អាជ្ញាធរអះអាងថា ការត្រួតពិនិត្យគយ ១០០ភាគរយត្រូវបានអនុវត្តនៅច្រកទ្វារព្រំដែនអន្តរជាតិជ្រៃធំ-ខាញ់ប៊ិញ

កណ្តាល​ ៖ បើទោះបីជាការបើកច្រកទ្វារព្រំដែនអន្តរជាតិជ្រៃធំ អាចជួយសម្រួលដល់ទេសចរ និងពាណិជ្ជកម្មក៏ដោយ ប៉ុន្តែអាជ្ញាធរបានអះអាងថា រាល់ទំនិញវៀតណាមទាំងអស់នឹងត្រូវត្រួតពិនិត្យគយ១០០ភាគរយ និងយ៉ាងម៉ត់ចត់ ដើម្បីប្រាកដមិនមានការនាំចូលកម្ពុជាដោយគេចពន្ធ និងអាចរក្សាបានភាពប្រកួតប្រជែង។

នៅព្រឹកថ្ងៃទី០៣ ខែតុលា ឆ្នាំ២០២៦ កម្ពុជា និងវៀតណាម បានបើកច្រកទ្វារព្រំដែនអន្តរជាតិផ្លូវគោក ខាញ់ប៊ិញ (ប្រទេសវៀតណាម) ទល់មុខនឹងច្រកទ្វារព្រំដែនអន្តរជាតិជ្រៃធំ (ប្រទេសកម្ពុជា)​ ដើម្បីបង្កើនភាពងាយស្រួលដល់ការធ្វើដំណើរកម្សាន្ត ការផ្លាស់ប្តូរពាណិជ្ជកម្ម និងកិច្ចសហប្រតិបត្តិការរវាងប្រទេសទាំងពីរ។

យោងតាមសេចក្ដីប្រកាសរបស់រដ្ឋបាលខេត្តកណ្ដាល ច្រកទ្វារនេះនឹងបង្កើនទំហំនាំចេញ-នាំចូលទំនិញរវាងខេត្តកណ្តាល និងខេត្តអានយ៉ាង ក៏ដូចជារវាងប្រទេសទាំងពីរឱ្យកាន់តែមានភាពរហ័សទាន់ចិត្ត ព្រមទាំងលើកកម្ពស់កិច្ចសហប្រតិបត្តិការរក្សាសន្តិសុខ សណ្តាប់ធ្នាប់ និងការអភិវឌ្ឍតំបន់ព្រំដែនប្រកបដោយសន្តិភាព និងសេដ្ឋកិច្ចរីកចម្រើន។

ថ្លែងប្រាប់ AMS កាលពីព្រឹកថ្ងៃទី៩ ខែតុលា ឆ្នាំ២០២៦ លោក ជី ស៊ីវត្ថា នាយករដ្ឋបាលសាលាខេត្តកណ្តាលបានមានប្រសាសន៍ថា បើនិយាយដល់ច្រកថ្មីនេះ សំដៅដល់ការបើកឲ្យភ្ញៀវអន្តរជាតិ អាចឆ្លងកាត់បានទៅវិញទៅមក ដែលជំរុញដល់ទេសចរអន្តរជាតិ។ តែសម្រាប់ទំនិញ កន្លងមក នៅពេលប្រទេសវៀតណាម មិនទាន់ដំឡើងច្រកទៅជាច្រកអន្តរជាតិ ប្រទេសទាំងពីរបានផ្លាស់ប្តូរពាណិជ្ជកម្មគ្នាទៅវិញទៅមករួចមកហើយ។ ម្យ៉ាងទៀត ក៏ជួយសម្រួលដល់ការជំរុញ និងបង្កើនទំហំកសិផលរបស់ប្រជាពលរដ្ឋទាំងពីរប្រទេសបន្ថែមទៀត។

ចំពោះសំណួរសួរថា តើការបើកច្រកនេះអាចនឹងបង្កើតភាពប្រកួតប្រជែងសម្រាប់អ្នកផ្គត់ផ្គង់នៅក្នុងខេត្តកណ្ដាលដែរ ឬទេ ព្រោះទំនិញវៀតណាមអាចនឹងហូរចូលមកងាយស្រួល ?

