សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ខេត្តកំពង់ធំ ៖ មន្រ្តីជាន់ខ្ពស់នៃក្រសួងបរិស្ថានបានអះអាងថា តាមរយៈការអនុវត្តគម្រោងនិរន្តភាពតំបន់ទេសភាព និងទេសចរណ៍ធម្មជាតិកម្ពុជា ជាចំណែកមួយនៃការចូលរួមការពារធនធានធម្មជាតិក៏ដូចជាជួយដល់ប្រជាសហគមន៍មូលដ្ឋានអាចពង្រឹងខ្លួនឱ្យរឹងមាំរយៈពេលយូរក្នុងការរកប្រាក់ចំណូលដោយមិនមកពឹងផ្អែកទាំងស្រុង លើធនធានធម្មជាតិបន្តទៅទៀត។
ឯកឧត្តម សៅ សុភាព រដ្ឋលេខាធិការក្រសួងបរិស្ថានបានមានប្រសាសន៍កាលពីថ្ងៃចុងសប្ដាហ៍កន្លងទៅថា គម្រោងនេះមានការប៉ះពាល់ដោយសារការផ្ទុះឡើងនៃជំងឺកូវីដ-១៩ ប៉ុន្តគម្រោង បានជំរុញដល់យើងក្នុងការរៀបចំនូវគោលដៅទេសចរណ៍ធម្មជាតិដើម្បីបង្កើតចំណូលសហគមន៍មូលដ្ឋានក៏ដូចជាប្រជាពលរដ្ឋកម្ពុជាទូទាំងប្រទេស។ ការបង្កើតនូវមូលដ្ឋានទេសធម្មជាតិនេះតាមរយៈរាជរដ្ឋាភិបាលក៏ដូចជាក្រសួងបរិស្ថានគឺយើងធ្វើយ៉ាងណាឱ្យមាននិរន្តភាពបានយូរអង្វែងដើម្បីប្រយោជន៍ដល់ប្រជាពលរដ្ឋកូនចៅជំនាន់ក្រោយ។
ឯកឧត្តម ចាន់ តារា អភិបាលរងនៃអភិបាលខេត្តកំពង់ធំ បានថ្លែងផងដែរថា តាមរយៈការអនុវត្តគម្រោងនិរន្តភាពតំបន់ទេសភាព និងទេសចរណ៍ធម្មជាតិកម្ពុជានេះបានលើកស្ទួយដល់ជីភាពរបស់ប្រជាសហគមន៍រស់នៅជុំវិញបឹងទន្លេសាបក៏ដូចជាតំបន់មួយចំនួនទៀត។ រដ្ឋបាលខេត្តកំពង់ធំនឹងចូលរួមដើម្បីការអភិវឌ្ឍន៍នូវគម្រោងសំដៅធ្វើយ៉ាងណាឱ្យមានការរីកចម្រើននិងការអភិវឌ្ឍន៍តាមសហគមន៍មូលដ្ឋានក៏ដូចជាលើកស្ទួយជីវភាពរបស់ប្រជាសហគមន៍មូលដ្ឋាន។
ដោយឡែក លោក រ៉ូស ស៊ីនគ្លែរ (ROSS SINCLAIR) តំណាងធនាគារពិភពលោកបានថ្លែងតាមរយៈ ZOOM ថា កន្លងមកគេឃើញគម្រោងនេះបានជួយឱ្យមានការរីកចម្រើនឡើងនៃវិស័យទេសចរណ៍ដោយមានកិច្ចសហការពីវិស័យឯកជនក៏ដូចជាម្ចាស់គម្រោង។ លោកបានលើកឡើងថា ការចូលរួមថែរក្សាបរិស្ថានទាំងអស់គ្នាគឺធ្វើឡើងដើម្បីកិច្ចការពារលើវិស័យអេកូទសចរណ៍ទើបមាននិររន្តភាព។ ក្រៅពីនេះក៏ត្រូវពង្រឹងលើវិស័យច្បាប់ ដែលមានការចូលរួមអនុវត្តគ្រប់ភាគីពាក់ព័ន្ធទើបអាចសម្រេចនូវផែនការបាន។
គួរបញ្ជាក់ថា គម្រោងនិរន្តភាពតំបន់ទេសភាព និងទេសចរណ៍ធម្មជាតិកម្ពុជាមានរយៈពេលអនុវត្តចំនួន៦ឆ្នាំ និងបានចាប់ផ្តើមដំណើការជាផ្លូវការនៅថ្ងៃទី១៧ ខែតុលា ឆ្នាំ២០១៩ ហើយនឹងត្រូវបញ្ចប់នៅថ្ងៃទី៣១ ខែធ្នូ ឆ្នាំ២០២៥។ គម្រោងនេះមានគោលបំណងធ្វើឱ្យប្រសើរនូវការគ្រប់គ្រងតំបន់ការពារធម្មជាតិជំរុញឱ្យឱកាសសម្រាប់ការអភិវឌ្ឍទេសចរណ៍ធម្មជាតិ និងដើម្បីបង្កើនច្រវ៉ាក់តម្លៃអនុផលព្រៃឈើនៅតំបន់ទេសភាពជួរភ្នំក្រវាញ និងបឹងទន្លេសាប ហើយបែងចែកជា៥សមាសភាពដោយក្នុងនេះរួមមានដូចជា ៖
១)ការពង្រឹងសមត្ថភាពក្នុងការរៀបចំផែនការ និងការគ្រប់គ្រងតំបន់ទេសភាពក្នុងតំបន់ការពារធម្មជាតិ ២)ពង្រឹងឱកាសសម្រាប់អភិវឌ្ឍទេសចរណ៍ធម្មជាតិ និងច្រវ៉ាក់តម្លៃអនុវផលព្រៃឈើ៣)ជំរុញការតភ្ជាប់ខ្សែផ្លូវចេញចូលតាមជនបទ៤)ការគ្រប់គ្រងគម្រោង ការត្រួតពិនិត្យ និងការវាយតម្លៃ និងទី៥)ការឆ្លើយតបទៅនឹងគ្រោះអាសន្ន។ សម្រាប់គម្រោងនេះដែរ មានវិសាលភាពគាំទ្រដល់ការគ្រប់គ្រងធនធានធម្មជាតិ ដែលមានផ្ទៃដីប្រមាណជាង ៣,៨លានហិកតាក្នុងតំបន់ការពារធម្មជាតិចំនួន ១៤ និងខេត្តគោលដៅចំនួន ៧ រួមមានខេត្តកោះកុង ខេត្តកំពង់ស្ពឺ ខេត្តកំពង់ឆ្នាំង ខេត្តពោធិ៍សាត់ ខេត្តបាត់ដំបង ខេត្តកំពង់ធំ និងខេត្តសៀមរាប៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content