្លៃធូរថ្លៃធៀបទៅនឹងថាមពលអគ្គិសនីដែលផ្គត់ផ្គង់ដោយក្រុមហ៊ុនឯកជន និងអគ្គិសនីកម្ពុជា ប៉ុន្តែទោះបីជាយ៉ាងណាក្តី វាមិនមានកម្រិតខ្ពស់ និងទូលំទូលាយដូចជាថាមពលអគ្គិសនីដែលគេផ្គត់ផ្គង់ធម្មតានោះដែរ។
គួរឲ្យដឹងដែរថា គម្រោងដែល Okra បានអនុវត្តបានជោគជ័យកន្លងមកមានដូចជា នៅភូមិស្ទឹងជ្រៅ ខេត្តកំពង់ឆ្នាំង ចំនួន ៨១ ផ្ទះ ជាមួយនឹងថាមពលប្រើប្រាស់ប្រចាំថ្ងៃ ២០១ វ៉ាត់ម៉ោងក្នុងមួយថ្ងៃ, នៅព្រែកស្ពាន ១៧គ្រួសារ ទំហំប្រើប្រាស់ ៣៩ គីឡូវ៉ាត់ម៉ោង , នៅតាដោកចំនួន ៣០ គ្រួសារ ៥៧គីឡូវ៉ាត់ម៉ោងរៀងរាល់ថ្ងៃ។ ដោយឡែក នៅខេត្តស្វាយរៀង ក្នុងភូមិសាំង ចំនួន ២៨ គ្រួសារ ប្រើប្រាស់ថាមពលទំហំ ៣៥ គីឡូវ៉ាត់ម៉ោងក្នុងមួយថ្ងៃ , នៅភូមិក្បាលដំរី ចំនួន ១៥៨ គ្រួសារប្រើថាមពលទំហំ ១០៥ គីឡូវ៉ាត់ម៉ោង និងនៅខេត្តតាកែវ ក្នុងភូមិព្រែកផ្តៅ ចំនួន ២៧ គ្រួសារ ប្រើថាមពលទំហំ ២២ គីឡូវ៉ាត់ម៉ោងក្នុងមួយថ្ងៃ។
គួររំលឹកថា ធុរកិច្ចបរិយាប័ន្ន គឺជាអាជីវកម្មឈរលើគោលការណ៍អាជីវកម្មដែលបង្កើតដំណោះស្រាយជាប្រព័ន្ធ មានភាពច្នៃប្រតិដ្ឋ និងមានទ្រង់ទ្រាយធំ ឆ្លើយតបទៅនឹងបញ្ហាប្រឈមពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប (BoP និង B40)។ បន្ទាត់អាជីវកម្មគំរូ ឬធុរកិច្ចបរិយាបន្ន ត្រូវបានបង្កើតឡើងក្នុងគោលបំណងផ្តល់ប្រាក់ចំណូលខ្ពស់គួរសម និងបង្កើននូវស្តង់ដារជីវភាពរស់នៅប្រសើរជាងមុនដល់ក្រុមមនុស្សដែលមានចំណូលទាបនៅបាតពីរ៉ាមីត ៤០% និងក្រុមមនុស្សដែលងាយរងគ្រោះ៕
Account
Security
Favourite Content