សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជាការពិត តម្រូវការប្រជាជនក្នុងស្រុកទៅលើការហូបសាច់ត្រី ក៏ដូចជាទីផ្សាត្រីដែលនៅមិនទាន់ក្ដោបក្ដាប់បាន ជាបញ្ហាចម្បងសម្រាប់ស្ថិរភាពទីផ្សារនេះ។ ដោយឡែក ការនាំចូលពីប្រទេសជិតខាង ជាពិសេសវៀតណាម បានបង្កឲ្យលទ្ធភាពចិញ្ចឹមក្នុងស្រុកមិនអាចប្រកួតប្រជែងលើបញ្ហាតម្លៃបាន ជាហេតុធ្វើឲ្យប៉ះពាល់វារីវប្បករនៅក្នុងស្រុក។
កាលពីពេលថ្មីៗកន្លងមកនេះ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជាបានប្រកាសអំពីលទ្ធភាពនៃការបើកចំហទីផ្សារយក្សចិនទទួលយកត្រីប្រាពីកម្ពុជា ដែលនេះជាក្ដីសង្ឃឹមថ្មីមួយផងដែរសម្រាប់បងប្អូនវារីវប្បករ។ ទោះជាយ៉ាងនេះក្ដី អ្នកជំនាញបានមើលឃើញថា ចំណុចខ្វះខាត និងបញ្ហាមួយចំនួននៅតែមាន ពាក់ព័ន្ធទៅនឹងការពង្រឹងខ្លួន និងលទ្ធភាព ដើម្បីឈានទៅដល់ស្ដង់ដារនាំចេញបាន។
លោក សុខ រ៉ាដែន ប្រធានក្រុមប្រឹក្សាភិបាលសមាគមវារីវប្បករកម្ពុជាបានបញ្ជាក់អំពីស្ថានភាពទូទៅរបស់វារីវប្បករកម្ពុជាថា បច្ចុប្បន្ននេះ អ្នកចិញ្ចឹមត្រីមានទាំងរឿងល្អ និងរឿងមិនល្អ។ ល្អត្រង់ថា វារីវប្បករមួយចំនួនមានបច្ចេកទេស និងបទពិសោធន៍ក្នុងការចិញ្ចឹមត្រីប្រាស្រាប់ហើយចំពោះរឿងមិនល្អគឺត្រង់ថាពួកគេមិនមានបឹងទូលាយ វិបត្តិទីផ្សារដែលចិញ្ចឹមហើយមិនមានទីផ្សារទូលាយ ហើយតម្លៃចំណីក៏ថ្លៃ។
លោកបន្តថា ៖
“បើដូចប្រសាសន៍របស់សម្ដេច ដែលថាយើងនឹងមានការនាំចេញទៅកាន់ប្រទេសចិន ជាយុទ្ធសាស្ត្រ ត្រូវមានប្រព័ន្ធទឹក ប្រឡាយទឹកឲ្យបានល្អជាហូរហែទាំងខែប្រាំង និងវស្សា…ត្រូវមានពូជល្អ ពិសេសបំផុតនោះគឺចំណី យើងផលិតបានតិចតួចទេនៅក្នុងស្រុក ប៉ុន្តែការចិញ្ចឹមរបស់បងប្អូនវារីវប្បករនឹងមានចំនួនច្រើន ហើយការនាំចូលចំណីគឺស្ទើរតែទាំងស្រុង ដូច្នេះដើម្បីឲ្យការនាំចេញត្រីមានគុណភាពទៅចិនបាន យើងត្រូវមានប្រភពអស់ទាំងហ្នឹង”
លោកបណ្ឌិត គី សេរីវឌ្ឍន៍ នាយកនៃមជ្ឈមណ្ឌលសិក្សាចិន និងជាអ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជាក៏បានបញ្ចេញទស្សនៈផងដែរថា នេះគឺជាការបើកឱកាសមួយដើម្បីបង្កើនវារីវប្បកម្មក្នុងការចិញ្ចឹមសត្វក្នុងទឹកដើម្បីទទួលបានការចិញ្ចឹមដែលល្អជាងមុន ហើយលោកបង្ហាញការជឿជាក់ដែរថា នឹងមានការចិញ្ចឹមកាន់តែច្រើនថែមទៀត ដែលការចិញ្ចឹមនេះអាចជំរុញឲ្យមានកំណើនសេដ្ឋកិច្ចកម្ពុជាផងដែរ។
