សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ការបំពេញបេសកកម្មនៅលើទីអវកាសដោយក្រុមអវកាសយានិកដែលពេលខ្លះធ្វើឡើងយូរថ្ងៃច្រើនជាងកាលកំណត់គឺមិនមែនជារឿងចម្លែកនោះទេ ប៉ុន្តែនៅពេលចុងក្រោយនេះ អវកាសយានិកចំនួន ២នាក់ របស់អង្គការណាសា (NASA) ដែលបានធ្វើដំណើរទៅកាន់ស្ថានីយអវកាសអន្តរជាតិ ISS សម្រាប់រយៈពេល៨ថ្ងៃប៉ុណ្ណោះ បែរជាបានជួបនូវហេតុការណ៍ជាប់គាំងនៅលើទីអវកាសរយៈពេលយូរមិនធ្លាប់ជួបប្រទះនោះឡើយ ដែលគិតមកទល់ពេលនេះគឺមានរយៈពេលជាង២ខែមកហើយ។
អវកាសយានិកដែលកំពុងជាប់នៅលើទីអវកាសទាំង ២នាក់ ត្រូវបានគេស្គាល់ឈ្មោះថា Sunita Williams ភេទស្រី និងម្នាក់ទៀត គឺលោក Butch Wilmore ។ ពួកគេមិនទាន់អាចវិលត្រឡប់មកផែនដីវិញតាមផែនការនៅឡើយទេ ខណៈក្រុមការងារបច្ចេកទេសព្រួយបារម្ភថា បញ្ហារបស់យានអវកាស Starliner ម៉ូដេលថ្មី ដែលផលិតដោយក្រុមហ៊ុន Boeing គឺមិនអាចមានលទ្ធភាពក្នុងការធ្វើដំណើរដោយសុវត្ថិភាពត្រឡប់មកផែនដីវិញឡើយ។
នៅក្នុងសន្និសីទសារព័ត៌មានមួយដែលត្រូវបានធ្វើឡើងដោយក្រុមការងាររបស់អង្គការណាសាកាលពីសប្ដាហ៍កន្លងទៅនេះបានរៀបរាប់អំពីបញ្ហាមួយចំនួន ជាមួយនឹងសមាសធាតុដែលស្ថិតនៅក្នុងឧបករណ៍បញ្ចេះរបស់ Starliner ។ ក្នុងន័យនេះ គេសង្ស័យថា មានចំណុចលេចធ្លាយនៅតាមម៉ាស៊ីនបញ្ឆេះ និងបណ្តាលឲ្យផ្នែកមួយចំនួននៃម៉ាស៊ីនមិនអាចដំណើរការបាន។
ទោះបីជាយ៉ាងណាក្តី មកដល់ពេលនេះ អវកាសយានិកដែលកំពុងជាប់គាំងទាំង ២នាក់ នៅមិនទាន់អាចពន្យល់ពីមូលហេតុពិតប្រាកដចំពោះករណីនេះនៅឡើយ ពីព្រោះពួកគេបានសាកល្បងបញ្ឆេះម៉ាស៊ីន និងជំរុញឱ្យដំណើរការជាច្រើនលើករួចមកហើយនៅក្នុងទីអវកាស ប៉ុន្តែជាលទ្ធផលនៅតែមិនអាចទទួលបានភាពវិជ្ជមាននៅឡើយ ហើយ Starliner នៅតែបន្តមានបញ្ហា នោះពួកគេទាំង២នាក់ អាចនៅជាប់គាំងលើទីអវកាសបន្តទៀត។
យ៉ាងណាក្ដី រហូតមកដល់ពេលនេះគេនៅមិនទាន់ដឹងថា អវកាសយានិកទាំង២នាក់គិតយ៉ាងណានោះទេ ប៉ុន្តែ ណាសា ចាំបាច់ត្រូវតែបញ្ជូនយានអវកាស Starliner ឱ្យត្រឡប់មកផែនដីវិញ ហើយអវកាសយានិកទាំង២នាក់នឹងត្រូវរង់ដោយមានវត្តមានអវកាសយានិកចំនួន ២នាក់ផ្សេងទៀតទៅជាមួយ។ គួរបញ្ជាក់ថា អវកាសយានិក អ្នកស្រី Williams និងលោក Wilmore ចាំបាច់ត្រូវតែបន្តរស់នៅលើស្ថានីយទីអវកាសអន្តរជាតិ ISS រហូតទៅដល់ខែកុម្ភៈ ឆ្នាំ២០២៥ ទើបអាចមានឱកាសវិលត្រឡប់មកភពផែនដីវិញជាមួយនឹង Dragon របស់ SpaceX ៕
Account
Security
Favourite Content