សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពពី Weforum បានលើកឡើងថា Generative AI កំពុងផ្លាស់ប្តូរការងាររបស់មនុស្សនាពេលអនាគតតាមរយៈវិធី ៣ យ៉ាង។
ចំណុចទឺមួយ គឺ AI នឹងជំរុញការបង្កើតការងារដោយក្រុមហ៊ុនជាច្រើនរំពឹងថា បញ្ញាសិប្បនិម្មិតនឹងក្លាយជាអ្នកបង្កើតការងារក្នុងរយៈពេល ៥ ឆ្នាំខាងមុខ។ តាមរយៈការស្ទង់មតិបានរកឃើញថា ប្រមាណ ៥០ ភាគរយនៃក្រុមហ៊ុនទាំងនោះរំពឹងថា ពួកគេនឹងទទួលយក AI ដើម្បីបង្កើតការងារ ខណៈដែល ២៣ ភាគរយទៀតរំពឹងថា AI នឹងជំនួសការងារមនុស្ស។ លើសពីនេះ ចំណាត់ថ្នាក់នៃការងារដែលផ្សារភ្ជាប់ជាមួយនឹង AI ដូចជា អ្នកវិទ្យាសាស្ត្រទិន្នន័យ អ្នកឯកទេសទិន្នន័យធំ និងអ្នកវិភាគពាណិជ្ជកម្មត្រូវបានគេរំពឹងថា ការងារទាំងនេះនឹងកើនឡើងពី ៣០ ទៅ ៣៥ ភាគរយ។ មិនត្រឹមតែប៉ុណ្ណោះ កំណើនការងារនឹងកើនឡើងយ៉ាងរឹងមាំបំផុតនៅក្នុងឧស្សាហកម្មរថយន្ត និងអវកាស ដែលអាចកើនឡើងដល់ ៧៣ ភាគរយ។ ទន្ទឹមនឹងនោះ ខាងផ្នែកស្រាវជ្រាវ ការរចនា សេវាកម្មគ្រប់គ្រងអាជីវកម្ម វិស័យអេឡិចត្រូនិក សេវាកម្មខាងព័ត៌មាន និងបច្ចេកវិទ្យានឹងដើរតាមក្រោយបន្តបន្តាប់យ៉ាងជិតស្និទ្ធ។
ទោះជាយ៉ាងណាក្តី គេសិក្សាឃើញថា ឧស្សាហកម្មចំនួន ៤ ក្នុងចំណោម ២៧ អាចនឹងបាត់បង់ការងារសុទ្ធ ជាពិសេសឧស្សាហកម្មប្រេង និងហ្គាស។ វិស័យអចលនទ្រព្យ ប្រព័ន្ធផ្សព្វផ្សាយការកម្សាន្ត កីឡា និង ការផលិតទំនិញប្រើប្រាស់ក៏ទទួលរងផលប៉ះពាល់ពី AI ផងដែរ។ យ៉ាងណាមិញ AI អាចនឹងកាត់បន្ថយតម្រូវការសម្រាប់កម្លាំងពលកម្មជំនាញទាប ប៉ុន្តែនឹងបង្កើនតម្រូវការសម្រាប់កម្លាំងពលកម្មជំនាញខ្ពស់។
ចំណុចទីពីរគឺ អាជីវកម្ម ឬ ជំនួញនឹងផ្តល់អាទិភាពដល់ជំនាញ AI ដោយសារ AI និងទិន្នន័យធំ (Big Data) មានអាទិភាពជាជំនាញលេខមួយសម្រាប់ក្រុមហ៊ុនដែលមានបុគ្គលិកច្រើន។ ក្នុងការជំរុញដំណើរការអាជីវកម្ម ក្រុមហ៊ុនទាំងនោះចាំបាច់ត្រូវការបញ្ញាសិប្បនិម្មិតសម្រាប់ការវិនិយោគ និងការបណ្តុះបណ្តាលជំនាញ។ AI និង Big Data ស្ថិតក្នុងលំដាប់បន្ទាប់ការគិតបែបវិភាគ និងច្នៃប្រឌិត ដែលធ្វើឲ្យការប្រើប្រាស់បញ្ញាសិប្បនិម្មិតក្លាយជាជំនាញនៅពេលអនាគត។
ដូច្នោះហើយ កិច្ចសហប្រតិបត្តិការទាំងសាធារណៈ និងឯកជនលើការបណ្ដុះបណ្ដាលជំនាញ គឺជាគន្លឺះសំខាន់ក្នុងការបង្កើនផលិតភាព។ ជាឧទាហរណ៍ TeachAI គឺជាកិច្ចសហការរវាង Weforum Code.org មេដឹកនាំកំពូលៗ និងអ្នកជំនាញខាងបញ្ញាសិប្បនិម្មិត ដែលមានគោលបំណងរួមបញ្ចូល AI និងជំនាញវិទ្យាសាស្ត្រកុំព្យូទ័រក្នុងការអប់រំ ដើម្បីធានាថាមនុស្សជំនាន់ក្រោយមានសមត្ថភាពគ្រប់គ្រាន់សម្រាប់ការងារនាពេលអនាគត។ ស្របពេលនេះដែរ UNESCO កំពុងផ្តល់នូវភាពជាអ្នកដឹកនាំលើតម្រូវការសម្រាប់ជំនាញ AI ក្នុងការអប់រំ ការបណ្តុះបណ្តាលបច្ចេកទេស និងវិជ្ជាជីវៈ ដើម្បីឱ្យគ្រប់វិស័យនៃទីផ្សារការងារពិភពលោកទទួលបានអត្ថប្រយោជន៍ពី AI ។
ចំណុចទីបីគឺ កិច្ចការនៅក្នុងតំណែងការងារនឹងត្រូវបានបន្ថែម មិនមែនស្វ័យប្រវត្តិដោយ AI ទាំងស្រុងនោះទេ បើទោះបីជាមានការរីកចម្រើនផ្នែកបច្ចេកវិទ្យាក៏ដោយ។ Weforum លើកឡើងថា ៣៤ ភាគរយនៃកិច្ចការទាំងនោះនឹងត្រូវបានដំណើរការដោយស្វ័យប្រវត្តិ ហើយដំណើរការស្វ័យប្រវត្តិកម្មនឹងកើនឡើង ៩ ភាគរយនៅក្នុងប្រតិបត្តិការក្នុងរយៈពេល ៥ ឆ្នាំខាងមុខ។ លើសពីនេះ អ្នកជំនាញខាង AI បានបង្ហាញថា ជំនាញគ្រប់គ្រង ឬ ភាពជាអ្នកដឹកនាំទំនងជាមានតម្រូវការច្រើនជាងការងារស្វ័យប្រវត្តិដោយ AI នៅពេលអនាគត ដោយសារជំនាញភាពជាអ្នកដឹកនាំ និង ការគិតបែបស៊ីជម្រៅមិនរងផលប៉ះពាល់ពី AI នោះទេ៕
Account
Security
Favourite Content