សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ឡជីវឧស្ម័នគឺជាឡដែលផ្ដល់ថាមពលអគ្គីសនីសម្រាប់ប្រើប្រាស់ប្រចាំថ្ងៃ ដើរដោយលាមកសត្វ។ វាអាចផ្ដល់ផលប្រយោជន៍ និងសម្រួលនូវការចំណាយ បានមួយផ្នែកទៅដល់ក្រុមគ្រួសារដែលរស់ នៅតាមបណ្ដាខេត្ត ឬតាមជនបទនានា។
កំពង់ចាម គឺជាខេត្តមួយក្នុងចំណោមខេត្តផ្សេងៗទៀតដែលមានប្រជាជន ជាពិសេសកសិករនិយមប្រើប្រាស់ឡជីវឧស្ម័នច្រើនជាងគេ ដោយគិតមកទល់ពេលនេះមានប្រមាណជាង 2,000គ្រួសារដែលកំពុងប្រើប្រាស់ឡជីវឧស្ម័ន។ នេះបើតាមការលើកឡើងរបស់លោក ស្រេង សុខខេង មន្ត្រីបច្ចេកទេសកម្មវិធីឡជីវឧស្ម័នខេត្តកំពង់ចាម។
លោក ស្រេង សុខខេង បានមានប្រសាសន៍ប្រាប់ AMS ថា ៖
“ឡជីវឧស្ម័នអាចផ្ដល់ផលប្រយោជន៍ជាច្រើនដល់បងប្អូនប្រជាកសិករដែលប្រើប្រាស់ ដែលសូម្បីតែកាកសំណល់លាមកសត្វដែលចេញពីឡមកវិញហើយក៏អាចយកទៅប្រើប្រាស់ជាជីធម្មជាតិសម្រាប់ដំណាំបានទៀត។ អ្វីដែលកាន់តែសំខាន់ទៀតនោះគឺឡជីវឧស្ម័នអាចជួយដល់ផ្នែកធំៗចំនួន3គឺក្នុងពេលតែមួយរួមមាន សេដ្ឋកិច្ច បរិស្ថាន និងសង្គមៗ”
លោកបានរៀបរាប់លម្អិតឱ្យដឹងថា ចំពោះសេដ្ឋកិច្ច កសិករកាត់បន្ថយចំណាយក្នុងការទិញអុស ឬហ្គាស និងអាគុយ ឬតបណ្ដាញអគ្គិសនីនោះទេ ដែលទាំងអស់នេះបើគិតជាឆ្នាំគឺពួកគាត់យ៉ាងហោចណាសអាចចំណេញបានប្រាក់ជាង1លានរៀលមួយឆ្នាំ ឬ10ម៉ឺនរៀលក្នុង1ខែ។ ការសាងសង់ ឡជីវឧស្ម័នក៏បានចូលរួមនៅការថែរក្សាបរិស្ថានបានមួយចំណែកផងដែរក្នុងការជួយកាត់បន្ថយការកាប់ដើមឈើតូចៗយកមកធ្វើអុស ធ្យូង ជាពិសេសបានចូលរួមកាត់បន្ថយឧស្ម័នផ្ទះកញ្ចក់បានប្រមាណ700ពាន់តោនរួចមកហើយ។ ដោយឡែកសម្រាប់សង្គមគ្រួសារកសិករដោយ ផ្ទាល់ក៏អាចកាត់បន្ថយក្លិនលាមកសត្វ និងជួយបង្កើនសោភ័ណភាពទីធ្លាជុំវិញផ្ទះផងដែរ។ ចំណែកឯសង្គមសាធារណៈវិញ អាចជួយកាត់បន្ថយហានិភ័យដល់គ្រួសារកសិករណាដែលចេញទៅរកអុសឆ្ងាយៗ ជាពិសេសសុវត្ថភាពរបស់កុមារ និងស្ត្រីក្នុងពេលចេញទៅរកអុសក្នុងព្រៃ។
