សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រុមហ៊ុនក្រុមហ៊ុន ជេអេស លែន ភីអិលស៊ី (JS Land Plc) ដែលជាក្រុមហ៊ុនសាងសង់លំនៅដ្ឋាន ដែលផ្ដោតជាចម្បងក្នុងការអភិវឌ្ឍគម្រោងអគារខុនដូខ្ពស់ៗទទួលបានការអនុម័តជាគោលការណ៍លើសំណើសុំបោះផ្សាយលក់មូលបត្រកម្មសិទ្ធិជាសាធារណៈពីក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ។
ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា និងជាសមាជិកក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ នៅថ្ងៃទី១៣ ខែធ្នូ ឆ្នាំ២០២១ បានចូលរួមកិច្ចប្រជុំ អ.ស.ហ. លើកទី៧ ក្រោមអធិបតីភាពដ៏ខ្ពង់ខ្ពស់របស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងជាប្រធាន អ.ស.ហ. តាមប្រព័ន្ធបញ្ជូនសារ និងរូបភាពពីចម្ងាយលើរបៀបវារៈចំនួន៣ ដោយក្នុងនោះក៏មានផងដែរនូវសំណើសុំបោះផ្សាយលក់មូលបត្រកម្មសិទ្ធិជាសាធារណៈរបស់ក្រុមហ៊ុន ជេអេស លែន ភីអិលស៊ី។
បន្ទាប់ពីការធ្វើបទបង្ហាញជូនអង្គប្រជុំរួចមក អង្គប្រជុំបានពិភាក្សាផ្លាស់ប្តូរយោបល់ទាំងកម្រិតបច្ចេកទេស និងគោលនយោបាយលើឯកសារដែលរៀបចំដោយមន្ត្រីជំនាញ។ ជាលទ្ធផល អង្គប្រជុំបានអនុម័តជាគោលការណ៍លើសំណើសុំបោះផ្សាយលក់មូលបត្រកម្មសិទ្ធិជាសាធារណៈរបស់ក្រុមហ៊ុន ជេ អេស លែន ភីអិលស៊ី ដោយក្រុមហ៊ុនត្រូវបំពេញលក្ខខណ្ឌបន្ថែមជាមួយនិយ័តករមូលបត្រកម្ពុជាមុននឹងទទួលបាននូវសេចក្តីសម្រេចផ្លូវការឱ្យបន្តនីតិវីធីនៃការធ្វើបរិវិសកម្ម និងចុះបញ្ជីនៅលើផ្សារមូលបត្រកម្ពុជាស្របតាមបទប្បញ្ញត្តិជាធរមាន។
និយ័តករមូលបត្រកម្ពុជាបានបញ្ជាក់ដូច្នេះថា ៖
“ក្រុមហ៊ុន ជេ អេស លែន ភីអិលស៊ី ជាក្រុមហ៊ុនអភិវឌ្ឍន៍លំនៅដ្ឋាន តាមរយៈការប្រើប្រាស់នូវបច្ចេកវិទ្យាទំនើបបំផុតសម្រាប់ការសាងសង់ និងការសម្របទៅតាមនិន្នាការនៃស្ថាបត្យកម្មចុងក្រោយបង្អស់។ ក្រុមហ៊ុន ជេ អេស លែន ភីអិលស៊ី នឹងក្លាយជាក្រុមហ៊ុនទី២ ដែលចុះបញ្ជីលក់មូលបត្រកម្មសិទ្ធិនៅលើទីផ្សារកំណើននៃផ្សារមូលបត្រកម្ពុជា”
គួរបញ្ជាក់ផងដែរថា ក្រុមហ៊ុន ជេ អេស លែន ភីអិលស៊ី គឺជាក្រុមហ៊ុនសាងសង់លំនៅដ្ឋានដែលផ្ដោតជាចម្បងក្នុងការអភិវឌ្ឍគម្រោងអគារខុនដូខ្ពស់ៗ ស្របតាមបច្ចេកវិទ្យាសំណង់ទំនើប និងនិន្នាការនៃការរចនាស្ថាបត្យកម្មចុងក្រោយ។ គួរគត់សម្គាល់ថា គិតត្រឹមខែកញ្ញា ឆ្នាំ២០២១នេះ ផ្សារមូលបត្រកម្ពុជាមានក្រុមហ៊ុនចុះបញ្ជីសរុបចំនួន១៥ ដែលបានប្រមូលទុនពីទីផ្សារ មូលបត្រសរុបប្រមាណជាង ២៧៧ លានដុល្លារអាមេរិក៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content