សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ស្ថានភាពតានតឹងរវាងអ៊ីស្រាអែល និងក្រុមហាម៉ាស បានរីករាលដាលទៅដល់បណ្តាប្រទេសភាគីផ្សេងទៀតចូលរួមមកពាក់ព័ន្ធ បូករួមទាំង លីបង់, អ៊ីរ៉ង់ ដែលជាអ្នកគាំទ្រក្រុមហាម៉ាស ខណៈដែលអាមេរិក ដែលជាអ្នកគាំទ្រអ៊ីស្រាអែល។
ការសងសឹងគ្នាទៅវិញទៅមករវាងអ៊ីស្រាអែល និងក្រុមហាម៉ាស បានកើនឡើងកំដៅកាន់តែខ្លាំង ជាពិសេសព្រឹត្តិការណ៍សម្លាប់មេដឹកនាំហាម៉ាស លោក Ismail Haniyeh នៅក្នុងទីក្រុងតេហរ៉ង់ បាន និងកំពុងធ្វើឲ្យមានការព្រួយបារម្ភកាន់តែខ្លាំងថា អាចមានការផ្ទុះឡើងនៃសង្គ្រាម និងបញ្ហាអសន្តិសុខនៅក្នុងតំបន់មជ្ឈិមបូព៍ាទាំងមូលប្រសិនបើការព្រមានសងសឹករបស់អ៊ីរ៉ង់ពិតជាត្រូវធ្វើឡើងក្នុងរូបភាពពេញកម្លាំងមែននោះ។
នៅក្នុងរយៈពេលប៉ុន្មានថ្ងៃក្រោយហេតុការណ៍ធ្វើឃាត ដោយសារមើលឃើញអំពីហានិភ័យ និងដើម្បីរារាំងសកម្មភាពរបស់អ៊ឺរ៉ង់ ក៏ដូចជា លីបង់ មកលើប្រទេសអ៊ឺស្រាអែលនោះរដ្ឋាភិបាលក្រុងវ៉ាស៊ីនតោនបានប្រកាសក្នុងការចល័តទ័ពជាច្រើនបន្ថែមទៀតចូលមកក្នុងតំបន់។
នៅដើមសប្តាហ៍នេះ អាមេរិកបានដាក់ពង្រាយកងអនុសេនាធំនៃយន្តហោះចម្បាំងមួយក្រុមមកដល់តំបន់មជ្ឈិមបូព៍ាបន្ថែមជាមួយនឹងនាវាផ្ទុកយន្តហោះចម្បាំងផង។ រដ្ឋបាល លោកប្រធានាធិបតីអាមេរិក Joe Biden បានពន្យល់ថា ការបង្កើនកម្លាំងទ័ពអាមេរិកនៅទីនេះស្ថិតនៅក្នុងគោលបំណងសំខាន់ដើម្បីការងាររដ្ឋាភិបាលយេរូសាឡឺមអំពីការវាយប្រហារណាមួយដោយអ៊ឺរ៉ង់ ឬក្នុងរូបភាពជាសង្គ្រាមប្រូកស៊ី (Proxies) ក្តី ក៏ដូចជាការពារយោធាអាមេរិកផ្សេងទៀតដែលកំពុងឈរជើង។
នៅក្នុងសេចក្តីថ្លែងការណ៍បន្ថែមដោយរដ្ឋមន្ត្រីការពារជាតិអាមេរិក លោក Lloyd Austin បានលើកឡើងថា សហរដ្ឋអាមេរិកនឹងដាក់ពង្រាយបន្ថែមនាវាចម្បាំងដែលអាចការពារមីស៊ីលឆ្លងទ្វីប និងនាវចម្បាំងជាច្រើនគ្រឿងផ្សេងទៀត ហើយបន្តដាក់ពង្រាយមីស៊ីលការពារដែនអាកាសដែលបាញ់ចេញពីដីគោកជាច្រើនប្រភេទផ្សេងទៀតដែរ។
អ្វីដែលយើងបានដឹងបន្ថែមពីនេះគឺថា ទីតាំងដែលកងអនុសេនាធំទាំងនោះមិនត្រូវបានប្រកាសនោះឡើយ សូម្បីតែការបញ្ជាក់ថាពួកគេមានប្រភពមកពីគោលដៅណានោះឡើយ។ យ៉ាងណាក្តី កន្លងមកគេដឹងហើយថា មានប្រទេស និងសម្ព័ន្ធមិត្តជាច្រើននៅក្នុងតំបន់មជ្ឈិមបូព៍ាតែងតែចង់ឲ្យសហរដ្ឋអាមេរិកបោះមូលដ្ឋានទ័ពនៅក្នុងទឹកដីរបស់គេប៉ុន្តែក៏មិនចង់ប្រកាសជាផ្លូវការឲ្យគ្រប់គ្នាដឹងនោះដែរ។
ដូច្នេះ យើងអាចមើលឃើញថា ការដាក់ពង្រាយក្រុមប្រយុទ្ធតាមផ្លវទឹកដ៏ធំរបស់អាមេរិកលើកនេះគឺគ្រាន់តែដើម្បីបង្កើនកម្លាំងឲ្យកាន់តែខ្លាំង និងកាន់តែច្រើននៅក្នុងតំបន់ប៉ុណ្ណោះ ដើម្បីត្រៀមខ្លួនឲ្យបានគ្រប់គ្រាន់ក្នុងករណីប៉ះទង្គិចគ្នាណាមួយកើតឡើង៕
Account
Security
Favourite Content