ក្រៅពីនេះ លោកបានបញ្ជាក់ទៀតថា ឡជីវឧស្ម័នត្រូវបានធ្វើឡើងមានពីរប្រភេទគឺ ឡឥដ្ឋ និងឡស្មាច់ ដោយប្រភេទនីមួយៗ មានការសាងសង់ទៅតាមទំហំ និងតម្លៃខុសៗគ្នា។ សម្រាប់ឡឥដ្ឋគឺមានទំហំ 3ម៉ែត្រគូប 4ម៉ែត្រគូប 6ម៉ែត្រគូប 8ម៉ែត្រគូប 10ម៉ែត្រគូប និង15ម៉ែត្រគូប ប៉ុន្តែជាទូទៅកសិករភាគច្រើនសង់ទំហំ 3ម៉ែត្រគូបដែលមានតម្លៃជាង400ដុល្លារ 4ម៉ែត្រគូបមានតម្លៃជាង500ដុល្លារ និង6ម៉ែត្រគូបមានតម្លៃជាង700ដុល្លារ។ ចំពោះឡស្មាច់គឺមានទំហំ និងតម្លៃដូចជា 4ម៉ែត្រគូបតម្លៃ550ដុល្លារ 7ម៉ែត្រគូបតម្លៃ 750ដុល្លារ និង 9ម៉ែត្រគូបមានតម្លៃ950ដុល្លារ។
សម្រាប់ការសាងសង់ឡជីវឧស្ម័ននីមួយៗគឺមានទម្រង់ផ្សេងគ្នា ដោយប្រភេទឡឥដ្ឋគឺសង់ជារាងសាជី ហើយ ចំណាយពេលក្នុងការសាងសង់ជាងមួយសប្ដាហ៍ ហើយទម្រាំបានហ្គាសប្រើសរុបប្រហែល 2សប្ដាហ៍។ ដោយឡែកសម្រាប់ឡស្មាច់គឺមិនទាមទាររយៈពេលយូរនោះទេ ពោលគឺត្រឹមតែមួយថ្ងៃអាចរួចរាល់ជាស្រេច ខណៈដែលតម្រូវការនៃសាងសង់ឡជីវឧស្ម័នទាំង2ប្រភេទគឺត្រូវទាមទារដីទំហំចាប់ពី 5-10ម៉ែត្រការ៉េ។
លោក ចឺម សាវុធ ជាកសិករមួយរូបដែលប្រើប្រាស់ឡជីវឧស្ម័នបានមានប្រសាសន៍ប្រាប់ថា តាំងពីមានឡនេះមក លោកមិន ដែលបារម្ភរឿងផ្ទុះហ្គាសពេលចម្អិនអាហារ ឬខ្លាចភ្លើងឆេះអីទៀតទេ ហើយរឹតតែមិនពិបាករកទិញអុសទៀតដែរ។
លោកបញ្ជាក់ថា ៖
“កាលពីមិនទាន់មានឡ ជាទូទៅយើងទិញអុសគេក្នុងមួយឆ្នាំៗហោចណាស់ក៏ 4-5 គោយន្ដដែរ តែបន្ទាប់ពីមានឡប្រើប្រាស់ហើយ យើងអាចចំណេញលុយទិញអុស និងហ្គាស ហើយថែមទាំងអាចប្រើអំពូលភ្លើងបាន 2-3អំពូលទៀតផង។ ដោយឡែក ក្រៅពីកាកសំណល់ចេញពីឡ យើងអាចយកវាធ្វើជាជីលេខមួយ ហើយក៏អាចយកវាទៅលាយជាមួយកន្ទក់ ឬចំបើងសម្រាប់ឲ្យសត្វចញ្ចឹមយើងស៊ីវិញបានទៀត”
គម្រោងឡជីវឧស្ម័នថ្នាក់ជាតិត្រូវបានបង្កើតឡើងកាលពីឆ្នាំ2006 ក្រោមការគាំទ្រពីសំណាក់ក្រសួងកសិកម្ម រុក្ខប្រមាញ់ និងនេសាទ សហការជាមួយអង្គការ SNV ដែលជាអង្គការរបស់ប្រទេសហូឡង់។ គិតមកដល់បច្ចុប្បន្នគម្រោងឡជីវឧស្ម័នថ្នាក់ជាតិសម្រេចបានការសាងសង់ឡសរុបចំនួន 27,000ឡ ស្ថិតនៅតាមបណ្តាខេត្តគោលដៅចំនួន15។ សម្រាប់ការសាងសង់ឡនីមួយៗ គម្រោងបានផ្ដល់ឲ្យកសិករនូវទឹកប្រាក់ឧបត្ថម្ភចំនួន200ដុល្លារ អាវយឺតមួយ ឆ្នាំងដាំបាយអគ្គិសនីមួយ និងចង្កៀងអគ្គិ សនីមួយ ជាមួយនឹងបណ្ណធានាសម្រាប់រយៈពេល2ឆ្នាំទៀតផង។
បច្ចុប្បន្ន កម្មវិធីគម្រោងឡជីវឧស្ម័នមានក្ដីរំពឹងខ្ពស់ថានឹងមានភាពរីកលូតលាស់ ធំជាងមុនដោយកម្មវិធីឡជីវឧស្ម័នថ្នាក់ជាតិមានគោលនយោបាយត្រៀមនឹងអនុវត្តឆាប់ៗខាងមុខនេះ ម៉្យាងទៀតឡខ្នាតធំក៏កំពុងតែមានការចាប់អារម្មណ៍ជាខ្លាំងពីសំណាក់ម្ចាស់កសិដ្ឋានចិញ្ចឹមសត្វធំៗផងដែរ៕
