សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ នៅដើមសប្តាហ៍នេះ រដ្ឋមន្ត្រីក្រសួងការពារជាតិនៃប្រទេសហ្វីលីពីនបានលើកឡើងពីផែនការនៃការបញ្ជាទិញយន្តហោះចម្បាំង F-16 ពីសហរដ្ឋអាម៉េរិកក្នុងតម្លៃប្រមាណជា ៥,៦ពាន់លានដុល្លារនោះថា ស្ថិតនៅក្នុងភាពស្រពិចស្រពិលនៅឡើយ។
កាលពីខែមេសាកន្លងទៅ មានព័ត៌មានក្នុងស្រុក និងអន្តរជាតិជាច្រើនបានអះអាងថា ហ្វីលីពីន បានទទួលភ្លើងខៀវពីរដ្ឋាភិបាលទីក្រុងវ៉ាស៊ិនតោនក្នុងការបញ្ជាទិញយន្តហោះចម្បាំងដ៏ទំនើបទាំងនេះប៉ុន្តែយ៉ាងណាក្តី មន្ត្រីកំពូលយោធាហ្វីលីពីនបានបញ្ជាក់ថា រដ្ឋាភិបាលទីក្រុងម៉ានីលនៅមិនទាន់បានធ្វើការសម្រេចចិត្តជាផ្លូវការណាមួយនៅឡើយទេនៅក្នុងដំណើរការកិច្ចព្រមព្រៀងមួយនេះ។
ថ្លែងនៅក្នុងអំឡុងពេលចូលរួមកិច្ចប្រជុំកំពូលនៃក្រុមមន្ត្រីថ្នាក់ការពារជាតិ Shangri-La Dialogue ដែលប្រព្រឹត្តទៅនៅក្នុងប្រទេសសិង្ហបុរីកាលពីពេលថ្មីៗនេះ លោករដ្ឋមន្ត្រី Gilberto Teodoro បានអះអាងថា ហ្វីលីពីន នៅមិនទាន់ទទួលបានការអនុញ្ញាតជាផ្លូវការពីអាម៉េរិកក្នុងការបញ្ជាទិញយន្តហោះជំនាន់ទី៤នោះទេ ហើយលោករដ្ឋមន្ត្រីបានបន្តថា ទោះបីជាបើយ៉ាងនោះក្តី ក្រសួងការពារជាតិរបស់លោកក៏មិនដែលបានបង្ហាញថាពួកគេនឹងត្រូវការយន្តហោះទាំងនោះ ឬអត់ដែរ។
ផ្តល់បទសម្ភាសន៍ទៅកាន់ក្រុមអ្នកកាសែតជុំវិញបញ្ហានេះ លោក Teodoro បានបញ្ជាក់ថា ៖
«អ្វីដែលខ្ញុំកំពុងបារម្ភ មកទល់ពេលនេះ គឺថានៅមិនទាន់មានឯកសារ ឬអ្វីទាំងអស់នៅលើតុរបស់ខ្ញុំសម្រាប់ធ្វើការពិនិត្យ និងពិចារណានោះទេ»។
សូមរំលឹកដែរថា កាលពីខែមេសាកន្លងទៅ ក្រសួងការពារជាតិអាម៉េរិកបានប្រកាសថា ខ្លួនបានអនុម័តរួចរាល់ហើយក្នុងការលក់យន្តហោះ F-16 ប្រមាណជា២០គ្រឿងទៅឲ្យរដ្ឋាភិបាលហ្វីលីពីន ដែលក្នុងនោះរួមមានទាំងមីស៊ីល គ្រាប់បែក និងគ្រាប់រំសេវផងដែរ។ កញ្ចប់ទិញ-លក់ដែលអាម៉េរិកបានប្រកាសនេះមានតម្លៃប្រហែលជា ៥,៦ពាន់លានដុល្លារដែលជាកញ្ចប់ថវិកាដ៏ច្រើនសន្ធឹកសន្ធាប់បំផុតនៃកញ្ចប់ថវិកាជាតិប្រចាំឆ្នាំរបស់ប្រទេសក្នុងតំបន់អាស៊ានមួយនេះ។
ជាទូទៅ រដ្ឋាភិបាលទីក្រុងម៉ានីល តែងតែមានខ្ទង់ចំណាយសម្រាប់យោធាប្រចាំឆ្នាំយ៉ាងហោចណាស់ប្រមាណ ៦ពាន់លានដុល្លារប៉ុណ្ណោះ ឬត្រូវជា ១,៣ភាគរយនៃផលិតផក្នុងស្រុកសរុប GDP។ នេះបើយោងតាមតួលេខដែលត្រូវបានរកឃើញដោយវិទ្យាស្ថានស្រាវជ្រាវសន្តិភាពអន្តរជាតិនៃទីក្រុង Stockholm ៕
Account
Security
Favourite Content