សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ តាមទិន្នន័យដែលទទួលបានកាលពីឆ្នាំ២០២៤កន្លងទៅ កាសែត Forbes បានរៀបចំបញ្ជីកំពូលមហាសេដ្ឋីខ្ទង់ពាន់លានដុល្លារបានជោគជ័យ និងជាផ្លូវការដែលក្នុងនោះទីក្រុងមូស្គូបានហក់ឡើងទៅចំណាត់ថ្នាក់លេខរៀងទី២នៃទីក្រុងដែលមានមហាសេដ្ឋីពាន់លានរស់នៅច្រើនជាងគេ។
បច្ចុប្បន្នគេជឿជាក់ថា ធនធានព្រមទាំងទ្រព្យសម្បត្តិសរុបរបស់ក្រុមមហាសេដ្ឋីខ្ទង់ពាន់លានដុល្លារនៅទូទាំងទីក្រុងមូស្គូរាប់បញ្ជូលគ្នាមានទៅដល់ ៤០៩ពាន់លានដុល្លារដែលវាគឺជាចំណាត់ថ្នាក់ធ្លាប់ធ្វើបានដោយទីក្រុងហុងកុងកាលពីឆ្នាំកន្លងទៅ។
ប្រភពដដែលបានបង្ហាញដែរថា សម្រាប់ឆ្នាំ២០២៥នេះវិញទីក្រុងមូស្គូគឺជាគោលដៅដែលមានចំនួនកើនឡើងនៃមហាសេដ្ឋីពាន់លានដុល្លារច្រើនជាងគេពី១៦ទៅដល់៩០នាក់ដែលក្នុងនោះរួមមានមហាសេដ្ឋីចំណូលថ្មីចំនួន១១នាក់ ហើយទំហំនៃទ្រព្យសម្បតិ្តសរុបរបស់ពួកគេបានឡើងបន្ថែម៣១ពាន់លានដុល្លារបន្ថែមទៀត។
ក្នុងនោះផងដែរ Forbes បានរកឃើញដែរថា មហាសេដ្ឋីប្រេងកាត លោក Vagit Alekperov ដែលមានទ្រព្យសម្បត្តិសរុប ២៨,៧ពាន់លានដុល្លារនោះនៅតែអាចរក្សាតំណែងជាកំពូលអ្នកមានលុយច្រើនជាងគេបំផុតរបស់ទីក្រុងមូស្គូដដែល។ លោកគឺជាសេដ្ឋីដែលមានទ្រព្យសម្បត្តិភាគច្រើនបានមកពីប្រភពក្រុមហ៊ុនរកស៊ីប្រេងក្នុងស្រុករបស់រុស្ស៊ី Lukoil។
យ៉ាងណាក្តី គេសង្កេតឃើញថា ទីក្រុងញូវយ៉កនៅតែជាទីតាំងកំពូលក្នុងបញ្ជីដដែល ដោយមានចំនួនមហាសេដ្ឋីពាន់លានដុល្លាររស់នៅច្រើនជាងគេបំផុត និងក្នុងរយៈពេល៤ឆ្នាំជាប់គ្នាមកហើយដោយក្នុងនោះមហាសេដ្ឋីដល់ទៅ១២៣នាក់មានទ្រព្យសម្បត្តិបញ្ចូលគ្នាដល់ទៅ៧៥៩ពាន់លានដុល្លារ។
ដោយឡែក ក្រុងហុងកុងដែលឈរនៅលំដាប់លេខ៣ក្នុងបញ្ជីនោះមានមហាសេដ្ឋីពាន់លានសរុប៧២នាក់មានទ្រព្យសម្បត្តិរួមគ្នា៣០៩ពាន់លានដុល្លារ។ កាលពីឆ្នាំ២០២៤ ក្រុងហុងកុងបានបាត់បង់មហាសេដ្ឋីចំនួន២នាក់ចេញពីទីតាំងរបស់គេ ប៉ុន្តែយ៉ាងណាក្តី វានៅតែជាទីក្រុងទី១នៅក្នុងតំបន់អាស៊ីដែលមានចំនួនមហាសេដ្ឋីពាន់លានច្រើនជាងគេបំផុត។
ទីក្រុងឡុង លោតឡើង២លេខទៅចំណាត់ថ្នាក់លេខ៤ក្រោយបន្ថែមចំនួនមហាសេដ្ឋីថ្មីចំនួន៩នាក់ដែលក្នុងនោះមាន៧នាក់ជាអ្នកចំណូលថ្មី។ចំនួនមហាសេដ្ឋីសរុបនៅទីនេះមាន៧១នាក់និងមានទ្រព្យសម្បត្តិរួមគ្នា៣៥៥ពាន់លានដុល្លារ។
ក្នុងនោះផងដែរ ទីក្រុងប៉េកាំង និងម៉ុមបៃ ឈរនៅលំដាប់លេខរៀងទី៥ និងទី៦រៀងគ្នា ពោលគឺមានចំនួនមហាសេដ្ឋី៦៨ និង៦៧រៀងគ្នាដែរ ខណៈដែលទីក្រុងសិង្ហបុរីស្ថិតនៅលេខរៀងទី៧ មានចំនួនមហាសេដ្ឋីសរុប៦០នាក់៕
Account
Security
Favourite Content