សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពពី Money Control បានរាយការណ៍ថា តម្រូវការនៃទ្រព្យសម្បត្តិមានសុវត្ថិភាពកើនឡើងបានធ្វើឲ្យតម្លៃមាសឡើងថ្លៃ ដោយសារភាពតានតឹងដែលកំពុងបន្តនៅមជ្ឈិមបូព៌ា ដែលបន្ថែមសម្ពាធពីការកើនឡើងរូបិយប័ណ្ណអាមេរិក និងទិន្នផលរតនាគារ។
កាលពីថ្ងៃសុក្រ សប្ដាហ៍កន្លងទៅនេះ តម្លៃមាសបានឡើងថ្លៃដល់កម្រិតខ្ពស់ ២ ៤៣១ ដុល្លារក្នុងមួយអោន ប៉ុន្តែបានធ្លាក់ចុះបន្តិចនៅថ្ងៃពុធក្នុងសប្ដាហ៍នេះនៅត្រឹម ២ ៣៨១ ដុល្លារក្នុងមួយអោន។ ការកើនឡើងនៃភាពតានតឹងជម្លោះរវាងរុស្ស៊ី និងអ៊ុយក្រែន រួមទាំងជម្លោះមជ្ឈិមបូព៌ាកំពុងធ្វើឱ្យមាស និងប្រាក់ដុល្លារឡើងថ្លៃ។ វិនិយោគិនកំពុងស្វែងរកមាស និងប្រាក់ដុល្លារអាមេរិក ដែលជាទ្រព្យសម្បត្តិមានសុវត្ថិភាពក្នុងអំឡុងពេលនៃអស្ថិរភាព និងចលាចលជាសកល។ យ៉ាងណាមិញ ប្រាក់ដុល្លារបានរក្សាស្ថិរភាពជិតដល់ចំណុចកំពូលក្នុងរយៈពេលប្រាំខែ ដែលធ្វើឲ្យតម្លៃមាសមិនសូវទាក់ទាញសម្រាប់អ្នកកាន់រូបិយប័ណ្ណផ្សេងទៀត។
លោក Yeap Jun Rong អ្នកយុទ្ធសាស្រ្តទីផ្សារបានលើកឡើងថា ទោះបីជាតម្លៃមាសប្រឈមមុខនឹងទិន្នផលរតនាគារខ្ពស់ និងប្រាក់ដុល្លារអាមេរិកកាន់តែរឹងមាំ ប៉ុន្តែតម្លៃរបស់វានៅតែមានស្ថិរភាពក្នុងរយៈបេលប៉ុន្មានខែកន្លងមកនេះ។ ទន្ទឹមនឹងនេះ វិនិយោគិនទីផ្សារនៅតែប្រុងប្រយ័ត្នចំពោះប្រតិកម្មរបស់អ៊ីស្រាអែលចំពោះការវាយប្រហាររបស់អ៊ីរ៉ង់ ខណៈដែលពួកគេកំពុងស្វែងរកការគាំទ្រមួយចំនួនសម្រាប់តម្លៃមាស។ ការកើនឡើងណាមួយនៅក្នុងភាពតានតឹងភូមិសាស្ត្រនយោបាយអាចបើកផ្លូវសម្រាប់តម្លៃមាសឲ្យឡើងថ្លៃដល់កម្រិតខ្ពស់គ្រប់ពេលវេលា។
ធនាគារវិនិយោគអាល្លឺម៉ង់ Deutsche Bank បានព្យាករណ៍ថា តម្លៃមាសអាចនឹងឡើងថ្លៃដល់ ២ ៤០០ ដុល្លារក្នុងមួយអោននៅចុងឆ្នាំ២០២៤ និងឡើងថ្លៃដល់ ២ ៦០០ ដុល្លារក្នុងមួយអោននៅចុងឆ្នាំ២០២៥។ ធនាគាររំពឹងថា មាសទំនងជានៅតែរក្សាបាននូវគោលជំហររឹងមាំ ដោយសារវានឹងផ្តល់ប្រាក់ចំណេញច្រើនដល់វិនិយោគិន។
មន្ត្រីធនាគារកណ្តាលអាមេរិកកំពូលៗ រួមទាំងប្រធាន Federal Reserve Jerome Powell មិនបានផ្តល់ការណែនាំអំពីពេលណាដែលអត្រាការប្រាក់អាចត្រូវបានកាត់បន្ថយនោះទេ ដោយនិយាយថា ជំនួសមកវិញនូវគោលនយោបាយរូបិយវត្ថុចាំបាច់ត្រូវដាក់កំហិតឱ្យបានយូរ។ ទិន្នន័យចេញពីសហរដ្ឋអាមេរិកបានធ្វើឱ្យមានចម្ងល់អំពីលទ្ធភាពនៃការកាត់បន្ថយអត្រាការប្រាក់នៅឆ្នាំនេះ ដោយឈ្មួញកណ្តាលសកលជាច្រើនបានផ្លាស់ប្តូរការព្យាករណ៍របស់ពួកគេចំពោះលទ្ធភាពដែលធនាគារកណ្តាលអាមេរិកអាចកាត់បន្ថយអត្រាការប្រាក់ដល់ខែកញ្ញាចាប់ពីខែមិថុនា។ លើសពីនេះ ទីផ្សារកំពុងកំណត់ថា ឱកាសនៃការកាត់បន្ថយអត្រាការប្រាក់នៅក្នុងខែកញ្ញាមានប្រហែល ៦៨ ភាគរយ៕
Account
Security
Favourite Content