សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នៅក្នុងឆ្នាំ២០២២ កំណើនប្រតិបត្តិការទូទាត់ប្រាក់តាមប្រព័ន្ធឌីជីថលនៅក្នុងប្រទេសកម្ពុជាមានការកើនឡើងខ្ពស់ធៀបនឹងឆ្នាំ២០២១កន្លងទៅ ហើយតាមរយៈកំណើននៃការទូទាត់តាមប្រព័ន្ធឌីជីថលនេះដែរបានជំរុញឱ្យបណ្ដាធនាគារនានាបង្កើនការផ្គត់ផ្គង់សេវាកម្មថ្មីៗដោយផ្ដោតលើប្រព័ន្ធឌីជីថល ។
ថ្លែងនៅក្នុងពិធីបើកសម្ពោធសាខាអ៊ីអនមានជ័យកាលពីព្រឹកថ្ងៃទី៦ ខែមករា ឆ្នាំ២០២៣ លោកស្រី សុខ សោភា នាយិកាប្រតិបត្តិជាន់ខ្ពស់ផ្នែកទីនៃធនាគារអេស៊ីលីដា ភីអិលស៊ី បានមានប្រសាសន៍ថា ក្នុងឆ្នាំ២០២២ ដែលទើបកន្លងទៅថ្មីៗនេះ ជាកត់សម្គាល់ឃើញថា កំណើននៃការប្រើប្រាស់លើឌីជីថលកើនឡើង៨០ភាគរយលើសាច់ប្រាក់ដែលអតិថិជនធ្វើប្រតិបត្តិការលើឌីជីថល ហើយ៧៨ភាគរយលើចំនួនប្រតិបត្តិការ។
លោកស្រីបន្តថា ៖
“កាលពីឆ្នាំ២០២១ ចំនួនទឹកប្រាក់ដែលធ្វើប្រតិបត្តិការតាមប្រព័ន្ធឌីជីថលមានចំនួនជាង ៨៨លានដុល្លារអាមេរិក ហើយក្នុងឆ្នាំ២០២២ទឹកប្រាក់ធ្វើប្រតិបត្តិការតាមឌីជីថលមានចំនួន ១៣៧លានដុល្លារអាមេរិក ដូច្នេះមានកំណើនខ្ពស់ ។ ចំណែកចំនួនប្រតិបត្តិការវិញឃើញថាបានកើនឡើងពី ៧៧លានប្រតិបត្តិការក្នុងឆ្នាំ២០២១ កើនឡើងដល់ ១៣៧លានប្រតិបត្តិការ”
លោកស្រីបន្ថែមថា ៖
“តាមរយៈកំណើននៃប្រតិបត្តិការតាមប្រព័ន្ធឌីជីថលក្នុងឆ្នាំ២០២២កន្លងទៅនេះបានបញ្ជាក់ពីចំណេះដឹងរបស់អតិថិជនក្នុងការប្រើប្រាស់ប្រព័ន្ធបច្ចេកវិទ្យាក្នុងវិស័យហិរញ្ញវត្ថុកាន់តែប្រសើរ និងមានអ្នកប្រើប្រាស់បច្ចេកវិទ្យាឌីជីថលក្នុងវិស័យធនាគារក៏កើនឡើងខ្ពស់ផងដែរ ។ តាមរយៈកំណើននេះធ្វើឱ្យធនាគារអេស៊ីលីដាត្រូវបង្កើនការផ្គត់ផ្គង់សេវាកម្មនេះបន្ថែមទៀត ជាក់ស្ដែងសាខាអេស៊ីលីដា អ៊ីអនមានជ័យ មានបំពាក់នូវម៉ាស៊ីនធ្វើប្រតិបត្តិការដោយស្វ័យប្រវត្តិ ព្រមជាមួយនឹងបុគ្គលិករង់ចាំបម្រើអតិថិជនរៀងរាល់ថ្ងៃ ចាប់ពីម៉ោង៩ព្រឹកដល់ម៉ោង៧ល្ងាច”
លោកស្រី កែប ពិសី នាយិកាសាខានៃធនាគារអេស៊ីលីដាអ៊ីអនមានជ័យបានឱ្យដឹងថា សម្រាប់សាខាអ៊ីអនមានជ័យគឺដូចនឹងសាខាដទៃទៀតដែរ មានបម្រើសេវាកម្មដូចគ្នា តែសាខានេះគឺបម្រើអតិថិជនរៀងរាល់ថ្ងៃ ពីព្រោះតែទីតាំងគឺស្ថិតនៅក្នុងផ្សារទំនើបដែលអតិថិជនអាចសួរនាំព័ត៌មាននានា ឬក៏ដកដាក់ប្រាក់នៅក្នុងធនាគារអេស៊ីលីដាបានផងដែរ ៕
Account
Security
Favourite Content