សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពព័ត៌មានពី BBC បានរាយការណ៍ថា សហរដ្ឋអាម៉េរិក និងចិន កំពុងបន្តនីតិវិធី ដើម្បីឈានដល់កិច្ចចរចាពាណិជ្ជកម្មក្នុងពេលឆាប់ៗខាងមុខនេះ។
រដ្ឋមន្ត្រីក្រសួងរតនាគារសហរដ្ឋអាម៉េរិក លោក Scott Bessent បានលើកឡើងថា កិច្ចពិភាក្សានេះមានភាពរលូន ខណៈដែលឧបនាយករដ្ឋមន្ត្រីចិន លោក He Lifeng បាននិយាយថា កិច្ចពិភាក្សាមានភាពស៊ីជម្រៅ និងស្មោះត្រង់។ គួរបញ្ជាក់ដែរថា ភាគីទាំងពីរបានចូលរួមនៅក្នុងកិច្ចពិភាក្សាបិទទ្វារសម្ងាត់មួយនៅប្រទេសស្វីសកាលពីចុងសប្តាហ៍ ដែលជាជំនួបទល់មុខគ្នាជាលើកដំបូងចាប់តាំងពី Trump បានដាក់ពន្ធ ១៤៥ % លើការនាំចូលរបស់ចិន ខណៈដែលទីក្រុងប៉េកាំងវាយបកមកវិញជាមួយនឹងពន្ធ ១២៥%។ ការដំឡើងពន្ធគយដ៏ធំនេះបានបង្កឱ្យមានភាពចលាចលនៅក្នុងទីផ្សារហិរញ្ញវត្ថុ និងបង្កឱ្យមានការភ័យខ្លាចនៃការធ្លាក់ចុះសេដ្ឋកិច្ចពិភពលោក។
បន្ទាប់ពីបញ្ចប់កិច្ចចរចារយៈពេលពីរថ្ងៃនៅទីក្រុងហ្សឺណែវ ឯកអគ្គរដ្ឋទូតតំណាងពាណិជ្ជកម្មអាម៉េរិក លោក Jamieson Greer បានលើកឡើងថា កិច្ចព្រមព្រៀងដែលធ្វើជាមួយចិននឹងជួយកាត់បន្ថយឱនភាពពាណិជ្ជកម្មរបស់អាម៉េរិកចំនួន ១,២ ទ្រីលាន ខណៈដែលប្រព័ន្ធផ្សព្វផ្សាយរដ្ឋរបស់ចិន បានរាយការណ៍ថា ទីក្រុងប៉េកាំងសម្រេចចិត្តចូលរួមជាមួយសហរដ្ឋអាមេរិកបន្ទាប់ពីបានពិចារណាយ៉ាងពេញលេញនូវការរំពឹងទុកជាសកលនូវផលប្រយោជន៍របស់ប្រទេស និងការអំពាវនាវពីធុរកិច្ចអាមេរិក។
ទន្ទឹមនឹងនេះ លោកស្រី Ngozi Okonjo-Iweala អគ្គនាយិការនៃអង្គការពាណិជ្ជកម្មពិភពលោក (WTO) លើកឡើងថា កិច្ចពិភាក្សាគឺជាជំហានឆ្ពោះទៅមុខដ៏សំខាន់មួយ ហើយលោកស្រីជំរុញឱ្យប្រទេសទាំងពីររក្សាវិធីនេះដោយបន្តបង្កើតដំណោះស្រាយដែលអាចកាត់បន្ថយភាពតានតឹង និងពង្រឹងទំនុកចិត្តនៅក្នុងប្រព័ន្ធពាណិជ្ជកម្មពហុភាគី។
បន្ទាប់ពីមានកិច្ចពិភាក្សានេះ ប្រធានាធិបតីអាម៉េរិក លោក Donald Trump បានបង្ហាញពីភាពរីករាយចំពោះភាពល្អប្រសើរនៃទំនាក់ទំនងរវាងប្រទេសទាំងពីរ។ Trump បានបង្ហោះនៅលើប្រព័ន្ធផ្សព្វផ្សាយសង្គមថា “កិច្ចពិភាក្សានេះល្អណាស់ ហើយការផ្លាស់ប្តូរត្រូវបានចរចាក្នុងលក្ខណៈមិត្តភាព ប៉ុន្តែមានលក្ខណៈស្ថាបនា។ យើងចង់ឃើញភាពជាប្រយោជន៍ទាំងចិន និងសហរដ្ឋអាម៉េរិក។ ដំណើរការមានភាពរីកចម្រើនដ៏អស្ចារ្យ!!!”
គួរឲ្យបញ្ជាក់ដែរថា សង្គ្រាមពាណិជ្ជកម្មរវាងអាម៉េរិក និងចិនបានចាប់ផ្តើមនៅពេលដែល Donald Trump ដំឡើងពន្ធលើទំនិញចិនរហូតពន្ធដល់ ១៤៥% ហើយចិនសងសឹកមកវីញជាមួយនឹងការយកពន្ធ១២៥%។ កាលពីខែមុន BBC បានរកឃើញថា ក្រុមហ៊ុននាំចេញរបស់ចិនកំពុងជួបបញ្ហាជាមួយនឹងពន្ធរបស់អាម៉េរិក ដោយក្រុមហ៊ុនមួយឈ្មោះថា Sorbo Technology បង្ហាញពីការលក់របស់ខ្លួនធ្លាក់ចុះយ៉ាងខ្លាំងដោយសារផលិតផលសរុបរបស់ខ្លួនពាក់កណ្តាលត្រូវបានលក់ទៅឲ្យអាម៉េរិក។ ទន្ទឹមនឹងនេះ សេដ្ឋកិច្ចអាម៉េរិកបានធ្លាក់ចុះក្នុងរយៈពេល ៣ខែដំបូងនៃឆ្នាំនេះ ខណៈដែលក្រុមហ៊ុនក្នុងស្រុកមានភាពពិបាកក្នុងការនាំទំនិញចូលក្នុងប្រទេស៕
Account
Security
Favourite Content