សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ស្ថានភាពតានតឹងរវាងមហាអំណាចលោកខាងលិចព្រមទាំងអាមេរិកប្រឆាំងទៅនឹងប្រតិបត្តិការយោធារបស់រុស្ស៊ីនៅក្នុងប្រទេសអ៊ុយក្រែនបានកើនឡើងទៅដល់កម្រិតថ្មីមួយដែលអាចឲ្យពិភពលោកទាំងមូលកំពុងឈរនៅមាត់ជ្រោះដ៏គ្រោះថ្នាក់មួយ ហើយចុងក្រោយនេះរុស្ស៊ីបានប្រកាស និងបញ្ជូនក្បាលគ្រាប់នុយក្លេអ៊ែរប្រភេទតាក់តិកមួយចំនួនទៅដល់ប្រទេសបេឡារូសហើយ ខណៈដែលប៉ូឡូញកំពុងស្នើសុំអាមេរិកក្នុងការដាក់ពង្រាយអាវុធនុយក្លេអ៊ែរនេះដែរនៅក្នុងប្រទេសរបស់ខ្លួន។
ទោះបីជាមេដឹកនាំទាំងពីរបានបញ្ជាក់ហើយថានឹងមិនមានការប្រើប្រាស់អាវុធប្រល័យលោកនេះនាពេលខាងមុខក្ដី ប៉ុន្តែបើគេក្រឡេកទៅមើលរបាយការណ៍នៃការវិនិយោគ និងផលិតអាវុធនុយក្លេអ៊ែរថ្មីៗសម្រាប់ឆ្នាំ២០២៣នេះគេសង្កេតឃើញថា អាមេរិក និងរុស្ស៊ីនៅតែមានសកម្មភាពខ្លាំងក្លាជាងគេក្នុងចំណោមបណ្តាប្រទេសដែលមានអាវុធប្រល័យលោកទាំងអស់លើពិភពលោក។
របាយការណ៍អាវុធប្រល័យលោកសម្រាប់ឆ្នាំ២០២៣ គិតត្រឹមខែមករាកន្លងមកដោយ The SIPRI Yearbook 2023 បានធ្វើការបង្ហាញថាមហាអំណាចទាំង៩ដែលកំពុងមានស្តុកនុយក្លេអ៊ែរនៅក្នុងប្រទេសរបស់ពួកគេដោយក្នុងនោះមាន៤ប្រទេសដែលកំពុងបានដាក់ពង្រាយក្បាលគ្រាប់នុយក្លេអ៊ែររួចរាល់ និងអាចប្រើប្រាស់វាបានគ្រប់ពេលទាំងអស់មានដូចជាបារាំង, អង់គ្លេស, រុស្ស៊ី និងអាមេរិក។
ប្រទេសទាំង៩ដែលនឹងរៀបរាប់តាមលេខរៀងពីប្រទេសដែលមានចំនួននុយក្លេអ៊ែរតិចជាងគេទៅដល់ប្រទេសដែលមានចំនួនច្រើនជាងគេដែលមានដូចជាអ៊ីស្រាអ៊ែល, កូរ៉េខាងជើង, ប៉ាគីស្ថាន, ឥណ្ដា, ចិន, បារាំង, អង់គ្លេស, រុស្ស៊ី និងអាមេរិក។
ទោះបីជាយ៉ាងណាក្តី យោងតាមរបាយការណ៍ខាងលើអាចឱ្យគេមើលឃើញពី SPIRI នៃការសង្កេតគឺមានតែអាមេរិក និងរុស្ស៊ីប៉ុណ្ណោះដែលមានសកម្មភាពក្នុងការវិនិយោគ និងការផលិត ថែមទាំងការដាក់ពង្រាយត្រៀមប្រើប្រាស់មានចំនួនច្រើនជាងគេបំផុតធៀបរវាងឆ្នាំ២០២៣ និងឆ្នាំ២០២២។
ឆ្នាំ២០២៣ ប្រទេសរុស្ស៊ីបានបង្កើនចំនួនក្បាលគ្រាប់ដាក់ពង្រាយទៅដល់ ១ ៦៧៤គ្រាប់ ខណៈដែលអាមេរិកបានដាក់ពង្រាយសរុបខុសគ្នាតែ៤គ្រាប់ប៉ុណ្ណោះ ពោលគឺប្រមាណជា ១ ៧៧០គ្រាប់។ ដូច្នេះគិតត្រឹមខែមករា ឆ្នាំ២០២៣នេះ ចំនួនក្បាល់គ្រាប់នុយក្លេអ៊ែរសរុបក្នុងឃ្លាំងគឺមានរហូតទៅដល់ ១២ ៥១២គ្រាប់ ហើយគិតទាំងគ្រាប់ដែលបានដាក់ពង្រាយទាំងអស់ ៣ ៨៤៤គ្រាប់ និងគ្រាប់រក្សាទុក ដែលអាចប្រើប្រាស់មានចំនួន ៥ ៧៣២គ្រាប់ទៀត ធ្វើឲ្យចំនួននុយក្លេអ៊េរសរុបដែលអាចបំផ្ទុះគ្រប់ពេលមានទៅដល់ ៩ ៥៧៦គ្រាប់ ៕
Account
Security
Favourite Content