សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ នៅក្នុងសប្ដាហ៍នេះ ទស្សនាវដ្តី Forbes បានចេញផ្សាយថា បុរសជនជាតិអាម៉េរិកដែលជាម្ចាស់ក្រុមហ៊ុន Tesla និង SpaceX គឺលោក Elon Musk បានក្លាយជាបុគ្គលដំបូងគេក្នុងប្រវត្តិសាស្ត្រដែលមានទ្រព្យសម្បត្តិទៅដល់៥០០ពាន់លានដុល្លារ និងក្លាយជាកំពូលមហាសេដ្ឋីលំដាប់ទី១លើពិភពលោក ខណៈដែលភាគហ៊ុនរបស់ក្រុមហ៊ុន Tresla បានកើនឡើងក្នុងអត្រាប្រមាណ ៤ភាគរយ។
គិតត្រឹមថ្ងៃពុធសប្តាហ៍កន្លងទៅនេះ ភាគហ៊ុនរបស់ Tesla បានកើនឡើងប្រមាណជា៤ភាគរយ ឬមានន័យថា ប្រាក់ប្រមាណជា ៩,៣ពាន់លានដុល្លារទៀតដែលលោក Musk អាចទទួលបាន និងចាត់បញ្ចូលទៅក្នុងទំហំទ្រព្យសម្បត្តិរបស់ខ្លួន ចំណែកភាគហ៊ុនរបស់លោក Musk ដែលបច្ចុប្បន្នជាប្រធានប្រតិបត្តិរបស់ក្រុមហ៊ុន Tesla មានប្រមាណជា១២ភាគរយ ដែលមានតម្លៃទីផ្សារទៅដល់១៩១ពាន់លានដុល្លារ។
ការហក់ឡើងនៃតម្លៃហ៊ុនរបស់ Tesla តាំងតែពីខែមេសាកន្លងទៅនេះបានបង្កើនឲ្យទ្រព្យសម្បត្តិសរុបរបស់លោក Musk កើនឡើងទៅដល់ប្រមាណជាង ៥០០,១ពាន់លានដុល្លារ ដែលក្លាយជាបុរសតែម្នាក់គត់នៅលើពិភពលោកដែលមានលុយច្រើនជាងគេ។
ក្រៅតែពី Tesla ដែលកំពុងមានតម្លៃទីផ្សារខ្ពស់ លោក Musk នៅមាន SpaceX មួយទៀតដែលកំពុងកើនឡើងតម្លៃខ្ពស់ដូចគ្នា ពោលគឺប្រមាណជាង៤០០ពាន់លានដុល្លារ ជាមួយនឹងសិទ្ធិកាន់កាប់ភាគហ៊ុនដល់ទៅ ៤២ភាគរយ ឬទំហំទឹកប្រាក់ប្រមាណជា ១៦៨ពាន់លានដុល្លារ។ បន្ថែមពីនេះ លោក Musk ក៏ជាម្ចាស់ក្រុមហ៊ុនបច្ចេកវិទ្យា AI ដែលមានឈ្មោះថា xAI Holdings ជាក្រុមហ៊ុនរួមបញ្ចូលគ្នាជាមួយនឹងក្រុមហ៊ុន X ដែលលោកបានបង្កើតឡើង ហើយបច្ចុប្បន្ន xAI មានទំហំទីផ្សារប្រមាណជា ១១៣ពាន់លានដុល្លារ ហើយអាចនឹងបន្តកើនឡើងទៅដល់ ២០០ពាន់លានដុល្លារក្នុងពេលឆាប់ៗនេះ៕
Account
Security
Favourite Content