សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ទ្វីបអឺរ៉ុបត្រូវបានគេស្គាល់ថាជាតំបន់ចាយប្រាក់អឺរ៉ូ និងបច្ចុប្បន្នមានសមាជិកចំនួន ១៩ ប្រទេស។ គោលដៅចម្បងរបស់ ECB គឺរក្សាស្ថិរភាពតម្លៃនៅក្នុងតំបន់ចាយលុយអឺរ៉ូ ពោលគឺជួយរក្សាអំណាចទិញរបស់ប្រាក់អឺរ៉ូដែល ECB ខិតខំរក្សាកម្រិតអតិផរណាប្រចាំឆ្នាំឲ្យនៅក្រោម ២%។ ECB ក៏រួមចំណែកដល់រក្សាសុវត្ថិភាព និងភាពត្រឹមត្រូវនៃប្រព័ន្ធធនាគារអឺរ៉ុប។
ធនាគារកណ្តាលអឺរ៉ុប (ECB) មានទីស្នាក់ការកណ្តាលនៅទីក្រុង Frankfurt am Main ប្រទេសអាល្លឺម៉ង់។ ស្ថាប័ននេះទទួលខុសត្រូវចំពោះគោលនយោបាយរូបិយវត្ថុនៅក្នុងតំបន់ចាយប្រាក់អឺរ៉ូចាប់តាំងពីថ្ងៃទី០១ ខែមករា ឆ្នាំ១៩៩៩ នៅពេលដែលរូបិយប័ណ្ណអឺរ៉ូត្រូវបានអនុម័តដោយសមាជិកសហភាពអឺរ៉ុបដំបូង។ ក្រុមប្រឹក្សាគ្រប់គ្រង ECB គឺជាស្ថាប័នមួយនៅក្នុង ECB ដែលធ្វើការសម្រេចចិត្តលើគោលនយោបាយរូបិយវត្ថុនៅតំបន់ចាយប្រាក់អឺរ៉ូ។
នៅក្នុងក្រុមប្រឹក្សានេះមានសមាជិកក្រុមប្រឹក្សាប្រតិបត្តិចំនួន ៦រូប និងទេសាភិបាល (ឬសមមូល) នៃធនាគារកណ្តាលជាតិរបស់សមាជិកនីមួយៗ។ ដោយសារសមាជិកភាពនៃសហភាពអឺរ៉ុបបានកើនឡើង ដូច្នេះមានចំនួនទេសាភិបាលនៅក្នុងក្រុមប្រឹក្សាក៏កើនឡើងដូចគ្នាដែរ។ បច្ចុប្បន្ននេះក្រុមប្រឹក្សាភិបាលមានទំហំធំពេក ECB មានប្រព័ន្ធផ្លាស់ប្តូរសិទ្ធិបោះឆ្នោតក្នុងចំណោមទេសាភិបាលធនាគារជាតិ (លើកលែងសមាជិកក្រុមប្រឹក្សាប្រតិបត្តិដែលមានសិទ្ធិបោះឆ្នោតអចិន្រ្តៃយ៍) សម្រាប់ការបោះឆ្នោតនៅក្នុងកិច្ចប្រជុំនីមួយៗ ។
ក្នុងនាមជាធនាគារកណ្តាល ECB មិនធ្វើការឲ្យសាធារណជនភ្ញាក់ផ្អើលនោះទេ។ នៅពេលណាដែលខ្លួនមានគម្រោងផ្លាស់ប្តូរអត្រាការប្រាក់ ជាទូទៅ ECB ជូនដំណឹងអំពីការផ្លាស់ប្តូរដែលជិតមកដល់តាមរយៈសារព័ត៌មាន។ ក្រុមប្រឹក្សាគ្រប់គ្រងប្រជុំពីរដងក្នុងមួយខែ ប៉ុន្តែការសម្រេចចិត្តលើគោលនយោបាយជាទូទៅត្រូវបានធ្វើឡើងតែនៅក្នុងកិច្ចប្រជុំដែលមានសន្និសីទសារព័ត៌មានអមជាមួយ ហើយសន្និសីទទាំងនោះត្រូវបានធ្វើឡើងរៀងរាល់ ៦ សប្តាហ៍ម្តង។
ដូចធនាគារកណ្តាលភាគច្រើនដែរ ECB មានឥទ្ធិពលលើអតិផរណាតាមរយៈការកំណត់អត្រាការប្រាក់។ ប្រសិនបើធនាគារកណ្តាលចង់ទប់ទល់នឹងអតិផរណាខ្ពស់ ជាទូទៅគេបង្កើនអត្រាការប្រាក់ដែលធ្វើឱ្យការខ្ចីប្រាក់មានការប្រាក់ថ្លៃនិងទាក់ទាញការសន្សំ។ ផ្ទុយទៅវិញប្រសិនបើគេចង់ទប់ទល់អតិផរណាដែលទាបពេក គេកាត់បន្ថយអត្រាការប្រាក់ឲ្យនៅទាប។ ជាក់ស្តែងកាលពីខែមិថុនាឆ្នាំ២០១៤ ធនាគារកណ្តាលអឺរ៉ុបបានដាក់ចេញនូវអត្រាការប្រាក់អវិជ្ជមាន (NIRP) ជាលើកដំបូងគឺអត្រាការប្រាក់មានកម្រិត -០,១%។ ចាប់តាំងពីពេលនោះមកអត្រានេះត្រូវបានកាត់បន្ថយចំនួន ៤ ដងបន្ថែមទៀត ឈានដល់ -០.