បរទេស៖ យ៉ាងហោចណាស់មានប្រទេសចំនួន ៣ ដែលត្រូវបានចាត់ជាប្រទេសផ្តល់នូវលក្ខខណ្ឌនៃការរស់នៅ ក៏ដូចជាការចំណាយប្រចាំថ្ងៃមានភាពងាយស្រួលបំផុតក្នុងការផ្តល់នូវគុណតម្លៃនៃជីវិតសម្រាប់អ្នកដែលមានចំណូលចិត្តស្នាក់នៅ និងធ្វើការក្រៅប្រទេសកំណើតរបស់ខ្លួន (Epat) ដោយក្នុងនោះរួមមានប្រទេសមិចស៊ីកូ កោះតែវ៉ាន់ និងប្រទេសកូស្តារីកា។
តាមរយៈរបាយការណ៍ដែលត្រូវបានយកមកចេញផ្សាយដោយបណ្តាញសារព័ត៌មាន The Bloomberg សម្រាប់ឆ្នាំ២០២១ បានបញ្ជាក់ ថា សម្រាប់តែសហរដ្ឋអាមេរិកគឺឈរបានត្រឹមលំដាប់លេខរៀងទី ៣៤ តែប៉ុណ្ណោះក្នុងចំណោមទីតាំងល្អបំផុតទាំង ៥៩ លើពិភពលោកសម្រាប់ក្រុម Expat ខណៈដែលកោះតៃវ៉ាន់បានឈរនៅលំដាប់កំពូលក្នុងរយៈពេល ៣ ឆ្នាំជាប់គ្នាមកហើយ។
ការសិក្សាស្រាវជ្រាវដោយការស្ទាបស្ទង់មតិទៅលើក្រុម Expat មានចំនួនប្រមាណជា ១២,៤២០នាក់ រៀបចំដោយអង្គការ InterNations ដែលមានបណ្តាញទំនាក់ទំនងជាមួយក្រុម Expat ដ៏ធំបំផុតលើពិភពលោក និងមានមូលដ្ឋាននៅក្នុងទីក្រុង Munich ប្រទេសអាល្លឺម៉ង់បានរកឃើញថាពួកគេភាគច្រើនបានលើកសរសើរយ៉ាងខ្លាំងទៅលើសេវាកម្មសុខមាលភាពសាធារណៈរបស់កោះត៉ៃវ៉ាន់។ លើសពីនេះពួកគេបានបង្ហាញពីភាពពេញចិត្តយ៉ាងខ្លាំងទៅលើសុវត្ថិភាពការងារដែលពួកគេអាចរកបាននៅទីនោះផងដែរ។
សម្រាប់ប្រទេសមិចស៊ីកូ និងកូស្តារីកា ដែលឈរនៅលំដាប់លេខរៀងទី២ និងទី៣ ឯណោះវិញត្រូវបានក្រុម Expat បោះឆ្នោតថាគឺជាប្រទេសដែលបានផ្តល់ភាពងាយស្រួលបំផុតក្នុងការចាប់ផ្តើមនៃការស្វែងរកទីលំនៅពេលធ្វើដំណើរទៅដល់ទីនោះលើកដំបូង ដែលវាមានភាពផ្ទុយគ្នាទៅនឹងប្រទេសដទៃទៀត ដូចជាប្រទេសគុយវ៉ែត ជប៉ុន និងប្រទេសរុស្សីជាដើម។
នៅក្នុងប្រទេសគុយវ៉ែត ក្រុម Expat ប្រមាណជា ៤៦ ភាគរយបាននិយាយថា ពួកគេមិនមានអារម្មណ៍កក់ក្តៅឡើយ ជាពិសេសជាមួយនឹងវប្បធម៍របស់ពលរដ្ឋក្នុងស្រុក ហើយ ៥១ ភាគរយបានអះអាងថាពួកគេលំបាកក្នុងការស្វែងរកមិត្តភ័ក្តថ្មីទៀតផង។ ដោយឡែកនៅក្នុងប្រទេសរុស្សីវិញ ក្រុមអ្នក Expat ប្រមាណជា ៤៨ ភាគរយបាននិយាយថាគឺជារឿងដ៏លំបាកបំផុតប្រសិនបើពួកគេមិនអាចប្រើប្រាស់ភាសាក្នុងស្រុកបានទេនោះ។
ទោះបីជាយ៉ាងណាក្តីនៅប្រទេសដែលស្ថិតនៅបាតតារាងចំណាត់ថ្នាក់នោះមិនត្រឹមតែជាប្រទេសគុយវ៉ែតនោះទេ ក្នុងនោះក៏មានប្រទេសអ៊ីតាលី និងប្រទេសអាហ្វ្រិកខាងត្បូងផងដែរ។ ដោយឡែកងាកទៅកាន់ប្រទេសអ៊ីតាលីឯណោះវិញ បញ្ហាហិរញ្ញវត្ថុគឺជាភាពលំបាកធំជាងគេបង្អស់ ហើយនៅប្រទេសអាហ្វ្រិកខាងត្បូងគឺរឹតតែមិនអាចផ្តល់នូវសុវត្ថិភាពការងារនោះឡើយ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧បុរសម្នាក់កែច្នៃត្រឡោកដូងទៅជាធ្យូងអនាម័យ ជួយដល់សុខមាលភាពប្រជាជន
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
ជំនួសឱ្យការយកឈើទៅដុត បុរសម្នាក់បានប្រមូលយកត្រឡោកដូងដែលគេកោសសាច់រួច ទៅដុតឱ្យចេញជាធ្យូងអនាម័យ។
Hilltribe Organics ជួយបង្កើនប្រាក់ចំណូលជនជាតិភាគតិចនៅប្រទេសថៃជាង ៥០០ ដុល្លារក្នុងមួយខែពីការចិញ្ចឹមមាន់យកស៊ុតសរីរាង្គ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
Hilltribe Organics បានរួមបញ្ចូលជនជាតិដើមភាគតិចដែលចិញ្ចឹមមាន់យកស៊ុតទៅក្នុងខ្សែសង្វាក់តម្លៃនៃផលិតផលសរីរាង្គរបស់ខ្លួន និងបានជួយបង្កើនប្រាក់ចំណូលរបស់ពួកគេបីដង ឬជាង ៥០០ ដុល្លារក្នុងមួយខែ
Doi Kham ក្រុមហ៊ុនធុរកិច្ចបរិយាបន្នថៃផ្តោតសំខាន់ជួយគាំទ្រជីវភាពក្រុមកុលសម្ព័ន្ធភ្នំ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
Doi Kham បានជួយគាំទ្រដល់ក្រុមពលរដ្ឋកុលសម្ព័ន្ធជាច្រើនរយពាន់គ្រួសារតាមរយៈការទទួលទិញគ្រាប់កាហ្វេដែលមានគុណភាពខ្ពស់ដោយផ្ទាល់ពីសហគមន៍ទាំងនេះ