គ្រប់ប្រទេសទាំងអស់លើសកលលោកពល រដ្ឋរស់នៅទីក្រុងភាគច្រើនជាមនុស្សដែលមានភាពស្ត្រេសមួរម៉ៅ និងធុញទ្រាន់បំផុតធៀបទៅនឹងពលរដ្ឋដែលរស់នៅតាមតំបន់ផ្សេងនៅក្នុងប្រទេស រាប់ទាំងសកម្មភាពការងារប្រចាំថ្ងៃ និងសកម្មភាពធ្វើចរាចរនៅលើដងផ្លូវផងដែរ។
ក្រោយមើលឃើញពីបញ្ហានេះ ប្រទេសមិចស៊ីកូបានសម្រេចចិត្តក្នុងការអនុវត្តគម្រោងកែច្នៃដ៏ប្លែកមួយដើម្បីបញ្ចូលភាពបៃតងទៅក្នុងសកម្មភាពធ្វើចរាចររបស់ពលរដ្ឋក្នុងទីក្រុងរបស់ខ្លួន ហើយវាមានឈ្មោះថា ជាសួនបៃតង Via Verde ។
សួនបៃតង Via Verde គឺជាសួនដើមឈើរុក្ខជាតិដើមឈើខៀវរាប់ពាន់ដើមដែលត្រូវបានអជ្ញាធរយកទៅដាំ និងលំអនៅលើបណ្តាញផ្លូវហាយវេសំខាន់បំផុត និងវែងជាងគេមួយរបស់ទីក្រុង ដែលវាមិនត្រឹមតែជួយកាត់បន្ថយជាតិពុលចូលបរិយាកាសប៉ុណ្ណោះទេ សួនបៃតងនេះក៏អាចប្រើប្រាស់ប្រព័ន្ធធារាសាស្ត្រក្នុងការទាញយកទឹកភ្លៀងមកប្រើប្រាស់ឡើងវិញនៅក្នុងទីក្រុងផងដែរ។
លើសពីនេះ Via Verde បានផ្លាស់ប្តូររូបរាងនៃទីក្រុងសំបូរទៅដោយឧស្សាហកម្មមួយទៅជាពណ៍បៃតងមួយផ្នែកដែលអាចជួយឲ្យអារម្មណ៍របស់ពលរដ្ឋដែលធ្វើដំណើរបានប្រែពីភាពតប់ប្រម៉ល់មើលឃើញតែអគារបេតុង និងឃើញតែមនុស្សដែលមានចំនួនដល់ទៅ២២លាននាក់នៅក្នុងទីក្រុងឲ្យទៅជាមានអារម្មណ៍ស្រស់ស្រាយជាមួយនឹងធម្មជាតិយ៉ាងប្លែកភ្នែក និងមានបរិយកាសល្អពេលធ្វើដំណើរទៅមកនៅលើផ្លូវហាយវេមួយនេះទៅវិញ ដែលនេះជាកត្តាជំរុញឲ្យបង្កើនអារម្មណ៍ល្អ អារម្មណ៍ស្ងប់ស្ងាត់ និងធ្វើឲ្យផលិតកម្មនៅក្នុងការងាររបស់ពលរដ្ឋកាន់តែកើនឡើងមួយកម្រិតទៀតផង។
ប្រធានប្រតិបត្តិ និងជាស្ថាបនិកនៃគម្រោង Via Verde លោក Fernando Ortiz Monasterio បានបញ្ជាក់ថា ទោះបីជាគម្រោងនេះទើបបានអនុវត្តមួយផ្នែកតូចនៃគម្រោងទីក្រុងទាំងមូលក្តី ប៉ុន្តែលោកជឿជាក់ថាវានឹងបន្តពង្រីកខ្លួនថែមទៀតនៅពេលខាងមុខ។ លោកបន្តថា តាមរយៈគម្រោងមួយនេះមិនត្រឹមតែផ្តល់អត្ថប្រយោជន៍ជាច្រើនដល់សុខភាពផ្លូវកាយ និងផ្លូវចិត្តរបស់ពលរដ្ឋក្នុងទីក្រុងនោះទេ ប៉ុន្តែវាថែមទាំងអាចជួយដល់សេដ្ឋកិច្ចរបស់ទីក្រុងមួយចំណែកផងដែរ ពីព្រោះថាគម្រោងរបស់ Via Verde បានផ្តល់ការងារមួយចំនួនធំៗទៅឲ្យពលរដ្ឋក្រីក្រ ជាពិសេសផ្តោតលើស្ត្រី៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧អាជីវកម្មបរិយាបន្នចំនួន ៤ ដែលជួយដល់កសិករខ្នាតតូចនៅប្រទេសឥណ្ឌា
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 28/03/2024
ស្របពេលដែលអាជីវកម្មបរិយាបន្នបន្តរីកចម្រើន និងច្នៃប្រឌិត ពួកគេមិនត្រឹមតែលើកកំពស់កសិករប៉ុណ្ណោះទេ ប៉ុន្តែថែមទាំងអាចជួយត្រួសត្រាយសម្រាប់កសិកម្មឥណ្ឌាផងដែរ