សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ត្រីឆ្ពិន ជាប្រភេទត្រីទឹកសាបដែលមានទ្រនុងឆ្អឹងល្អិតៗច្រើន ប៉ុន្តែមានមនុស្សនិយមចូលចិត្តទទួលទានច្រើនដោយសារតែវាមានរសជាតិឆ្ងាញ់ ទាំងការចម្អិនដោយការអាំងសាបទាំងស្រកា ទាំងការចម្អិនជាមុខសម្លរ ចៀន ឬបំពង។ អាស្រ័យហេតុមានការនិយមទទួលទានច្រើនបែបនេះជំរុញប្រជាកសិករ ក៏ដូចជាបងប្អូនផ្នែកវារីវប្បកម្មនាំគ្នាចិញ្ចឹមបន្ថែមដើម្បីបំពេញតម្រូវការទីផ្សារដែលកំពុងមាននៅពេលបច្ចុប្បន្ន។
ត្រីឆ្ពិន ជាប្រភេទត្រីទឹកសាបដែលមានភាពធន់នឹងកន្លែងរស់នៅដោយគេអាចចិញ្ចឹមបានទាំងនៅក្នុងស្រែ ក្នុងស្រះ ឬក្នុងប្រឡាយក៏បានហើយក៏ជាត្រីដែលមិនរើសចំណីដែលគេអាចច្នៃចេញ ស្ពៃ ត្រកួន ចកបាយទា ស្លឹកកន្ធំថេត សារាយ កន្ទក់ ចុងអង្ករ ពោត ឬកាកសំណល់ផ្ទះបាយក៏អាចដាក់ឱ្យត្រីស៊ីបានដែរ ហើយគេអាចចំណាយពេលចិញ្ចឹម ១ឆ្នាំ អាចមានទម្ងន់ចាប់ពី ៣-៥ខាំក្នុងមួយក្បាល ។
មុនពេលដំណើរការចិញ្ចឹមត្រីឆ្ពិន គេត្រូវដឹងពីបច្ចេកទេសមួយចំនួនដូចជា ការជ្រើសរើសទីតាំងក្នុងការជីកស្រះ ឬប្រឡាយ ដែលគួរតែរកទីកន្លែងនៅក្បែរផ្ទះ ព្រោះអាចផ្តល់ភាពងាយស្រួលមើលថែទាំ ហើយរកកន្លែងណាដែលមានដីបាតស្រះជាប្រភេទដីឥដ្ឋ ស្ថិតនៅទីវាលស្រលះល្អ ជាពិសេសស្ថិតនៅក្បែរប្រភពទឹកស្អាត និងមិនលិចទឹកនៅរដូវវស្សា ចៀសវាងត្រីរួចចេញពីស្រះអស់ ហើយចំពោះទំហំស្រះ គេអាចជីកបានទំហំធំល្មមមានផ្ទៃក្រឡាស្រះចាប់ពី ១០០-៥០០ម៉ែត្រការ៉េ និងជម្រៅចាប់ពី ១,៥ – ២,៥ម៉ែត្រ និងមានមានកម្ពស់ភ្លឺស្រះ ៦-៨តឹក។
ដោយឡែក គុណភាពទឹកក៏ជាចំណុចសំខាន់ផងដែរ ដែលគេត្រូវពិនិត្យមើលមុននឹងដាក់កូនត្រីចិញ្ចឹម ត្រូវចៀសវាងទឹកដែលមានជាតិជូរអាចធ្វើឱ្យពិបាកបង្កើតចំណីធម្មជាតិ ជាពិសេសបង្កឱ្យត្រីលូតលាស់យឺត ឬត្រីងាយកើតជំងឺ។
ចំពោះការចិញ្ចឹម គួរចាប់ផ្ដើមលែងកូនត្រីនៅដើមរដូវវស្សាដោយសារពពួកសត្វបំផ្លាញដូចជា អន្ទង់ ក្ដាម កង្កែប មិនទាន់មានច្រើន ហើយការលែងកូនត្រីត្រូវលែងនៅពេលមេឃត្រជាក់ពេលព្រឹក ឬល្ងាច និងត្រូវត្រាំថង់កូនត្រីក្នុងស្រះ ១៥-២០នាទីជាមុនសិន ដើម្បីឱ្យកម្ដៅទឹកក្នុងថង់ និងទឹកស្រះប្រហាក់ប្រហែលគ្នា។ សម្រាប់ចំនួនកូនត្រីគេអាចដាក់ប្រមាណ ៣ក្បាល ក្នុង១ម៉ែត្រការ៉េនៃផ្ទៃស្រះ ដែលកូនត្រីមានទំហំពី ៤-៦ហ៊ុន ហើយត្រូវជ្រើសរើសកូនត្រីណាដែលមានសុខភាពល្អ មាំមួន ពណ៌ស្រស់ គ្មានរបួសឬដំបៅ។
ដោយឡែកចំពោះការដាក់ចំណីវិញ គេត្រូវធ្វើស៊ុមបណ្ដែតចំណីណាដែលអណ្ដែតដូចជាប្រភេទចកបាយទា ស្ពៃ ត្រកួន តែសម្រាប់ចំណីលិចក្នុងទឹកគេធ្វើជាស៊ុម ជាធ្នើដាក់ខ្សែទាញចុះឡើង ហើយចំណីត្រូវដាក់ពន្លិចក្នុងទឹក និងដាក់ចំណីឱ្យត្រី២ដងក្នុង១ថ្ងៃ ពោលគឺចន្លោះម៉ោង ៨ព្រឹក និងនៅម៉ោង ៥ល្ងាច។