លោក ជី ស៊ីវត្ថា​ បានបញ្ជាក់ថា ៖«ខ្ញុំគិតថា និយាយដល់ការធ្វើពាណិជ្ជកម្ម គឺត្រូវតែមានការប្រកួតប្រជែង។ ការហូរចូលទំនិញពីប្រទេសវៀតណាម មកងាយស្រួល អាស្រ័យទៅលើតម្រូវការ គុណភាព និងបង់ពន្ធត្រឹមត្រូវ។ ណាមួយ ប្រទេសកម្ពុជា ក៏ជាសមាជិករបស់ WTO ផងដែរ»។

លោកមិនបានបញ្ជាក់ប្រាប់ទេថា តើរដ្ឋបាលខេត្តមានគោលនយោបាយបែបណា ដើម្បីធានានូវផលប្រយោជន៍របស់ប្រជាជន ជៀសវាងកុំនាំទំនិញពីវៀតណាមច្រើនពេក ពីព្រោះអាចធ្វើអោយអ្នកផ្គត់ផ្គង់ដែលជាខ្មែរត្រូវប៉ះពាល់។ ក៏ប៉ុន្តែលោកបានគូសបញ្ជាក់ថា ដោយសារកម្ពុជា ប្រកាន់នូវសេដ្ឋកិច្ចទីផ្សារសេរី ដូចនេះ ការនាំចេញ-នាំចូលនេះ នៅច្រកទ្វារព្រំដែន គឺមានទាំងការនាំចេញ និងនាំចូល ពីកម្ពុជាទៅវៀតណាម និងពីវៀតណាមកកម្ពុជាវិញ។​ 

ជាមួយគ្នានេះដែរ ដើម្បីធានាបានថា រាល់ការនាំចូលទំនិញនៅច្រកនោះគឺស្របច្បាប់១០០ភាគរយ រដ្ឋបាលខេត្តកណ្ដាលដែលមានសាខាគយ និងរដ្ឋាករ ជាសេនាធិការ គឺរាល់ទំនិញនាំចូល ត្រូវត្រួតពិនិត្យស្របច្បាប់ ១០០ភាគរយ តាមយន្តការគយ។ គួរបញ្ជាក់ផងដែរថា ទំហំសេដ្ឋកិច្ចធំរបស់រដ្ឋបាលខេត្ត គឺលើវិស័យកសិកម្ម។ នេះបើយោងតាមការលើកឡើងរបស់លោក ជី ស៊ីវត្ថា។

បើយោងតាមអគ្គនាយកដ្ឋានគយ និងរដ្ឋាករកម្ពុជា​ គិតត្រឹម៩ខែដំបូងនៃឆ្នាំ២០២៦នេះ ជញ្ជីងពាណិជ្ជកម្មរវាងកម្ពុជា និងវៀតណាមបានឈានដល់ ៦.៥ពាន់លានដុល្លារ ដែលមានការកើនឡើង ៨.៧ភាគរយ បើធៀបទៅនឹងរយៈពេលដូចគ្នានៅក្នុងឆ្នាំ២០២៥។

ជាមួយនឹងការបញ្ជាក់នេះ លោកបណ្ឌិត ហុង វណ្ណៈ អ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជា បានគាំទ្រចំពោះការលើកឡើងរបស់រដ្ឋបាលខេត្ត ពីព្រោះ​ ជាទូទៅការបើកដំណើរការនៃច្រកអន្តរជាតិនេះ នឹងជំរុញការផ្លាស់ប្តូរពាណិជ្ជកម្ម ជាពិសេស រវាងប្រជាជនដែលរស់នៅតាមតំបន់ច្រកទាំងពីរ។ 

