សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កន្ត្រកឫស្សី ផ្ដៅ និងរំពាក់ ជាសម្ភារពេញនិយមមួយដែលអាចប្រើប្រាស់បានច្រើនមុខ អាចជាប់បានយូរ ពិសេសក្នុងឱកាសបុណ្យភ្ជុំបិណ្ឌនេះ កន្ត្រកកាន់តែមានប្រជាប្រិយភាពដែលអាចយកទៅដាក់វេចខ្ចប់សាដក និងដាក់អំណោយជូនក្រុមគ្រួសារបងផងដែរ។
កញ្ញា ធូ ចាន់ណារីន ជាម្ចាស់អាជីវកម្មលក់សម្ភារត្បាញដោយដៃ Handmade Crafts បានប្រាប់ AMS ឲ្យដឹងថា៖
« ក្នុងឱកាសបុណ្យភ្ជុំបិណ្ឌ ផលិតផលដែលផ្ទុះខ្លាំងគែកន្ត្រក ដែលមានទាំង កន្ត្រកឫស្សី ផ្ដៅ និងរពាក់ គឺសុទ្ធតែលក់ដាច់អស់ៗ ឲ្យតែមានស្តុក គឺលក់ដាច់អស់ៗ តែម្ដង។ ចំណែកតម្លៃវិញ ម្ចាស់អាជីវកម្មខាងលើរៀបរាប់ថា កន្ត្រកមានតម្លៃចាប់ពី 5000រៀលឡើងទៅ អាស្រ័យលើទំហំ ក៏ដូចជាវត្ថុធាតុដើមរួមមានធ្វើពីឫស្សី វល្លិ៍ រពាក់ ឬក៏ផ្ដៅ។»
កញ្ញាបន្តថា សម្រាប់កន្ត្រកយើងអាចលក់បានចាប់ពី ៥០កន្ត្រកឡើងទៅ ឲ្យតែមានស្តុកគ្រប់ការកម៉្មង់ ហើយអតិថិជនភាគច្រើនគេទិញយកទៅវេចខ្ចប់ជា សាដកសម្រាប់ប្រគេនព្រះសង្ឃ និងដាក់អាហារ និងភេសជ្ជៈជូនចាស់ៗ ជាដើម។
សម្រាប់ផលិតផលទាំងនេះ កញ្ញាបន្ថែមថា យើងទិញបន្តមកពីបងប្អូនអ្នកខេត្តកំពង់ឆ្នាំង ដែលធ្វើការត្បាញដោយដៃ ចំណាយពេលយូរ ធ្វើឲ្យផលិតផលនីមួយៗមានរូបរាង ក្រឡាស្អាត និងមានគុណភាពល្អ ថែមទាំងមិនប៉ះពាល់ដល់បរិស្ថាន។
គួរបញ្ជាក់ដែរថា កញ្ញា ធូ ចាន់ណារីន ទើបតែចាប់ផ្ដើមអាជីវកម្មនេះលក់របស់ច្នៃដោយដៃតាមអនឡាញនេះប៉ុណ្ណោះ ប៉ុន្តែក្រុមគ្រួសាររបស់កញ្ញាជាអ្នកត្បាញនៅខេត្តកំពង់ឆ្នាំងតាំងពីយូរមកហើយ។ ក្រៅពីផលិតផលកន្ត្រក កញ្ញាក៏មានលក់នូវផលិតផលផ្សេងទៀតដូចជា ចង្អេរ កញ្ច្រែង ល្អី ទ្រូ មួក អំបោស ក្អម ឆ្នាំង ថូ ជាដើម។
ចុងក្រោយ ម្ចាស់អាជីវកម្ម Handmade Crafts កញ្ញា ធូ ចាន់ណារីន ក៏សូមអរគុណដល់អតិថិជនដែលតែងតែគាំទ្រផលិតធ្វើដោយដៃរបស់បងប្អូនអ្នកកំពង់ឆ្នាំងផ្ទាល់ ដែលជាផ្នែកមួយជួយដល់ជីវភាពសហគមន៍៕
Account
Security
Favourite Content