សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជាមួយនឹងភាពធូរស្បើយវិញបន្តិចនៃការឆ្លងរាលដាលជំងឺកូវីដ១៩នៅប្រទេសកម្ពុជា ក៏ដូចជាការសម្រេចបានលទ្ធផលជោគជ័យធំធេងលើការចាក់វ៉ាក់សាំងជូនពលរដ្ឋ រដ្ឋាភិបាលតាមរយៈក្រសួងទេសចរណ៍បានបញ្ចេញផែនការមេដែលជម្រុញឲ្យមានការបើកដំណើរការទេសចរណ៍ឡើងវិញ។ ការជម្រុញរបស់វិស័យទេសចរណ៍នេះធ្វើឡើងបន្ទាប់ពីវិស័យនេះបានរងការប៉ះពាល់ធ្ងន់ធ្ងរមួយរយៈពេលវែងកន្លងមក។
បើតាមក្រសួងទេសចរណ៍ ផែនការនេះទំនងជាចាប់ផ្ដើមនៅចុងឆ្នាំ២០២១នេះ ដោយតម្រូវឲ្យអ្នកទេសចរមានបណ្ណចាក់វ៉ាក់សាំង និងធ្វើចត្តាឡីស័កត្រឹមតែ៧ថ្ងៃប៉ុណ្ណោះ ដែលនេះត្រូវបានអ្នកជំនាញមើលឃើញថាជាសញ្ញាល្អមួយសម្រាប់វិស័យទេសចរណ៍។
លោកជំទាវ ឆាយ ស៊ីវលីន តំណាងឲ្យវិស័យឯកជនបានបង្ហាញសុទិដ្ឋិនិយមខ្ពស់ចំពោះផែនការទេសចរណ៍នេះ ប៉ុន្តែក៏បានស្នើឲ្យក្រសួងទេសចរណ៍ចេញនូវសេចក្ដីប្រកាសផ្លូវការអំពីកាលបរិច្ឆេទច្បាស់លាស់មួយលើការបើកឲ្យដំណើរការទេសចរណ៍ឡើងវិញ ដើម្បីឲ្យវិស័យឯកជនងាយស្រួលក្នុងការត្រៀមខ្លួន។
លោកជំទាវមានប្រសាសន៍ថា ៖
«វិស័យទេសចរណ៍ឯកជនកន្លងមកនេះ សឹងតែបានបិទទ្វារទាំងស្រុងទៅហើយ! ពួកគេក៏មិនមានទុនច្រើនសម្រាប់ការចាប់ផ្ដើមជាថ្មីនេះដែរ ដូច្នេះខ្ញុំចង់ឲ្យមាននូវការបញ្ជាក់ច្បាស់លាស់ ដើម្បីពួកគេបញ្ចេញទុនត្រូវគោលដៅ»
ក្នុងន័យនេះ លោកជំទាវចង់មានន័យថា វិស័យឯកជនមិនអាចត្រៀមទុនទុកសម្រាប់ស្ថានការណ៍មិនច្បាស់លាស់នោះទេ។
ទោះជាយ៉ាងណាក៏ដោយ លោកជំទាវបានលើកទឹកចិត្តដល់អ្នកប្រកបអាជីវកម្មពាក់ព័ន្ធវិស័យទេសចរណ៍ឲ្យមានការត្រៀមខ្លួនដូចជា រៀបចំទីកន្លែងឡើងវិញ បង្កើនសេវាកម្មរបស់ខ្លួន រៀបចំផលិតផលឲ្យសមស្របទៅនឹងបរិបទកូវីដ១៩នេះ ព្រមទាំងតាមដានវិធានការសុខាភិបាលដែលកំណត់ដោយក្រសួងដើម្បីត្រៀមយកមកអនុវត្តន៍។ ម៉្យាងទៀត លោកជំទាវបានផ្ដល់ជាការយល់ឃើញដែរថា កម្ពុជាគួរតែយកឱកាសនេះក្នុងការបើកប្រទេសតាមដំណាក់កាលដំបូងឡើងវិញ ឆ្លៀតក្នុងពេលដែលប្រទេសដទៃកំពុងតែបិទ។ ធ្វើបែបនេះ កម្ពុជាអាចឆក់យកទេសចរអន្តរជាតិ អាចក្លាយខ្លួនជាជម្រើសទីតាំងរបស់អ្នកទេសចរ ព្រមទាំងមិនចាំបាច់ចំណាយទៅលើការផ្សព្វផ្សាយច្រើននោះទេ។
សម្ដេចតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជាក្នុងឱកាសបើយុទ្ធនាការចាក់វាក់សាំងលើកុមារអាយុ៦ឆ្នាំ ដល់១២ឆ្នាំនាថ្ងៃទី១៧ កញ្ញា បានមានប្រសាសន៍ថា សម្រាប់ទេសចរណ៍វ៉ាក់សាំង ឬភ្ញៀវទេសចរបរទេសដែលបានចាក់វ៉ាក់សាំងរួចហើយដែលនឹងមកដើរកម្សាន្តនៅកម្ពុជា គឺតម្រូវឱ្យធ្វើចត្តាឡីស័កតែ ៧ថ្ងៃប៉ុណ្ណោះ ដោយមិនចាំបាច់ចត្តាឡីស័កនៅក្នុងបន្ទប់សណ្ឋាគារនោះទេ ដែលនេះគឺជាជំហានទី២ សម្រាប់ការស្តារនូវឧស្សាហកម្មទេសចរណ៍កម្ពុជាឡើងវិញ ឬវិស័យសេវាកម្ម ដែលនឹងធ្វើបន្ទាប់ពីការជំរុញទេសចរក្នុងស្រុករួច៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សហគមន៍ព្រៃឈើត្រពាំងពិការ ផ្ដល់អត្ថប្រយោជន៍ដល់ពលរដ្ឋជាង ៤០០ គ្រួសារនៅរមាសហែក