តាមការសង្កេតរបស់លោកបណ្ឌិត ហុង វណ្ណៈ កន្លងមកប្រជាជននៃប្រទេសទាំងពីរ គឺមានការផ្លាស់ប្តូរ ដែលគេហៅថា អាជីវកម្ម ហើយការផ្លាស់ប្តូរក្នុងរូបភាពកម្លាំងពលកម្ម ក៏មានច្រើនផងដែរ។ មានន័យថា ប្រជាជន ឬក៏យុវជនវៀតណាម បានឆ្លងមកធ្វើការនៅប្រទេសកម្ពុជា ជាពិសេសនៅកន្លែងកាស៊ីណូ និងកន្លែងកម្សាន្តផ្សេងទៀត ដែលចម្រើនដល់វិស័យទេសចរណ៍។ រីឯកម្លាំងពលកម្មកម្ពុជាមិនសូវហូរចេញទៅធ្វើការនៅខាងប្រទេសវៀតណាមនោះទេ។

ការធ្វើពាណិជ្ជកម្មរវាងប្រទេសទាំងពីរ គឺមានលំហូរចូលនូវប្រភេទបន្លែ ផ្លែឈើ ជាពិសេស ការនាំចូលច្រើនពីខាងវៀតណាម។ ចំណែកឯពីខាងកម្ពុជា គឺមានការនាំចេញនូវកសិផល ដូចជា ស្រូវ ត្រី សាច់ ក្នុងបរិមាណតិចជាងការនាំចូលរបស់ប្រទេសវៀតណាម។

អ្នកជំនាញរូបនេះបញ្ជាក់ដូច្នេះថា ៖ «អញ្ចឹងកន្លែងនេះ ខ្ញុំគិតថា កម្ពុជាយើងគួរតែសិក្សារថា តើទំនិញយុទ្ធសាស្ត្រអ្វីខ្លះដែលយើងអាចនាំចេញទៅលក់នៅតាមច្រកនេះបាន។ ចំណុចទីពីរ ចម្ងាយផ្លូវក៏មិនឆ្ងាយដែរ ជាង ៦០ គីឡូ គឺដល់ប្រទេសវៀតណាមហើយ។ បើយើងនិយាយអំពីថ្លៃដឹកជញ្ជូន ឬក៏កម្រៃនៃការដឹកជញ្ជូនហ្នឹងក៏ជិតដែរ ដែលអាចជួយដល់ការដឹកជញ្ជូនចេញនូវទំនិញដែលទៅលក់នៅប្រទេសវៀតណាម ដែលនាំយកប្រយោជន៍សេដ្ឋកិច្ចច្រើនដែរ​»។

លោកក៏បានគូសបញ្ជាក់ដែរថា ការតភ្ជាប់នេះមិនត្រឹមតែជួយសេដ្ឋកិច្ចក្នុងខេត្តកណ្ដាលប៉ុណ្ណោះទេ ក៏ប៉ុន្តែវាអាចជួយ ឬក៏ពិនិត្យលទ្ធភាពទីផ្សារទំនិញប៉ែកខាងខេត្តតាកែវ កំពង់ស្ពឺ ឬក៏ទំនិញពីខេត្តកំពង់ឆ្នាំងផងដែរ។ ដូចនេះហើយលោកក៏បានអំពាវនាវឱ្យមានគោលនយោបាយលើកទឹកចិត្ត ដើម្បីជំរុញឱ្យមានកិច្ចសហប្រតិបត្តិការកាន់តែខ្ពស់មួយកម្រិតថែមទៀត ដើម្បីបង្កើនផលិតផលក្នុងស្រុកហើយនាំចេញទៅវៀតណាម៕




របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អូស៊ីអាយស៊ី រៀបចំកិច្ចពិភាក្សាតុមូលជាមួយក្រុមប្រឹក្សាធុរកិច្ចកាណាដា-អាស៊ាន ដោយនាំយកថ្នាក់ដឹកនាំធុរកិច្ចមកពីប្រទេសកាណាដា និងតំបន់មេគង្គមកជួបជុំគ្នានៅអគារ Connexion កោះពេជ្រ

