សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ នាដើមខែកុម្ភៈនេះ ក្រសួងការពារជាតិនៃប្រទេសប៉ូឡូញបានប្រកាសថាខ្លួនបានបញ្ជាទិញមីស៊ីលដ៏ទំនើបរបស់អាមេរិកល្បឿនលឿនជាងសម្លេង និងបំពាក់រ៉ាដាដោយខ្លួនឯងប្រភេទ AARGM-ER(AGM-88G Advanced Anti-Radiation Guided Missiles-Extended Range)ក្នុងចំនួនដល់ទៅជាង២០០គ្រាប់បន្ថែមទៀត។
ការបញ្ជាទិញលើកនេះបានធ្វើឲ្យប្រទេសប៉ូឡូញបានក្លាយទៅជាសម្ព័ន្ធមិត្តដំបូងគេរបស់សហរដ្ឋអាមេរិកដែលបានបញ្ជាទិញមីស៊ីលបច្ចេកវិទ្យាប្រយុទ្ធដ៏ទំនើបដែលអាចបំផ្លាញរ៉ាដារបស់សត្រូវផង និងប្រព័ន្ធការពារដែនអាកាសផងក្នុងពេលតែមួយ ហើយតាមផែនការ AARGM-ER ទាំងនេះនឹងត្រូវយកទៅបំពាក់ជាមួយយន្តហោះចម្បាំង F-35 ។
កុងត្រាទិញលក់មីស៊ីលដ៏ទំនើបដែលមានតម្លៃថ្លៃនេះត្រូវបានធ្វើឡើងរវាងរដ្ឋាភិបាលប៉ូឡូញជាមួយនឹងក្រុមហ៊ុនអ្នកផលិតអាវុធរបស់អាមេរិក Northrop Grumman នៅចំពេលដែលប៉ូឡូញកំពុងរង់ចាំកញ្ចប់យន្តហោះចម្បាំង F-35 ចំនួន ៣២គ្រឿងដែលបានបញ្ជាទិញពីអាមេរិកជាយូរមកហើយ ហើយវានឹងអាចដឹកជញ្ជូនមកដល់ប៉ូឡូញលើកដំបូងនៅឆ្នាំ២០២៦ខាងមុខនេះ។
រដ្ឋមន្ត្រីការពារជាតិប៉ូឡូញ និងជាឧបនាយករដ្ឋមន្ត្រីផងនោះ លោក Wladyslaw Kosiniak Kamysz បានថ្លែងថា មីស៊ីល AARGM-ER ទាំងនេះនឹងជួយបង្កើនសមត្ថភាពប្រយុទ្ធរបស់យន្តហោះចម្បាំងប៉ូឡូញ។ ក្នុងកុងត្រានេះផងដែរ រដ្ឋាភិបាលប៉ូឡូញក៏បានបញ្ជាទិញប្រព័ន្ធការពារដែនអាកាសដែលមានសមត្ថភាពប្រឆាំងនឹងមីស៊ីលកំណត់គោលដៅប្រឆាំងទៅនឹងយន្តហោះចម្បាំង និងប្រឆាំងទៅនឹងមីស៊ីលដែលបំផ្លាញប្រព័ន្ធការពារអាកាសផងដែរ។
គួរឲ្យដឹងដែរថា កុងត្រាទិញលក់អាវុធលើកនេះ រដ្ឋាភិបាលប៉ូឡូញនឹងបញ្ចេញខ្ទង់ចំណាយប្រមាណជា ៧៤៥លានដុល្លារ ហើយតាមផែនការមីស៊ីលទាំង២០០គ្រាប់នឹងអាចចាប់ផ្តើមប្រគល់ជូនកងទ័ពប៉ូឡូញចាប់ពីឆ្នាំ២០២៩ ដល់ឆ្នាំ២០៣៥។
គួរឱ្យកត់សម្គាល់ថា ចាប់តាំងពីឆ្នាំ២០២២ ដែលជម្លោះរវាងរុស្ស៊ី និងអ៊ុយក្រែនបានផ្ទុះឡើង ប្រទេសប៉ូឡូញបានខិតខំក្នុងការពង្រឹងសមត្ថភាពការពារជាតិតាមរយៈការបញ្ជាទិញអាវុធថ្មីៗយ៉ាងច្រើន ហើយជាលទ្ធផលក្នុងចំណោមសមាជិកណាតូផ្សេងទៀត រដ្ឋាភិបាលមួយនេះគឺជាអ្នកនាំមុខគេក្នុងការចំណាយទៅលើវិស័យយោធា ជាពិសេស នៅក្នុងឆ្នាំ២០២៥នេះ រដ្ឋាភិបាលប៉ូឡូញបានអះអាងដែរថា ខ្លួនបានរៀបចំខ្ទង់ចំណាយដល់ទៅប្រមាណ ៣៩,៧ពាន់លានដុល្លារ ឬប្រហែលជា ៤,២ភាគរយនៃទំហំផលិតផលក្នុងស្រុកសរុប GDP ទៅលើវិស័យយោធា៕
Account
Security
Favourite Content