សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ YouTube ប្រកាសពីការអនុលោមតាមវិធានការរបស់ប្រទេសអូស្ត្រាលីពីហាមឃាត់អ្នកប្រើប្រាស់ដែលមានអាយុក្រោម ១៦ ឆ្នាំ ដោយគណនីរបស់ពួកគេនឹងត្រូវបនបិទក្នុងរយៈពេលប៉ុន្មានថ្ងៃខាងមុខ។ នេះបើយោងតាមការរាយការណ៍ពី CNA។
ការសម្រេចចិត្តកើតឡើងដើម្បីបញ្ចប់មន្ទិលរវាងក្រុមហ៊ុនអ៊ីនធឺណិតយក្ស Google និងរដ្ឋាភិបាលអូស្ត្រាលី ដែលដំបូងឡើយយល់ព្រមលើកលែង YouTube ពីការរឹតបន្តឹងអាយុអ្នកប្រើប្រាស់ សម្រាប់ឲ្យពួកគេប្រើប្រាស់ក្នុងគោលបំណងអប់រំ។ ឥឡូវនេះ អ្នកប្រើប្រាស់ត្រូវតែមានអាយុចាប់ពី ១៦ ឆ្នាំឡើងសម្រាប់ចូលប្រើប្រាស់ YouTube។ Google លើកឡើងថា វាគឺជាការអាប់ដេតដ៏ខកចិត្តមួយដោយសារច្បាប់មិនធានាក្នុងការធ្វើឱ្យកុមារមានសុវត្ថិភាពជាងមុននៅលើអ៊ីនធឺណិតទេ ប៉ុន្តែអាចនឹងធ្វើឱ្យកុមារអូស្ត្រាលីខ្វះសុវត្ថិភាពជាងមុននៅលើ YouTube។ បច្ចុប្បន្ននេះ គណនី Youtube ចំនួន ៣២៥ ០០០ ត្រូវបានកាន់កាប់ដោយជនជាតិអូស្ត្រាលីដែលមានអាយុពី ១៣ ទៅ ១៥ ឆ្នាំ។
YouTube បញ្ជាក់ថា គណនីរបស់អ្នកប្រើប្រាស់អាយុក្រោម ១៦ ឆ្នាំនឹងត្រូវបានចាកចេញ ឬ signed out ពីវេទិកាដោយស្វ័យប្រវត្តិចាប់ពីថ្ងៃទី ១០ ខែធ្នូ។ នេះមានន័យថា ពួកគេអាចនៅមើលវីដេអូមាតិកាផ្សេងៗបាន ប៉ុន្តែមិនអាចចុច subscribe, like វីដេអូ, បង្ហោះ និង បញេ្ចញមតិបាននោះទេ ដោយសារគណនីត្រូវបានបិទ។ Youtube ក៏បានបញ្ជាក់ជំហររបស់ខ្លួនឡើងវិញដែរថា ការហាមឃាត់នឹងមិនធ្វើឱ្យអ៊ីនធឺណិតមានសុវត្ថិភាពជាងមុននោះទេ ដោយសារពាក់ព័ន្ធនឹងអ៊ីមែលទៅកាន់អាណាព្យាបាលដើម្បីសុំការអនុញ្ញាត ដែលអាចធ្វើឲ្យពួកគេនៅមានលទ្ធភាពប្រើប្រាស់គណនីបាន។
ទន្ទឹមនឹងនេះការហាមឃាត់របស់អូស្ត្រាលីកំពុងត្រូវបានឃ្លាំមើលយ៉ាងដិតដល់ដោយយុត្តាធិការផ្សេងៗទៀតដោយពិចារណាលើវិធានការផ្អែកលើអាយុស្រដៀងៗនេះដើម្បីធ្វើឱ្យសុវត្ថិភាពកុមារជាមួយនឹងការចូលប្រើសេវាកម្មឌីជីថលមានតុល្យភាពស្មើគ្នា។ រដ្ឋាភិបាលអូស្ត្រាលី អះអាងថា វិធានការហាមឃាត់គឺឆ្លើយតបទៅនឹងការកើនឡើងនៃភស្តុតាងបង្ហាញថា វេទិកានានាមិនដំណើរការគ្រប់គ្រាន់ដើម្បីការពារនីតិជនពីខ្លឹមសារដែលបង្កគ្រោះថ្នាក់។ ច្បាប់ហាមឃាត់មិនអនុញ្ញាតឱ្យក្មេងអាយុក្រោម ១៦ ឆ្នាំមានគណនីគឺមានការផាកពិន័យរហូតដល់ ៤៩,៥ លានដុល្លារអូស្ត្រាលី (៣២,៥ លានដុល្លារអាមេរិក) សម្រាប់ប្រព័ន្ធផ្សព្វផ្សាយសង្គមដែលបំពាន។ ជាក់ស្តែង Meta ដែលមានប្រព័ន្ធផ្សព្វផ្សាយសង្គមដូចជា Facebook និង Instagram, TikTok និង Snapchat របស់ Snap បានយល់ព្រមអនុវត្តតាមច្បាប់នេះ៕
Account
Security
Favourite Content