សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ភ្នាក់ងារជាតិទទួលបន្ទុកភស្តុភារកម្មសម្រាប់វិស័យការពារជាតិ Norwegian Defense Material Agency នៃប្រទេសន័រវេសនៅក្នុងសប្តាហ៍នេះបានប្រកាសថា ខ្លួនទើបតែទទួលបានយន្តហោះចម្បាំងថ្មីប្រភេទ F-35A ចំនួន៣គ្រឿងបន្ថែមទៀត។
យន្តហោះចម្បាំងទាំងនេះបានធ្វើឲ្យន័រវេសបានក្លាយជាប្រទេសដែលមានវត្តមានយន្តហោះចម្បាំងម៉ូដេលទំនើបបំផុតបរស់អាមេរិក F-35 សរុបចំនួន៤៩គ្រឿងរួចមកហើយ និងបន្តដឹកជញ្ជូនបន្ថែម៣គ្រឿងទៀតនៅរដូវក្តៅខាងមុខស្របតាមផែនការបញ្ជាទិញកាលពីពេលកន្លងទៅ។
F-35A ទាំង ៣គ្រឿង បានចុះចតនៅទឹកដីន័រវេសកាលពីថ្ងៃទី២៧ ខែកុម្ភៈ ឆ្នាំ២០២៥ ដែលនឹងចាប់ផ្តើមប្រតិបត្តិការរបស់ខ្លួននៅមូលដ្ឋានទ័ពអាកាស Orland Air Station។ គួរឲ្យដឹងដែរថា គិតត្រឹមរយៈពេល៣ខែចុងក្រោយនេះ ន័រវេស ទទួលបាន F-35 សរុប ចំនួន ៩គ្រឿង។
ស្របពេលដែលប្រទេសន័រវេសបញ្ជាទិញយន្តហោះចម្បាំងស៊េរីទំនើបទាំងនេះ អ្នកជំនាញជាច្រើនបានព្យាករណ៍ថា អនាគតនៃកម្លាំងយន្តហោះចម្បាំង F-35 ដែលមាននៅក្នុងទ្វីបអឺរ៉ុប និងនៅអាមេរិកគឺស្ថិតនៅផ្លូវបំបែកដ៏សំខាន់មួយទាក់ទងនឹងសង្គ្រាមនៅអ៊ុយក្រែន និងជោគវាសនានៃការគាំទ្រយោធារបស់សហរដ្ឋអាមេរិកនៅក្នុងអង្គការណាតូ។
តាមការរំពឹងទុករបស់ក្រុមហ៊ុន Lockheed Martin នឹងអាចផ្គត់ផ្គង់យន្តហោះចម្បាំង F-35 សរុបចំនួនច្រើនជាង៦០០គ្រឿងនៅទូទាំងទ្វីបអឺរ៉ុបនៅត្រឹមឆ្នា២០៣៥។ យ៉ាងណាក្តី ចំពោះវត្តមានយន្តហោះចម្បាំង F-35 នៅក្នុងប្រទេសន័រវេសគេអាចសន្និដ្ឋានបានថា ស្ថានភាពសន្តិសុខនៅក្នុងតំបន់អឺរ៉ុបគឺមិនស្ថិតស្ថេរដូចពីមុននោះទេ ពីព្រោះថា ន័រវេសនេះដែលជាប្រទេសជាប់ឈ្មោះថាមានសុវត្ថិភាពបំផុតជាងគេរបស់ពិភពលោកអស់រយៈពេលជាច្រើនឆ្នាំមកហើយ Word Saftest Country មកហើយនោះ ក៏បង្កើនសមត្ថភាពក្នុងវិស័យយោធារបស់ខ្លួនដែរ៕
Account
Security
Favourite Content