[ads-global layout_id=6 position_id=1 ads_size=2]
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អាហ្វ្រិកខាងត្បូង ចង់រឹតចំណងសេដ្ឋកិច្ច និងពាណិជ្ជកម្មឱ្យកាន់តែរឹងមាំជាមួយឥណ្ឌា
ព្រឹត្តិការណ៍, អាជីវកម្មថ្មី និងនវានុវត្ត
• 15/09/2026
បរទេស ៖ អាហ្វ្រិកខាងត្បូង កំពុងជំរុញការផ្លាស់ប្តូរពាណិជ្ជកម្ម និងការវិនិយោគដោយផ្ទាល់ជាមួយឥណ្ឌាលើវិស័យសំខាន់ៗជាច្រើន ដូចជា រ៉ែយុទ្ធសាស្ត្រ ឧស្សាហកម្មបៃតង ហេដ្ឋារចនាសម្ព័ន្ធ កសិកម្ម និងសេដ្ឋកិច្ចឌីជីថល ខណៈដែលបច្ចុប្បន្ននេះ ឥណ្ឌា គឺជាដៃគូពាណិជ្ជកម្មធំជាងគេទី៤ របស់អាហ្វ្រិកខាងត្បូង ដោយក្នុងនោះមានក្រុមហ៊ុនឥណ្ឌាជាង ១៥០ បានបណ្តាក់ទុនសរុបលើសពី ១០ ពាន់លានដុល្លារ
រដ្ឋាភិបាលសម្រុកចែកបណ្ណកម្មសិទ្ធិដីធ្លីដែលបានវាស់វែង និងចុះបញ្ជីរួចជូនប្រជាពលរដ្ឋទូទាំងប្រទេស ដើម្បីប្រើប្រាស់តាមការចាំបាច់
Top News, ព្រឹត្តិការណ៍, អចលនទ្រព្យ
• 15/09/2026
ភ្នំពេញ ៖ បន្ទាប់ពីបានវាស់វែង និងចុះបញ្ជីរួច រាជរដ្ឋាភិបាលដែលមានក្រសួងរៀបចំដែនដី នគរូបនីយកម្ម និងសំណង់ ជាសេនាធិការបានសម្រុកចែកវិញ្ញាបនបត្រ ឬបណ្ណសម្គាល់ម្ចាស់កម្មសិទ្ធិដីធ្លីជូនប្រជាពលរដ្ឋតាមបណ្ដាខេត្តដែលបានបញ្ចប់ការវាស់វែង និងចុះបញ្ជីរួចរាល់ជាស្ថាពរ ជាក់ស្ដែង កាលពីសប្ដាហ៍កន្លងទៅនេះ រដ្ឋមន្ត្រីក្រសួងរៀបចំដែន នគរូបនីយកម្ម និងសំណង់ រួមជាមួយនឹងមន្ត្រីជាន់ខ្ពស់កម្ពុជាជាច្រើនរូបទៀត បានចុះប្រគល់បណ្ណជូនពលរដ្ឋក្នុងខេត្តគោលដៅជាច្រើន។ យោងតាម ក្រសួងរៀបចំដែនដី នគរូបនីយកម្ម
រដ្ឋមន្ត្រីពាណិជ្ជកម្ម ៖ កិច្ចព្រមព្រៀង DEFA រំពឹងជួយជំរុញទំហំសេដ្ឋកិច្ចឌីជីថលអាស៊ានកើនឡើង ២ទ្រីលានដុល្លារអាម៉េរិក ក្នុងឆ្នាំ២០៣០
ជំនួញ, ព្រឹត្តិការណ៍, សេដ្ឋកិច្ច
• 14/09/2026
ភ្នំពេញ ៖ កិច្ចព្រមព្រៀង DEFA ( Digital Economy Framework Agreement ) ជាកិច្ចព្រមព្រៀងកម្រិតតំបន់អាស៊ានដំបូងគេបង្អស់លើពិភពលោក ដែលផ្ដោតជាពិសេសទៅលើការជួយសម្រួល និងពង្រឹងពាណិជ្ជកម្មតាមប្រព័ន្ធឌីជីថល និងសេដ្ឋកិច្ចឌីជីថលរវាងប្រទេសសមាជិកអាស៊ានទាំង១០ ។ កិច្ចព្រមព្រៀងនេះ គ្រោងនឹងចុះហត្ថលេខានៅអំឡុងខែវិច្ឆិកាខាងមុខនេះក្នុងកិច្ចប្រជុំកំពូលអាស៊ាននៅប្រទេសហ្វីលីពីន ដោយរំពឹងថា វានឹងជំរុញការធ្វើសេដ្ឋកិច្ចអនឡាញកើនឡើងទ្វេដង។ លោកជំទាវ