មិនខុសគ្នាប៉ុន្មានពីប្រធានក្រុមប្រឹក្សាភិបាលសមាគមវារីវប្បករកម្ពុជា លោកបណ្ឌិត គី សេរីវឌ្ឍន៍ ក៏បានគូសបញ្ជាក់ពីចំណុចត្រូវពង្រឹងបន្ថែមរបស់វិស័យនេះថា ៖
“ដើម្បីឲ្យការនាំចេញកាន់តែប្រសើរគឺយើងត្រូវតែគិតទៅដល់ការរក្សាស្តង់ដារនៅក្នុងផលិតកម្ម…នៅក្នុងផលិតកម្មត្រូវមានចំណី ដែលត្រូវតាមស្តង់ដារដោយមិនប្រើអរម៉ូនច្រើន! ម៉្យាងទៀតត្រូវគិតទៅលើ Supply chain ដែលជាការផ្គត់ផ្គង់ចំណីដោយខ្លួនឯងជាជាងការទៅទិញចំណីពីក្រៅប្រទេសមក”
គួរបញ្ជាក់ថា ឯកអគ្គរដ្ឋទូតសាធារណរដ្ឋប្រជាមានិតចិនប្រចាំនៅកម្ពុជា លោក វ៉ាង វិនធាន បានឱ្យដឹងនៅក្នុងពិធីសម្ពោធដាក់ឱ្យប្រើប្រាស់ផ្លូវជាតិលេខ១១ កាលពីថ្ងៃទី៦ ខែធ្នូ ឆ្នាំ២០២១ថា ប្រទេសចិនបានសម្រេចអនុញ្ញាតចំពោះការនាំចូលត្រីប្រាពីកម្ពុជាទៅទីផ្សារប្រទេសចិន ខណៈដែលមន្ត្រីជំនាញដែលពាក់ព័ន្ធកំពុងសិក្សាឯកសារនៃកិច្ចព្រមព្រៀង និងកម្រិតគុណភាព៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្ពុជា នឹងសភាពាណិជ្ជកម្មអឺរ៉ុប ពន្លឿនការធ្វើទំនើបកម្មប្រព័ន្ធដឹកជញ្ជូន និងវិស័យភស្តុភារកម្មជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 08/07/2026
កម្ពុជាកំពុងពន្លឿនការធ្វើទំនើបកម្មប្រព័ន្ធដឹកជញ្ជូន និងភស្តុភារកម្មជាតិ ដើម្បីប្រែក្លាយខ្លួនជា «មជ្ឈមណ្ឌលភស្តុភារកម្មតំបន់» ដ៏មានសុពលភាព
ឥណ្ឌាលក់មីស៊ីលទំនើប BrahMos ឱ្យសមាជិក BRICS មួយទៀតក្នុងតំបន់អាស៊ាន
ព្រឹត្តិការណ៍, អាជីវកម្មថ្មី និងនវានុវត្ត
• 08/07/2026
សប្តាហ៍នេះ ឥណ្ឌាទើបតែសម្រេចបានកិច្ចព្រមព្រៀងក្នុងការលក់ចេញមីស៊ីលទំនើបល្បឿនលឿនមួយប្រភេទទៅឱ្យដៃគូរបស់ខ្លួនម្នាក់ទៀតក្នុងតំបន់អាស៊ាន គឺប្រទេសឥណ្ឌូនេស៊ី
កំណាត់ផ្លូវជាតិលេខ៧ ពីស្គន់ទៅ ក្រុងកំពង់ចាម នឹងផ្ដល់អត្រាចំណេញផ្នែកសេដ្ឋកិច្ចដល់កម្ពុជារហូតដល់ ១៥,២៧ ភាគរយ
Top News, ព្រឹត្តិការណ៍, សេដ្ឋកិច្ច
• 07/07/2026
កំណាត់ផ្លូវជាតិលេខ៧ ភ្ជាប់ពីរង្វង់មូលស្គន់ ដល់គល់ស្ពានគីហ្សូណា ក្រុងកំពង់ចាម ដែលត្រូវបានសាងសង់ឡើងវិញពី ២គន្លង ទៅ ៤គន្លង ត្រូវបានសម្ពោធដាក់ឱ្យប្រើប្រាស់ជាផ្លូវការហើយកាលពីព្រឹកថ្ងៃទី៧ ខែកក្កដា ឆ្នាំ២០២៦
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content