ព្រឹត្តិការណ៍, អត្ថបទពាណិជ្ជកម្ម

• 17/11/2026

ភ្នំពេញ ៖ ក្រុមហ៊ុន អូស៊ីអាយស៊ី (OCIC) បានរៀបចំកម្មវិធីពិភាក្សាតុមូលផ្នែកពាណិជ្ជកម្មរវាងកាណាដា និងតំបន់មេគង្គ នៅថ្ងៃទី ១៤ ខែវិច្ឆិកា ឆ្នាំ ២០២៦ នៅ Innovation Lab ក្នុងអគារ Connexion កោះពេជ្រ។ កម្មវិធីនេះត្រូវបានរៀបចំឡើងដោយក្រុមប្រឹក្សាពាណិជ្ជកម្មកាណាដា-អាស៊ាន (CABC)

កម្ពុជា​រំពឹង​សម្រេច​កំណើន​សេដ្ឋកិច្ច​ ៤​%​ ​នៅ​ឆ្នាំ​ ២០២៦ ​និង​កើន​ដល់​ ៤​,​៨​%​​ នៅ​ឆ្នាំ ​២០២៧

ព្រឹត្តិការណ៍, សេដ្ឋកិច្ច

• 17/11/2026

សេដ្ឋកិច្ច​កម្ពុជា​ត្រូវ​បាន​ព្យាករ​ថា​នឹង​សម្រេច​កំណើន​ក្នុង​រង្វង់​ ៤​%​ ​នៅ​ឆ្នាំ ​២០២៦ ​និង​បន្ត​កើន​ដល់​ ៤​,​៨​%​ ​នៅ​ឆ្នាំ​២០២៧ ​ដោយ​រាជ​រដ្ឋាភិបាល​គ្រោង​ប្រមូល​ចំណូល​ថវិកា​រដ្ឋ​ប្រមាណ​ ​១៥​,​២៤​%​ ​នៃ​ផលិតផល​ក្នុង​ស្រុក​សរុប​ ​(​ផ.ស.ស.​) ​និង​កំណត់​ចំណាយ​សរុប​ថ្នាក់​ជាតិ​ក្នុង​ទំហំ​ ១៥​,​៨៩​%​ ​នៃ​ ​ផ.​ស.ស. ​ដើម្បី​រក្សា​លំនឹង​សង្គម​-​សេដ្ឋកិច្ច​ ​និង​គាំទ្រ​កំណើន​ក្នុង​បរិការណ៍​នៃ​ភាព​មិន​ប្រាកដប្រជា

ណា​តូ ​លុប​ចោល​កិច្ច​ប្រជុំ​កំពូល​ឆ្នាំ ​២០២៧ ​ចំពេល​ភាព​តានតឹង​អាម៉េរិក​-​អឺរ៉ុប​កើនឡើង​

ព្រឹត្តិការណ៍, អាជីវកម្មថ្មី និងនវានុវត្ត

• 17/11/2026

អង្គការ​សន្ធិសញ្ញា​អាត្លង់ទិក​ខាង​ជើង​ ​(​NATO​) ​បាន​សម្រេច​មិន​រៀបចំ​កិច្ច​ប្រជុំ​កំពូល​ថ្នាក់ដឹកនាំ​នៅ​ឆ្នាំ ​២០២៧ ​តាម​ផែនការ​ដើមឡើយ​ ​ដោយសារ​ការ​ខ្វែងគំនិត​គ្នា​កាន់តែ​ខ្លាំង​ឡើង​ក្នុង​ចំណោម​សម្ព័ន្ធមិត្ត​ ​ជាពិសេស​រវាង​សហរដ្ឋ​អាម៉េរិក​ ​និង​ប្រទេស​ជា​សមាជិក​អឺរ៉ុប

កម្មវិធីសហគ្រិនចុងភៅ ឆ្នាំ២០២៦ ! អបអរសាទរទេពកោសល្យចុងភៅជំនាន់ថ្មី និងសហគ្រិនភាពក្នុងវិស័យម្ហូបអាហារ ចាប់ផ្តើមពីគំនិតច្នៃប្រឌិតម្ហូបអាហារ ឆ្ពោះទៅកាន់ឱកាសក្លាយជាសហគ្រិន