ចិន បង្ហាញគោលបំណងពង្រឹងតួនាទីមាស និងប្រាក់យ័នរបស់ខ្លួន នៅក្នុងកិច្ចប្រជុំកំពូលនៃបណ្តាប្រទេសជាសមាជិក BRICS
ព្រឹត្តិការណ៍, អាជីវកម្មថ្មី និងនវានុវត្ត
• 14/09/2026
បរទេស ៖ នៅក្នុងកិច្ចប្រជុំកំពូលនៃបណ្តាប្រទេសជាសមាជិក BRICS ដែលប្រព្រឹត្តទៅនៅក្នុងប្រទេសឥណ្ឌាកាលពីថ្ងៃចុងសប្តាហ៍កន្លងទៅនេះ រដ្ឋាភិបាលក្រុងប៉េកាំង បានបង្ហាញពីគោលបំណងពង្រឹងនូវតួនាទីរបស់មាសនៅក្នុងពិភពលោក ខណៈដែលខ្លួនកំពុងបង្កើនស្តុកទុកមាសដ៏សន្ធឹកសន្ធាប់ និងចង់ជំរុញការប្រើប្រាស់រូបិយប័ណ្ណជាតិ(លុយយ័ន)ឱ្យកាន់តែច្រើនឡើង ព្រមទាំងទទួលយកប្រព័ន្ធទូទាត់ប្រាក់ជម្រើសថ្មីៗផងដែរសម្រាប់សមាជិក និងដៃគូពាណិជ្ជកម្មដែលបានចូលរួម។ អត្ថបទមួយដែលបានចេញផ្សាយដោយកាសែតប៊ុលហ្គារី Novinata បានសរសេរថា ប្រទេសចិន នៅតែបន្តបង្កើនការស្តុកទុកមាសរបស់ខ្លួន ព្រមទាំងខិតខំពង្រីកឥទ្ធិពលទីផ្សារនៃការប្រើប្រាស់ប្រាក់យ័ននៅលើឆាកអន្តរជាតិឱ្យកាន់តែទូលាយ ដើម្បីអាចកាត់បន្ថយការពឹងផ្អែកលើប្រាក់ដុល្លារអាមេរិក ដែលកំពុងក្ក្លាយជាប្រធានបទដ៏សំខាន់មួយសម្រាប់បណ្តាប្រទេសកំពុងអភិវឌ្ឍន៍ ជាពិសេសគឺ
ក្រសួងរៀបចំដែនដីបង្ហាញទិសដៅថ្មីក្នុងការគ្រប់គ្រងតំបន់អង្គរ ដើម្បីពលរដ្ឋងាយស្រួលរស់នៅ និងប្រកបរបរចិញ្ចឹមជីវិត
Top News, ព្រឹត្តិការណ៍, សេដ្ឋកិច្ច
• 14/09/2026
សៀមរាប ៖ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានបង្ហាញទិសដៅថ្មីក្នុងការគ្រប់គ្រង និងអភិវឌ្ឍតំបន់អង្គរ ដើម្បីធានាកិច្ចការពារប្រាសាទ និងផ្តល់ភាពកក់ក្តៅដល់ពលរដ្ឋក្នុងការរស់នៅ និងប្រកបមុខរបរចិញ្ចឹមជីវិតឱ្យប្រសើរ។ ក្រសួងរៀបចំដែនដី នគរូបនីយកម្ម និងសំណង់ បានដាក់ចេញនូវទស្សនទាន និងយុទ្ធសាស្ត្រគន្លឹះថ្មីក្នុងការគ្រប់គ្រង និងអភិវឌ្ឍតំបន់អង្គរ តាមរយៈការថ្លឹងថ្លែងឱ្យមានតុល្យភាពរវាង «ការអភិរក្សមរតកដូនតា» និង «សុខុមាលភាព
[ads-global layout_id=6 position_id=2 ads_size=2]
កម្មវិធីពិសេសរបស់ AMS ECONOMY
Account
Security
Favourite Content