សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បាងកក ៖ ស្ថានភាពវាយប្រហារដោយកូវីដនៅក្នុងប្រទេសថៃកាន់តែមានសភាពធ្ងន់ធ្ងរឡើងៗក្នុងពេលបច្ចុប្បន្ននេះ និងឈានទៅដល់ការបិទខ្ទប់ទីក្រុង និងខេត្តសំខាន់ៗចំនួន១០ ដែលស្ថិតនៅភាគខាងត្បូងនៃប្រទេសបូករួមជាមួយនឹងទីក្រុងបាងកកផងដែរ។
នៅថ្ងៃសប្តាហ៍នេះរដ្ឋាភិបាលនៃប្រទេសថៃក្រោមការអនុម័តដោយគណៈរដ្ឋមន្ត្រីថៃ បានប្រកាសទម្លាក់កញ្ចប់ថវិកាប្រមាណជា ១ ០០០ លានដុល្លារសម្រាប់យកទៅប្រើប្រាស់ក្នុងលក្ខខណ្ឌចាំបាច់នៅក្នុងតំបន់ដែលត្រូវបានរាំងខ្ទប់ទាំងនោះ ដើម្បីជួយទ្រទ្រង់សេដ្ឋកិច្ច ក៏ដូចជាជួយគាំទ្រដល់ជីវភាពប្រចាំថ្ងៃរបស់ពលរដ្ឋផងដែរ។
ក្រៅតែពីពលរដ្ឋដែលកំពុងរស់នៅក្នុងខេត្តក្រុងទាំង១០ដែលត្រូវបានបិទខ្ទប់នោះ កញ្ចប់ថវិកាជំនួយនេះក៏នឹងត្រូវយកទៅជួយដល់ប្រតិបត្តិការអាជីវកម្មនានាដែលស្ថិតនៅក្នុងវិស័យផ្សេងគ្នាកំពុងទទួលរងផលប៉ះពាល់ចំនួន៩ ផងដែរ ដោយក្នុងនោះរួមមានទាំងវិស័យសំណង់ សេវាកម្មស្នាក់នៅ ម្ហូបអាហារ សិល្បៈកំសាន្ត ព្រមទាំងសកម្មភាពអាជីវកម្មច្នៃប្រឌិតផ្សេងទៀត។ មានន័យថា បុគ្គលិកក្រុមហ៊ុនឯកជននឹងអាចទទួលបានប្រាក់សំណងស្មើនឹងពាក់កណ្តាលនៃប្រាក់ខែរបស់ពួកគេប្រមាណ ៧ ៥០០ បាត ហើយសម្រាប់ពលរដ្ឋសញ្ជាតិថៃនឹងទទួលបានឧបត្ថម្ភបន្ថែមម្នាក់ចំនួន ២ ៥០០ បាត។
ដោយឡែក ចំពោះបុគ្គលិកដែលជាអ្នកធ្វើការងារបែប Freelancer នឹងត្រូវទទួលបាន ៥ ០០០ បាត ហើយប្រសិនបើអ្នកដែលមិនទាន់បានចុះឈ្មោះនៅក្នុងរបបសន្តិសុខសង្គមទេនោះ រដ្ឋាភិបាលថៃនឹងទុកពេលឲ្យមួយខែទៀតដើម្បីដំណើរការចុះឈ្មោះពេញលេញ។ ជាមួយគ្នានេះ សម្រាប់ប្រតិបត្តិករទាំងឡាយណាដែលមានបុគ្គលិកមានឈ្មោះនៅក្នុងបញ្ជីរបបសន្តិសុខសង្គម នឹងទទួលបានប្រាក់សំណងប្រមាណ ៣ ០០០ បាតក្នុងបុគ្គលិកម្នាក់ ប៉ុន្តែក្នុងទំហំសរុបមិនឲ្យលើសពី ៦០០ ០០០ បាតនោះឡើយ។ គួរឲ្យដឹងដែរថា រហូតមកដល់ពេលនេះប្រទេសថៃកំពុងស្ថិតនៅក្នុងស្ថានភាពប្រឈមកាន់តែខ្លាំងដែលបណ្តាលមកពីការរាតត្បាតនៃជំងឺកូវីដ ប៉ះពាល់យ៉ាងខ្លាំងទៅលើសេវាកម្មសុខាភិបាលបន្ថែមពីលើវិស័យផ្សេងទៀត ដូចជាវិស័យទេសចរណ៍ជាដើម។ ក្នុងពេលដំណាលគ្នានេះ ថៃក៏កំពុងជួបបញ្ហានយោបាយផងដែរ ខណៈដែលមានពលរដ្ឋថៃកាន់តែច្រើនបាននាំគ្នាចូលរួមធ្វើការតវ៉ាប្រឆាំងដើម្បីទម្លាក់នាយករដ្ឋមន្ត្រីថៃបច្ចុប្បន្នផងដែរ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កំពង់ផែស្វយ័តក្រុងព្រះសីហនុ រកចំណូលបានជិត ៥០លានដុល្លារ នៅត្រីមាសទី៤ ឆ្នាំ២០២៥
Top News, ព្រឹត្តិការណ៍, សេដ្ឋកិច្ច
• 18/02/2026
កំពង់ផែស្វយ័តក្រុងព្រះសីហនុ ក្នុងត្រីមាសទី៤ ឆ្នាំ២០២៥ កំពង់ផែស្វយ័តក្រុងព្រះសីហនុរកចំណូលបានសរុបប្រហែល ៤៧,៤៧ លានដុល្លារ
រកឃើញហើយ ! ម្ចាស់រង្វាន់សាច់ប្រាក់ទាំង ៣ រូប ដំបូង ដែលឈ្នះពីការប្រើប្រាស់ LOLC Mobile!
ព្រឹត្តិការណ៍, អត្ថបទពាណិជ្ជកម្ម
• 18/02/2026
អតិថិជនប្រើប្រាស់ LOLC Mobile សម្រាប់ការចាយវាយប្រចាំថ្ងៃ មិនត្រឹមតែទទួលបានភាពងាយស្រួលក្នុងការទូទាត់នោះទេ អតិថិជនថែមទាំងទទួលបានអត្រាការប្រាក់ ៤% ក្នុងមួយឆ្នាំ
ឧបនាយករដ្ឋមន្ត្រីប្រចាំការ ៖ បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
ព្រឹត្តិការណ៍, អាជីវកម្មថ្មី និងនវានុវត្ត
• 18/02/2026
ឧបនាយករដ្ឋមន្ត្រីប្រចាំការ បានលើកឡើងថា បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content