សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កំពង់ស្ពឺ និងស្វាយរៀង ជាខេត្តដែលមានការចាប់អារម្មណ៍លើការវិនិយោគពីសំណាក់វិនិយោគិនទាំងក្នុង និងក្រៅប្រទេស ជាក់ស្តែង ក្នុងរយៈពេល៦ខែដើមឆ្នាំ២០២៤នេះ ខេត្តទាំងពីរនេះទទួលបានគម្រោងវិនិយោគច្រើនជាងគេទាំងគម្រោងវិនិយោគថ្មី និងគម្រោងពង្រីកផលិតកម្មវិនិយោគ និងបានធ្វើឱ្យខេត្តទាំងពីរនេះ កាន់តែមានភាពទាក់ទាញពីសំណាក់វិនិយោគិនបរទេសបន្ថែមទៀត ។
យោងតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជាចេញផ្សាយកាលពីដើមខែកក្កដា ២០២៤នេះបានឱ្យដឹងថា ក្នុងចំណោមបណ្ដាខេត្តរាជធានីនៅក្នុងប្រទេសកម្ពុជា កំពង់ស្ពឺ និងស្វាយរៀង ជាខេត្តដែលទទួលបានគម្រោងវិនិយោគច្រើនជាងគេ ក្នុងនោះ រយៈពេល៦កន្លងមកនេះ កំពង់ស្ពឺទទួលបានគម្រោងវិនិយោគចំនួន៤៣គម្រោង និងខេត្តស្វាយរៀងទទួលបានចំនួន៤០គម្រោង ខណៈភ្នំពេញ ទទួលបានគម្រោងវិនិយោគចំនួន២៧គម្រោង ។
គម្រោងវិនិយោគភាគច្រើនដែលបោះទីតាំងនៅក្នុងខេត្តកំពង់ស្ពឺ និងខេត្តស្វាយរៀង គឺជាគម្រោងរោងចក្រឧស្សាហកម្ម ជាក់ស្ដែងគម្រោងពង្រីកផលិតកម្មរបស់គម្រោងវិនិយោគផលិតសំបកកង់រថយន្តតម្លៃ ២១២លានដុល្លារក៏មានទីតាំងនៅខេត្តស្វាយរៀង គម្រោងវិនិយោគផលិតបន្ទះហ្វ្រាំងគ្រប់ប្រភេទតម្លៃ ៣០លានដុល្លារនៅខេត្តស្វាយរៀង គម្រោងបង្កើតតំបន់សេដ្ឋកិច្ចពិសេសមួយក៏នៅខេត្តស្វាយរៀង ។
តើកត្តាអ្វី ដែលធ្វើឱ្យវិនិយោគិនជ្រើសរើសយកខេត្តកំពង់ស្ពឺ និងខេត្តស្វាយរៀងជាទីតាំងវិនិយោគរបស់ខ្លួន?
បើតាមអ្នកជំនាញនៃវិស័យអចលនទ្រព្យជាច្រើនបានលើកបង្ហាញថា តំបន់មួយចំនួននៅខេត្តកំពង់ស្ពឺ ជាពិសេសនៅតាមបណ្ដោយផ្លូវលេខ៣ លេខ៤ លេខ៤១ និងផ្លូវជាតិលេខ៥១ គឺជាតំបន់ដែលមានភាពងាយស្រួលក្នុងការដឹកជញ្ជូនទំនិញទៅច្រកព្រំដែន ដូចជាទៅច្រកទ្វារអន្តរជាតិកម្ពុជា-ថៃ និងងាយស្រួលក្នុងការដឹកទំនិញចេញចូលកំពង់ផែទឹកជ្រៅក្រុងព្រះសីហនុជាដើម ។
លោក ប៉ូ អ៊ាវគង់ អគ្គនាយកក្រុមហ៊ុន Advance Real Estate បានឱ្យដឹងថា តំបន់ប៉ែកខាងលិចជាពិសេសនៅបណ្ដោយផ្លូវជាតិលេខ៤ លេខ៤១ និង៥១ ជាតំបន់ដែលមានការទាក់ទាញលើការវិនិយោគលើរោងចក្រ សហគ្រាស និងឃ្លាំងស្តុកទំនិញ ពីព្រោះថាតំបន់ទាំងនេះងាយស្រួលភ្ជាប់ទៅកាន់ផ្លូវធំៗ ដូច្នេះនៅពេលវិនិយោគិនចង់បណ្ដាក់ទុនវិនិយោគលើរោងចក្រសហគ្រាស គេនឹងសម្លឹងទៅមើលតំបន់ទាំងនោះ ។
ក្នុងរយៈពេល ១ឆមាសក្នុងឆ្នាំ២០២៤នេះ ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគចំនួន១៩០គម្រោង ហើយគ្រាន់តែខេត្តកំពង់ស្ពឺ ស្វាយរៀង និងភ្នំពេញបានស្រូបយកគម្រោងវិនិយោគប្រមាណ១១០គម្រោងទៅហើយ ក្រៅពីនោះមានដូចជានៅខេត្តព្រះសីហនុ តាកែវ កណ្ដាល កំពង់ឆ្នាំង កំពង់ចាមកោះកុង កំពត ស្ទឹងត្រែង ត្បូងឃ្មុំ និងព្រះវិហារ ៕
Account
Security
Favourite Content