ក្រោយរយៈពេល ២-៣ខែនៃការដាក់កូនត្រី គេត្រូវតាមដានការលូតលាស់របស់ត្រី ដើម្បីពិនិត្យ និងគណនាបរិមាណចំណីឱ្យត្រីស៊ីឱ្យសមស្របចៀសវាងការដាក់ចំណីច្រើនជ្រុល។ ក្រៅពីនេះ គេក៏ត្រូវការពារកុំឱ្យត្រីកើតជំងឺ តាមរយៈការតាមដានត្រីក្នុងស្រះជាប្រចាំទៅលើគុណភាពទឹក ដង់ស៊ីតេ ការសម្អាត និងពិនិត្យមើលពួកបារ៉ាស៊ីត ផ្សិត និងវីរុស។ ចុងក្រោយ គឺការប្រមូលផលត្រី ដែលភាគច្រើនគេធ្វើនៅចុងរដូវវស្សា និងដើមរដូវប្រាំងដែលជាពេលទឹកស្រះ ឬប្រឡាយចាប់ផ្ដើមរង រាក់ងាយស្រួលក្នុងការចាប់ត្រី ឬតំបន់ខ្លះមានទឹកផ្គត់ផ្គង់គ្រប់រដូវ គេអាចប្រមូលផលត្រីដោយចាប់រំលោះយកត្រីណាដែលធំៗ ហើយទុកត្រីតូចៗចិញ្ចឹមបន្តរហូតដល់ទីផ្សារត្រីលក់បានថ្លៃទើបចាប់លក់ក៏បាន៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុន NextEd Canada រៀបចំទិវាគ្រួសារ (Family’s Day) ដើម្បីអបអរសិស្សកម្ពុជាដែលត្រៀមបន្តការសិក្សានៅប្រទេសកាណាដា
ព្រឹត្តិការណ៍, អត្ថបទពាណិជ្ជកម្ម
• 15/08/2026
NextEd Canada ដែលជាក្រុមហ៊ុនប្រឹក្សា និងរៀបចំផែនការសិក្សានៅប្រទេសកាណាដា សម្រាប់សិស្សានុសិស្សកម្ពុជាចាប់ពីកម្រិតវិទ្យាល័យឡើងទៅ បានរៀបចំទិវាគ្រួសារសម្រាប់សិស្ស និស្សិត និងក្រុមគ្រួសារកម្ពុជាប្រមាណ១០០ គ្រួសារដែលមានផែនការ និងចំណាប់អារម្មណ៍លើការសិក្សានៅកាណាដា
កម្មវិធី «នវានុវត្តន៍បញ្ច្រាស» ជួយធុរកិច្ចថ្មីដោះស្រាយបញ្ហាទីផ្សារ តាមរយៈការបង្កើតជាដំណោះស្រាយប្រកបដោយភាពច្នៃប្រឌិត និង នវានុវត្តន៍
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
កម្មវិធី «នវានុវត្តន៍បញ្ច្រាស» ជាទុនជួយធុរកិច្ចថ្មីដោះស្រាយបញ្ហាប្រឈមក្នុងទីផ្សារតាមរយៈការបង្កើតដំណោះស្រាយប្រកបដោយភាពច្នៃប្រឌិត នវានុវត្តន៍
ក្រសួងរៀបចំដែនដីទទួលបានគំនិតថ្មីៗបន្ថែម ក្នុងគោលដៅធ្វើឱ្យប្រជាពលរដ្ឋមានលំនៅឋានរស់នៅសមរម្យ
Top News, ព្រឹត្តិការណ៍, អចលនទ្រព្យ
• 14/08/2026
កិច្ចការស្រាវជ្រាវអំពីអចលនទ្រព្យ និងស្ថានភាពលំនៅឋាននេះមានសារៈសំខាន់ គឺផ្ដោតទៅលើការបង្កើតទំនៀមទម្លាប់ និងផ្នត់គំនិតការងារថ្មីមួយ ដែលមានភាពច្បាស់លាស់ និងមិនធ្វើការតាមអារម្មណ៍ដែលនាំឱ្យមានកំហុសឆ្គងច្រើន
ការស្ទង់មតិពី ៣៦ ប្រទេសបង្ហាញថា ចិន ទទួលបានប្រជាប្រិយភាពជាងអាមេរិកនៅលើឆាកអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
ការស្ទង់មតិជាលក្ខណៈអន្តរជាតិដ៏ធំមួយនៅលើបណ្តាប្រទេសចំនួន ៣៦ បានបង្ហាញពីទស្សនៈជាសកល ដែលភាគច្រើនមានទំនោរទៅលើប្រទេសចិនក្នុងផ្លូវវិជ្ជមាន ច្រើនជាងសហរដ្ឋអាមេរិក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content