ព្រឹត្តិការណ៍, អត្ថបទពាណិជ្ជកម្ម
• 20/09/2026
សហគមន៍ព្រៃឈើត្រពាំងពិការ ក្នុងឃុំអំពិល ស្រុករមាសហែក ខេត្តស្វាយរៀង កំពុងផ្ដល់អត្ថប្រយោជន៍ដល់ប្រជាពលរដ្ឋជាង ៤០០ គ្រួសារ តាមរយៈការប្រមូលអនុផលព្រៃឈើ និងការទាក់ទាញភ្ញៀវទេសចរ
ទិន្នផលគ្រាប់ស្វាយចន្ទី ឆ្នាំ២០២៧ អាចធ្លាក់ចុះ ខណៈដែលសមាគមអំពាវនាវឱ្យកសិករយកចិត្តទុកដាក់ថែទាំប្រភពទឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ សមាគមស្វាយចន្ទីកម្ពុជា បានបង្ហាញពីក្ដីព្រួយបារម្ភចំពោះការកើនឡើងកម្តៅ និងគ្រោះរាំងស្ងួតបង្កដោយបាតុភូត អែល នីញ៉ូ(El Niño) ដែលអាចគំរាមកំហែងដល់ទិន្នផល និងគុណភាពស្វាយចន្ទីនៅឆ្នាំ២០២៧ ហើយបានអំពាវនាវឱ្យកសិករដាំដុះទាំងអស់យកចិត្តទុកដាក់ថែទាំ និងរក្សាប្រភពទឹកឱ្យបានល្អ។ ប្រធានសមាគមស្វាយចន្ទីកម្ពុជា លោក អួន ស៊ីឡុត បានប្រាប់បណ្ដាញព័ត៌មាន AMS ថា ពេលនេះកសិករបានដាំស្វាយចន្ទីថ្មីរួចរាល់ហើយ
មេផ្សារមូលបត្រកម្ពុជា បញ្ជាក់ពីការកើនឡើងផលចំណេញ និងការជួញដូរភាគហ៊ុនកំពុងមានភាពមមាញឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ អគ្គនាយកក្រុមហ៊ុនផ្សារមូលបត្រកម្ពុជា បានលើកឡើងថា គិតត្រឹមដើមខែកញ្ញា ឆ្នាំ២០២៦នេះ ទីផ្សារមូលបត្រកម្ពុជាបន្តទទួលបានផលជាវិជ្ជមាន ខណៈអ្នកវិនិយោគខ្លះអាចរកចំណេញបានប្រមាណ ២០ ទៅ ៣០ភាគរយ ក្នុងរយៈពេលតែប៉ុន្មានសប្តាហ៍ ស្របពេលដែលទំហំជួញដូរភាគហ៊ុនក៏បន្តកើនឡើងយ៉ាងខ្លាំងគួរឱ្យកត់សម្គាល់។ លោក ហុង សុហួរ អគ្គនាយកក្រុមហ៊ុនផ្សារមូលបត្រកម្ពុជា បានឱ្យដឹងថា បច្ចុប្បន្ន ទីផ្សារភាគហ៊ុនកម្ពុជាកំពុងផ្តល់ផលចំណេញខ្ពស់ក្នុងរយៈពេលខ្លីដល់អ្នកវិនិយោគ
អារ៉ាប៊ីសាអូឌីត ត្រៀមបំពាក់យន្តហោះបំបាំងកាយ F-35 ចំនួន ៤៨គ្រឿង ក្រោយអាម៉េរិកអនុម័តលក់
ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
អារ៉ាប៊ីសាអូឌីតគ្រោងទិញយន្តហោះចម្បាំងបំបាំងកាយ F-35 Lightning II ចំនួន ៤៨គ្រឿងពីរដ្ឋាភិបាលអាម៉េរិក ក្រោយទីក្រុងវ៉ាស៊ីនតោនអនុម័តកិច្ចព្រមព្រៀងលក់អាវុធដែលមានទំហំទឹកប្រាក់សរុប ២៤,៣ពាន់លានដុល្លារ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content