សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ក្រុមហ៊ុនចំនួនពីរ គឺ Guangxi Xiyaya Food Co., Ltd. និងក្រុមហ៊ុន Lumisun Asian Fruits Co., Ltd. នឹងទិញដំណាប់ស្វាយកម្ពុជា ជាង ២ម៉ឺនតោនក្នុងរយៈពេល ៣ឆ្នាំ គឺឆ្នាំ២០២៥- ២០២៧ និងទិញទុរេនកម្ពុជា ចំនួន ១៥ ០០០តោន ក្នុងចន្លោះឆ្នាំ២០២៥-២០២៦។ នេះបើតាមប្រភពរបស់ក្រសួងពាណិជ្ជកម្មកម្ពុជា។
ការសន្យាទិញលក់នេះបានកើតឡើងតាមរយៈការចុះហត្ថលេខាលើកិច្ចព្រមព្រៀងសហប្រតិបត្តិការជាយុទ្ធសាស្ត្រកាលពីថ្ងៃចុងសប្ដាហ៍កន្លងទៅ នៅទីក្រុងប៉ីហៃ នៃតំបន់ស្វយ័តជនជាតិជាំង ខេត្តគ័ងស៊ី សាធារណរដ្ឋប្រជាមានិតចិន។
កិច្ចព្រមព្រៀងនេះ ត្រូវបានសម្រេចក្នុងអំឡុងព្រឹត្តិការណ៍ផ្សព្វផ្សាយទំនិញកសិផលកម្ពុជា និងការចុះកិច្ចព្រមព្រៀងលើកិច្ចសហប្រតិបត្តិការជាយុទ្ធសាស្រ្តរវាងក្រុមហ៊ុនកម្ពុជា និងចិន ។ តាមរយៈកិច្ចព្រមព្រៀងនេះ ភាគីចិននឹងទិញដំណាប់ស្វាយកម្ពុជាចំនួន ៣០០០តោនក្នុងឆ្នាំ២០២៥នេះ ដែលជាផ្នែកមួយនៅក្នុងគម្រោង ជាង២ម៉ឺនតោនក្នុងរយៈពេល៣ឆ្នាំ។
ឯកឧត្តម លីម ឡោកពិសិដ្ឋ រដ្ឋលេខាធិការក្រសួងពាណិជ្ជកម្ម និង លោកស្រី Zeng Ling អភិបាលរងទីក្រុងប៉ីហៃ បានអញ្ជើញជាសាក្សីក្នុងព្រឹត្តិការណ៍ផ្សព្វផ្សាយទំនិញកសិផលកម្ពុជា និងការចុះកិច្ចព្រមព្រៀងនេះ។
ឯកឧត្តម លីម ឡោកពិសិដ្ឋ បានថ្លែងថា៖ ព្រឹត្តិការណ៍នេះមានគោលបំណងផ្សព្វផ្សាយ និងជំរុញការនាំចេញផលិតផលកសិកម្ម ដែលមានសក្តានុពលរបស់កម្ពុជា តាមច្រកតំបន់ស្វយ័តគ័ងស៊ី ទៅកាន់ទីផ្សារប្រទេសចិនឱ្យកាន់តែទូលំទូលាយ៕
Account
Security
Favourite Content