បរទេស ៖ ខណៈដែលប្រទេសថៃកំពុងស្ថិតនៅក្នុងស្ថានភាពកាន់តែតានតឹងឡើងដោយសារបញ្ហានៃការរីករាលនៃវីរុសកូវីដ-១៩ ព្រមទាំងឧបសគ្គនៃការធ្វើដំណើរទាំងក្នុងស្រុក និងក្រៅស្រុកផងនោះ ប្រតិបត្តិការទិញលក់អចលនទ្រព្យនៅក្នុងប្រទេសកំពុងទទួលរងនូវផលប៉ះពាល់យ៉ាងដំណំ ជាមួយនឹងកំណើននៃតម្រូវការយឺតយ៉ាវខ្លាំងបំផុត។

នៅថ្ងៃសប្តាហ៍កន្លងទៅនេះ ក្រុមហ៊ុនអភិវឌ្ឍន៍អចលនទ្រព្យជាច្រើនបានបង្ហាញពីគោលជំហគាំទ្រទៅលើវិធីសាស្ត្រថ្មីមួយដែលអាចមានឥទ្ធិពល និងអនុញ្ញាតឲ្យមានការកើនឡើងនៃប្រតិបត្តិការទិញលក់អចលនទ្រព្យពីសំណាក់ប្រជាពលរដ្ឋក្នុងស្រុកទៅឲ្យជនបរទេសតាមរយៈការបូកបញ្ជូលគ្នានៃការងារបច្ចេកវិទ្យាគឺការទិញលក់ដោយប្រើប្រាស់រូបិយបណ្ណអេឡិចត្រូនិក ឬហៅថា Cryptocurrency។
ប្រធានប្រតិបត្តិនៃក្រុមហ៊ុន SET-listed developer AssetWise (ASW) លោក Kromchet Vipanpong បាននិយាយថា ក្រុមហ៊ុនរបស់លោកបានចូលរួមជាមួយនឹងក្រុមហ៊ុនរូបិយប័ណ្ណអេឡិចត្រូនិករបស់ថៃដែលមានឈ្មោះថា Bitkub Capital Group Holdings ជាផ្លូវការហើយកាលពីសប្តាហ៍កន្លងទៅដើម្បីដាក់ឲ្យដំណើរការនៃសេវាកម្មដោះដូររូបិយប័ណ្ណអេឡិចត្រូនិកមួយជាមួយនឹងការទិញអចលនទ្រព្យ ដែលផ្តោតសំខាន់ទៅលើទីផ្សារលំនៅឋាន។

«ពួកយើងចង់បានបន្ថែមនូវជម្រើសនៃការទូទាត់ប្រាក់ឲ្យកាន់តែច្រើនបន្ថែមពីលើការទូទាត់ជាសាច់ប្រាក់សុទ្ធ ការផ្ទេរប្រាក់តាមធនាគារ និងកាតធនាគារ credit cards ជាដើម។ អតិថិជនរបស់យើងនៅពេលនេះគឺអាចប្រើប្រាស់រូបិយបណ្ណអេឡិចត្រូនិកក្នុងការទូទាត់លុយទិញលក់អចលនទ្រព្យបាន ហើយចំណែកឯសេវាទូទាត់ក៏មានតម្លៃធូរថ្លៃជាងត្រឹមតែប្រមាណ 0.25 ភាគរយធៀបទៅនឹងតម្លៃសេវារបស់ credit cards ដែលមានទៅដល់ 2 ឬ 3 ភាគរយ»
លោក Kromchet Vipanpong បញ្ជាក់ថា ៖
ជាមួយគ្នានេះលោកក៏បានបញ្ជាក់ផងដែរថា នៅពេលដែលអតិថិជនបានទូទាត់ជាមួយនឹងរូបិយបណ្ណអេឡិចត្រូនិករួច ក្រុមហ៊ុនរបស់លោកនឹងធ្វើការដោះដូរគណនេយ្យទាំងនោះទៅជាលុយបាតវិញតាមរយៈធនាគារជាមួយនឹងក្រុមហ៊ុន Bitkub ដោយក្នុងសប្តាហ៍កន្លងទៅនេះក្រុមហ៊ុនរបស់លោកទទួលបានអតិថិជនទូទាត់លុយតាមវិធីនេះចំនួន 2លើករួចមកហើយ។
គួរបញ្ជាក់ផងដែរថា ផ្អែកតាមរយៈរបាយការណ៍ដែលចេញដោយក្រុមហ៊ុន SET-listed developer AssetWise (ASW) បានបង្ហាញថា តម្លៃសរុបរបស់លុយអេឡិចត្រូនិកបានកើនឡើងនៅក្នុងទីផ្សារសកលលោកដល់ទៅ ១,៦៤ ទ្រីលានដុល្លារ ឬស្មើនឹងប្រមាណជា ៥២ ទ្រីលានបាតលុយថៃ ខណៈដែលចំនួននៃលុយសរុបដែលកំពុងចរាចរក្នុងប្រទេសថៃមានទំហំដល់ទៅ ២១៣ ពាន់លានបាតកាលពីខែឧសភាកន្លងទៅមានកំណើនខ្ពស់ធៀបទៅនឹងខែមេសាដែលមានត្រឹមតែ ១៦៥ ពាន់លានបាតប៉ុណ្ណោះ៕

អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026

បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026

កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026

ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
បារាំង – កម្ពុជា ឯកភាពគ្នាពង្រឹង និងពង្រីកកិច្ចសហប្រតិបត្តិការឱ្យកាន់តែស៊ីជម្រៅ
Top News, ព្រឹត្តិការណ៍, សេដ្ឋកិច្ច
• 16/11/2026
ភ្នំពេញ ៖ នារសៀលថ្ងៃទី១៥ ខែវិច្ឆិកា ឆ្នាំ២០២៦ នៅវិមានសន្តិភាព សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បានជួបពិភាក្សាការងារទ្វេភាគីជាមួយ ឯកឧត្តម Emmanuel MACRON ប្រធានាធិបតីនៃសាធារណរដ្ឋបារាំង ក្នុងឱកាសដែលឯកឧត្តមប្រធានាធិបតី អញ្ជើញមកបំពេញទស្សនកិច្ចផ្លូវរដ្ឋ និងចូលរួមក្នុងកិច្ចប្រជុំកំពូលហ្វ្រង់កូហ្វូនីលើកទី២០ នៅព្រះរាជាណាចក្រកម្ពុជា ចាប់ពីថ្ងៃទី១៤





វិថីហិរញ្ញវត្ថុ



























































Account
Security
Favourite Content