ព្រឹត្តិការណ៍, អត្ថបទពាណិជ្ជកម្ម

• 17/11/2026

ភ្នំពេញ ៖ សហគ្រិនខ្មែរបានបញ្ចប់កម្មវិធី «សហគ្រិនចុងភៅ» (Chefpreneur) ឆ្នាំ២០២៦ តាមរយៈការប្រកួតចម្អិនអាហារវគ្គផ្តាច់ព្រ័ត្រ្រ ដោយមានការចូលរួម ពីយុវជនដែលមានទេពកោសល្យ គណៈកម្មការជំនាញ ដៃគូធុរកិច្ច និងអ្នកប្រឹក្សាជំនាញ ក្នុងវិស័យសេវាកម្ម។ កម្មវិធីនេះបានឆ្លុះបញ្ចាំងពីយុទ្ធសាស្ត្រអភិវឌ្ឍសហគ្រិនភាពក្នុងវិស័យម្ហូបអាហារ តាមរយៈការរួមបញ្ចូល ការបណ្តុះបណ្តាលអំពីគំនិតអាជីវកម្ម ការគ្រប់គ្រងថ្លៃដើម ការប្រើប្រាស់គ្រឿងទេសចម្រុះ និងការកសាង ម៉ាកយីហោ

វឌ្ឍនភាព ៖ គម្រោងសង់​ស្ពានឆ្លងទន្លេបាសាក់ (ចាក់អង្រែក្រោម-ព្រែកប្រា) កាន់តែជិតរួចរាល់ កាន់តែធ្វើឱ្យតំបន់ជុំវិញ​នោះ​មានសក្ដានុពលខ្ពស់

ព្រឹត្តិការណ៍, អចលនទ្រព្យ

• 17/11/2026

គម្រោង​សាងសង់ស្ពានឆ្លង​កាត់ទន្លេបាសាក់​ ចាក់អង្រែក្រោម-ព្រែក​ប្រា​ សម្រេច​បានលទ្ធផល​ជាង​៨៧ហើយ គិតត្រឹមខែវិច្ឆិកា ២០២៦​នេះ

កិច្ច​សហការ​បច្ចេកវិទ្យា​ថ្មី​​ ៣ ​ជំរុញ​សន្តិសុខ​សាយប័រ ​AI ​និង​បរិវត្ត​កម្ម​ឌីជីថល​នៅ​កម្ពុជា​

ព្រឹត្តិការណ៍, សេដ្ឋកិច្ច

• 17/11/2026

ក្រុមហ៊ុន​ ​មេគង្គណិត ​បាន​ចុះ​អនុស្សរណៈ​នៃ​ការ​យោគយល់​ចំនួន​ ៣ ​ជាមួយ​ក្រុមហ៊ុន​បច្ចេកវិទ្យា​អន្តរជាតិ​ ​និង​ដៃគូ​ក្នុង​ស្រុក ​ដើម្បី​ពង្រីក​សេវា​សន្តិសុខ​សាយប័រ ​ពង្រឹង​ការ​តភ្ជាប់​មជ្ឈមណ្ឌល​ទិន្នន័យ​ ​និង​ជំរុញ​ការ​ប្រើប្រាស់​បច្ចេកវិទ្យា​បញ្ញា​សិប្បនិម្មិត ​(​AI​)​ ​និង​ដំណោះស្រាយ​ឌីជីថល​នៅ​កម្ពុជា

លទ្ធផលសំខាន់ៗពីកិច្ចប្រជុំកំពូលចិន-អាស៊ាន លើកទី ២៩ ដែលប្រព្រឹត្តទៅនៅទីក្រុងម៉ានីល ប្រទេសហ្វីលីពីន