៥% នៅខែកញ្ញាឆ្នាំ ២០១៩ ។ ធនាគារកណ្តាលអឺរ៉ុបដើរតួយ៉ាងសំខាន់ក្នុងការការពារសេដ្ចកិច្ចទ្វីបអឺរ៉ុប ហើយអត្រាការប្រាក់អវិជ្ជមានរបស់ធនាគារកណ្តាលអឺរ៉ុបក៏បានដើរតួយ៉ាងសំខាន់ក្នុងការទប់ទល់នឹងផលប៉ះពាល់សេដ្ឋកិច្ចនៃវិបត្តិកូវីដ១៩ ផងដែរ។ ក្រៅពីនេះធនាគារកណ្តាលអឺរ៉ុបក៏បានដាក់ចេញនូវ កម្មវិធី Pandemic Emergency Purchase Programme (PEPP) កាលពីខែមីនាឆ្នាំ២០២០ ដែលវាជួយកាត់បន្ថយថ្លៃដើមខ្ចី និងបង្កើនការផ្តល់ប្រាក់កម្ចីធនាគារនៅតំបន់ចាយប្រាក់អឺរ៉ូ ដើម្បីជួយប្រជាជន និងអាជីវកម្មទប់ទល់នឹងវិបត្តិនេះ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អាស៊ាន រៀបចំកិច្ចប្រជុំអំពីឧតុនិយម និងដំណោះស្រាយ ឆ្លើយតបទៅនឹងបាតុភូតអែល នីញ៉ូ (El Niño) នៅទីក្រុងដាណាំង ប្រទេសវៀតណាម
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
ប្រតិភូប្រមាណ ៦០ រូបនឹងជួបជុំគ្នានៅទីក្រុងដាណាំង ប្រទេសវៀតណាមចាប់ពីថ្ងៃទី ១៤ ដល់ថ្ងៃទី ១៦ ខែតុលា ដើម្បីពិភាក្សាអំពីវិធានការឆ្លើយតបទៅនឹងបាតុភូត El Niño និងពង្រឹងកិច្ចសហប្រតិបត្តិការលើវិស័យឧតុនិយម និងជលសាស្ត្រនៅក្នុងតំបន់អាស៊ាន
រុស្ស៊ី ដំណើរការសេវាទូទាត់លុយគ្រីបតូជាសាច់ប្រាក់លើកដំបូងបំផុតរបស់ពិភពលោកក្នុងតម្លៃសេវាត្រឹមតែ ០,៣ភាគរយ
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
បរទេស ៖ ក្រុមហ៊ុនបច្ចេកវិទ្យាហិរញ្ញវត្ថុរុស្ស៊ី A7 បានប្រកាសដាក់ឱ្យប្រើប្រាស់សេវាកម្មទូទាត់ប្រាក់លើកដំបូងបំផុតរបស់ពិភពលោក ដែលអនុញ្ញាតឱ្យអតិថិជនផ្ទេរប្រាក់ឆ្លងប្រទេសដោយប្រើប្រាស់រូបិយប័ណ្ណគ្រីបតូ(Cryptocurrency)ជាមួយតម្លៃសេវាត្រឹមតែ ០,៣ភាគរយ។ យោងតាមការចេញផ្សាយរបស់កាសែត RT បានឲ្យដឹងថា ការបើកដំណើរការសេវាកម្មថ្មីដែលមានឈ្មោះថា A7 International នេះ បានជួយឱ្យក្រុមហ៊ុនអាចពង្រីកវិសាលភាពរបស់ខ្លួនទៅកាន់អន្តរជាតិបើទោះបីជាកំពុងរងទណ្ឌកម្មសេដ្ឋកិច្ចពីបណ្តាប្រទេសលោកខាងលិចក៏ដោយ។ តាមរយៈប្រព័ន្ធថ្មីនេះ អតិថិជនអាចទូទាត់ការផ្ទេរប្រាក់ជាប្រភេទរូបិយប័ណ្ណឌីជីថល USDT(ដែលជាប្រាក់គ្រីបតូមានតម្លៃថេរស្មើប្រាក់ដុល្លារអាមេរិក) ហើយអ្នកទទួលប្រាក់នឹងទទួលបានជាសាច់ប្រាក់តាមប្រព័ន្ធ SWIFT
ខ្សែភាពយន្តឯកសារ «LOOT: ការវិលត្រឡប់មកវិញនូវរតនសម្បត្តិវត្ថុកម្ពុជា» ត្រៀមចាក់បញ្ចាំងនៅតាមរោងភាពយន្តទូទាំងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦
ព្រឹត្តិការណ៍, អត្ថបទពាណិជ្ជកម្ម
• 13/10/2026
ភ្នំពេញ ៖ ខ្សែភាពយន្តឯកសារកម្រិតអន្តរជាតិ “LOOT” ដែលលាតត្រដាងពីបណ្តាញឧក្រិដ្ឋកម្មជួញដូរវត្ថុបុរាណខ្មែរជាសកល ដោយខុសច្បាប់ពីសំណាក់ជនបរទេស ត្រូវបានក្រុមហ៊ុន AMS (Apsara Media Services) សហការជាមួយក្រុមហ៊ុន New Theory Picture ចាក់បញ្ចាំងនៅតាមរោងភាពយន្តក្នុងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦ តទៅ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content