សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កាកសំណល់ គឺជាចំណែកដ៏សំខាន់នៃបញ្ហាបម្រែប្រមួលអាកាសធាតុរបស់ពិភពលោកនាពេលបច្ចុប្បន្ន ដោយសារតែកាកសំណល់ទាំងនោះបានបញ្ចេញធាតុពុលបំផ្លាញទាំងបរិយាកាស បំផ្លាញទាំងជីវិតលើភពផែនដី ក៏ដូចជាក្រោមទឹក និងលើទឹកផងដែរ។កាកសំណល់មានច្រើនប្រភេទ ច្រើនខ្នាត និងកើតមានស្ទើរគ្រប់រូបភាពចាប់រាប់ពីសំបកកញ្ចប់សាប៊ូរហូតទៅដល់ក្រណាត់សម្លៀកបំពាក់ និងគ្រឿងប្លាស្ទិក ជាពិសេសឧបករណ៍បច្ចេកវិទ្យា និងអេឡិចត្រូនិក។
គិតត្រឹមស្មាតហ្វូនប៉ុណ្ណោះបានបង្កជាកាកសំណល់ដល់ទៅរាប់ពាន់លានគ្រឿងជារៀងរាល់ឆ្នាំ ហើយបើយោងតាមការស្រាវជ្រាវ និងព្យាករណ៍ដោយក្រុមអ្នកជំនាញ និងត្រូវបានយកមកចេញផ្សាយដោយ WEFORUM បានបង្ហាញថាគិតត្រឹមឆ្នាំ២០២៣នេះប៉ុណ្ណោះ កាកសំណល់ជាទូរស័ព្ទ ឬស្មាតហ្វូនសរុបដល់ទៅ ៥ ៣០០ លានគ្រឿងនឹងត្រូវបោះបង់ចោល ហើយក្នុងចំណោមនោះក៏អាចមានស្មាតហ្វូនដែលអ្នកកំពុងតែប្រើប្រាស់ផងដែរ ខណៈដែលបច្ចុប្បន្ននេះស្មាតហ្វូន និងទូរស័ព្ទគ្រប់ប្រភេទដែលកំពុងត្រូវបានប្រើប្រាស់នៅលើពិភពលោកមានរហូតទៅដល១៦ពាន់លានគ្រឿង។
តើអ្នកដឹងទេថាប្រសិនបើទូរស័ព្ទទាំងនោះត្រូវបានយកមកតំរៀបពីលើគ្នាបានវានឹងអាចមានកំពស់រហូតទៅដល់ ៥០០០០គីឡូម៉ែត្រឡើងទៅលើ ពោលគឺខ្ពស់ជាងកំពស់របស់ស្ថានីយ៍អវកាសអន្តរជាតិ ISS ដល់ទៅ១២០ដង និងស្មើនឹង ១ ភាគ ៨ នៃការចំងាយផ្លូវទៅកាន់ឋានព្រះច័ន្ទ។
តើនេះមានន័យយ៉ាងណាចំពោះសេដ្ឋកិច្ច?
ស្មាតហ្វូន និងទូរស័ព្ទនីមួយៗអាចមានតម្លៃជាមធ្យម ៥០ ឬ ១០០ដុល្លារ ដូច្នេះមានន័យថា លុយប្រមាណ ២៥០ពាន់លានដុល្លារទៅ ៥០០ពាន់លានដុល្លារត្រូវបានបោះបង់ចោល ហើយរ៉ែដែលគេយកមកប្រើប្រាស់ក្នុងការផលិតស្មាតហ្វូនត្រូវបានបាត់បង់ចេញពីវដ្តនៃសេដ្ឋកិច្ច និងវដ្តនៃសង្វាក់ផលិតកម្មដែលក្នុងនោះមានដូចជាសារធាតុ copper (ទង់ដែង) Lithium (លីចូម)
Cobalt (កូបល) និងPalladium (ប៉ាឡាដ្យូម)។
ទោះបីជាយ៉ាងណាក្តី កាកសំណល់អេឡិចត្រូនិករូមបញ្ចូលទាំងទូរស័ព្ទស្មាតហ្វូនគ្រប់ប្រភេទត្រឹមតែ ១ ភាគ ៥ ប៉ុណ្ណោះ ដែលត្រូវបានពិភពលោកយកមកធ្វើការកែច្នៃឡើងវិញ៕
Account
Security
Favourite Content