ព្រឹត្តិការណ៍, អាជីវកម្មថ្មី និងនវានុវត្ត

• 17/11/2026

នាយករដ្ឋមន្ត្រីចិន លោក Li Qiang ជំរុញឱ្យប្រទេសចិន និងអាស៊ានរួមគ្នាការពារ និងអភិវឌ្ឍសហគមន៍រួម ដើម្បីផ្តល់នូវស្ថិរភាព និងភាពប្រាកដប្រជាកាន់តែខ្លាំងដល់ការអភិវឌ្ឍ និងវិបុលភាពរបស់ពិភពលោក

សូហ្វី​ណា ​ហ្វាម​ ​បោះ​ទុន​ ​៦​,​៥​ ​លាន​ដុល្លារ​ ​បង្កើត​កសិដ្ឋាន​មាន់​ពង ​និង​កែច្នៃ​សាច់​ខ្នាត​ធំ​នៅ​ព្រៃ​វែង

ព្រឹត្តិការណ៍, សេដ្ឋកិច្ច

• 17/11/2026

​ក្រុមហ៊ុន​ សូហ្វី​ណា ​ហ្វាម ​ដែល​ជា​ក្រុមហ៊ុន​មាន​ម្ចាស់​ជា​ជនជាតិ​ខ្មែរ​ទាំងស្រុង​ ​បាន​វិនិយោគ​ទុន​ចំនួន​ ៦​,​៥ ​លាន​ដុល្លារ​អាម៉េរិក​ ​ដើម្បី​បង្កើត​កសិដ្ឋាន​ចិញ្ចឹម​មាន់​ពង ​និង​រោងចក្រ​កែច្នៃ​សាច់​មាន់​ខ្នាត​ធំ​ ​នៅ​ស្រុក​កញ្ចៀច ​ខេត្ត​ព្រៃវែង ​ដោយ​គ្រោង​ចាប់ផ្ដើម​ដំណើរការ​នៅ​ថ្ងៃ​ទី​៤​ ​ខែ​មេសា ​ឆ្នាំ​២០២៧

សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ អញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុនៅខេត្តសៀមរាប ចំនួន ១៧៥ ៣៦៤ បណ្ណ

Top News, ព្រឹត្តិការណ៍, អចលនទ្រព្យ

• 17/11/2026

សៀមរាប ៖ សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ ឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា និងជាតំណាងរាស្ត្រមណ្ឌលសៀមរាប នាថ្ងៃទី១៦ ខែវិច្ឆិកា ឆ្នាំ២០២៦ បានអញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុជានិមិត្តរូបជូនម្ចាស់កម្មសិទ្ធិករក្នុងខេត្តសៀមរាប សរុបចំនួន ១៧៥ ៣៦៤ បណ្ណ ស្មើនឹង ៨ស្រុកស្មើនឹង ២៣ឃុំ ដែលក្នុងនោះ៖

អាស៊ាន​ ចុះ MOU ស្តីពី បណ្តាញអគ្គិសនី និងសេដ្ឋកិច្ចឌីជីថល ខណៈប្រទេសចំនួន ៥ ចាប់អារម្មណ៍លើការស្តុកប្រេងក្នុងតំបន់

ព្រឹត្តិការណ៍, សេដ្ឋកិច្ច

• 17/11/2026

បរទេស ៖ រដ្ឋាភិបាលបណ្តាប្រទេសជាសមាជិកអាស៊ានបានចុះហត្ថលេខាលើអនុស្សរណៈនៃការយោគយល់គ្នា (MoU) ស្តីពីបណ្តាញអគ្គិសនីអាស៊ាន (ASEAN Power Grid) ខណៈដែលប្រទេសចំនួន ៥ បង្ហាញចំណាប់អារម្មណ៍លើការស្តុកប្រេងទុកក្នុងតំបន់។ នេះបើតាមការលើកឡើងរបស់រដ្ឋមន្ត្រីក្រសួងពាណិជ្ជកម្មហ្វីលីពីន លោកស្រី Cristina Roque កាលពីថ្ងៃចន្ទ សប្ដាហ៍នេះ បន្ទាប់ពីបញ្ចប់កិច្ចប្រជុំក្រុមប្រឹក្សាសហគមន៍សេដ្ឋកិច្ចអាស៊ានលើកទី ២៨។ លោកស្រី